ਫਿਲਮਕਾਰ ਪ੍ਰਕਾਸ਼ ਝਾਅ ਦੇ ਅਭਿਨੈ ਅਤੇ ਐੱਮ ਗਨੀ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਮੱਟੋ ਦੀ ਸਾਈਕਲ’ ਦੱਖਣੀ ਕੋਰੀਆ ਵਿੱਚ ਆਯੋਜਤ ਹੋ ਰਹੇ ਬੁਸਾਨ ਫਿਲਮ ਫੈਸਟੀਵਲ ਦੇ 25ਵੇਂ ਐਡੀਸ਼ਨ ਵਿੱਚ ਦਿਖਾਏ ਜਾਣ ਦੇ ਲਈ ਬਿਲਕੁਲ ਤਿਆਰ ਹੈ। ਸਮਾਰੋਹ ਨੂੰ 21 ਅਕਤੂਬਰ ਤੋਂ ਤੀਹ ਅਕਤੂਬਰ ਤੱਕ ਆਯੋਜਤ ਕੀਤਾ ਜਾਵੇਗਾ। ਇਹ ਫਿਲਮ ਫੈਸਟੀਵਲ ਵਿੱਚ ‘ਏ ਵਿੰਡੋ ਆਨ ਏਸ਼ੀਅਨ ਸਿਨੇਮਾ’ ਸ਼ਰੇਣੀ ਦੇ ਤਹਿਤ ਦਿਖਾਈ ਜਾਏਗੀ।
ਗਨੀ ਇਸ ਬਾਰੇ ਕਹਿੰਦੇ ਹਨ, ‘ਮੈਂ ਪ੍ਰਸਿੱਧ ਬੁਸਾਨ ਅੰਤਰਰਾਸ਼ਟਰੀ ਫਿਲਮ ਮਹਾਉਤਸਵ ਦੀ ਕਮੇਟੀ ਤੇ ਪ੍ਰਕਾਸ਼ ਝਾਅ ਨੂੰ ਦਿਲੋਂ ਸ਼ੁਕਰੀਆ ਕਹਿੰਦਾ ਹਾਂ, ਜੋ ਮੇਰੇ ਨਾਲ ਖੜੇ ਹੋਏ ਤੇ ਮੇਰੀ ਕਹਾਣੀ 'ਤੇ ਭਰੋਸਾ ਕੀਤਾ।’ ਇਹ ਕਹਾਣੀ ਇੱਕ ਅਜਿਹੇ ਪਰਵਾਰ ਦੇ ਦੁਆਲੇ ਘੁੰਮਦੀ ਹੈ, ਜੋ ਇੱਕ ਨਵੀਂ ਸਾਈਕਲ ਨੂੰ ਖਰੀਦਣ ਲਈ ਸੰਘਰਸ਼ ਕਰਦੇ ਹਨ ਅਤੇ ਫਿਲਮ ਵਿੱਚ ਇਹ ਵੀ ਦਿਖਾਇਆ ਗਿਆ ਹੈ ਕਿ ਕਿਵੇਂ ਨਾਲ ਉਨ੍ਹਾਂ ਦੀ ਜ਼ਿੰਦਗੀ ਇਸ ਸਾਈਕਲ 'ਤੇ ਟਿਕੀ ਰਹਿੰਦੀ ਹੈ। ‘ਮੱਟੋ ਦੀ ਸਾਈਕਲ’ ਵਿੱਚ ਅਨੀਤਾ ਚੌਧਰੀ ਅਤੇ ਆਰੋਹੀ ਸ਼ਰਮਾ ਸਮੇਤ ਕਈ ਕਲਾਕਾਰ ਹਨ। ਸੁਧੀਰਭਾਈ ਮਿਸ਼ਰਾ ਨੇ ਇਸ ਫਿਲਮ ਨੂੰ ਪ੍ਰੋਡਿਊਸ ਕੀਤਾ ਹੈ ਅਤੇ ਇਹ ਉਨ੍ਹਾਂ ਦੇ ਨਿਰਮਾਣ ਵਾਲੀ ਪਹਿਲੀ ਫਿਲਮ ਹੈ।