ਬਾਲੀਵੁੱਡ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਸਿਲਵਰ ਸਕਰੀਨ 'ਤੇ ਸੀਤਾ ਦਾ ਕਿਰਦਾਰ ਨਿਭਾਉਂਦੀ ਦਿੱਸ ਸਕਦੀ ਹੈ। ਅਜੈ ਦੇਵਗਨ ਨੂੰ ਲੈ ਕੇ ‘ਤਾਨਾ ਜੀ: ਦ ਅਨਸੰਗ ਵਾਰੀਅਰ’ ਵਰਗੀ ਸੁਪਰਹਿੱਟ ਫਿਲਮ ਬਣਾ ਚੁੱਕੇ ਡਾਇਰੈਕਟਰ ਓਮ ਰਾਉਤ ਫਿਲਮ ‘ਆਦਿਪੁਰਸ਼' ਬਣਾਉਣ ਵਾਲੇ ਹਨ। ਇਸ ਫਿਲਮ ਵਿੱਚ ‘ਬਾਹੁਬਲੀ’ ਫੇਮ ਪ੍ਰਭਾਸ ਦੀ ਮੁੱਖ ਭੂਮਿਕਾ ਹੈ। ਫਿਲਮ ਵਿੱਚ ਸੈਫ ਅਲੀ ਖਾਨ ਲੰਕੇਸ਼ ਦਾ ਕਿਰਦਾਰ ਨਿਭਾ ਰਹੇ ਹਨ, ਜੋ ਰਾਵਣ 'ਤੇ ਆਧਾਰਤ ਹੈ। ਕਿਹਾ ਜਾ ਰਿਹਾ ਹੈ ਕਿ ਅਨੁਸ਼ਕਾ ਸ਼ਰਮਾ ‘ਆਦਿਪੁਰਸ਼’ ਵਿੱਚ ਸੀਤਾ ਦੇ ਰੋਲ ਵਿੱਚ ਨਜ਼ਰ ਆ ਸਕਦੀ ਹੈ। 

ਫਿਲਮ ਵਿੱਚ ਸੀਤਾ ਦੇ ਰੋਲ ਦੇ ਲਈ ਅਨੁਸ਼ਕਾ ਸ਼ਰਮਾ ਮੇਕਰਸ ਦੀ ਪਸੰਦ ਬਣੀ ਤੇ ਉਹ ਜਲਦ ਹੀ ਇਹ ਫਿਲਮ ਸਾਈਨ ਕਰ ਸਕਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਫਿਲਮ ਇੱਕ ਥ੍ਰੀ ਡੀ ਐਕਸ਼ਨ ਡਰਾਮਾ ਹੋਵੇਗੀ। ਇਸ ਫਿਲਮ ਨੂੰ ਹਿੰਦੀ, ਤੇਲਗੂ, ਤਮਿਲ, ਮਲਿਆਲਮ ਅਤੇ ਕੰਨੜ ਵਿੱਚ ਰਿਲੀਜ਼ ਕੀਤਾ ਜਾਏਗਾ। ਇਸ ਵਿੱਚ ਰਾਮਾਇਣ ਦਾ ਵੀ ਇੱਕ ਹਿੱਸਾ ਹੋਵੇਗਾ। ਫਿਲਮ ਦੀ ਸ਼ੂਟਿੰਗ 2021 ਵਿੱਚ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ ਅਤੇ 2022 ਵਿੱਚ ਰਿਲੀਜ਼ ਹੋ ਸਕਦੀ ਹੈ।