ਐਲਬਰਟਨ, ਪੀਈਆਈ, 20 ਸਤੰਬਰ (ਪੋਸਟ ਬਿਊਰੋ) : ਪਿਛਲੇ ਹਫਤੇ ਪਿ੍ਰੰਸ ਐਡਵਰਡ ਆਈਲੈੱਡ ਉੱਤੇ ਬੋਟ ਪਲਟਣ ਕਾਰਨ ਲਾਪਤਾ ਹੋਏ ਦੋ 17 ਸਾਲਾ ਲੜਕਿਆਂ ਵਿੱਚੋੱ ਇੱਕ ਦੀ ਲਾਸ਼ ਅੰਡਰਵਾਰਟਰ ਸਰਚ ਟੀਮ ਨੂੰ ਮਿਲ ਗਈ।

ਆਰਸੀਐਮਪੀ ਦੇ ਬੁਲਾਰੇ ਨੇ ਦੱਸਿਆ ਕਿ ਈਥਨ ਰੇਲੀ ਦੀ ਲਾਸ਼ ਐਤਵਾਰ ਨੂੰ ਸ਼ਾਮੀਂ 5:30 ਵਜੇ ਮਿਲੀ। ਸਾਰਜੈਂਟ ਨੀਲ ਲੋਗਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਇਹ ਲਾਸ਼ ਫੌਕਸ ਆਈਲੈਂਡ ਕੋਲੋਂ ਮਿਲੀ। ਇਸ ਇਲਾਕੇ ਵਿੱਚ ਹੀ ਉਹ ਕਈ ਦਿਨਾਂ ਤੋਂ ਇਨ੍ਹਾਂ ਲਾਪਤਾ ਲੜਕਿਆਂ ਨੂੰ ਭਾਲਣ ਦੀ ਕੋਸਿ਼ਸ਼ ਕਰ ਰਹੇ ਸਨ।

ਉਨ੍ਹਾਂ ਆਖਿਆ ਕਿ ਟੀਮ ਅਜੇ ਵੀ ਦੂਜੇ ਲੜਕੇ ਦੀ ਭਾਲ ਕਰ ਰਹੀ ਹੈ। ਜਿਸ ਦੀ ਪਛਾਣ ਐਲੈਕਸ ਹਚਿਸਨ ਵਜੋੱ ਕੀਤੀ ਦੱਸੀ ਜਾਂਦੀ ਹੈ। ਇਹ ਦੋਵੇੱ ਲੜਕੇ ਬੁੱਧਵਾਰ ਨੂੰ ਉਸ ਸਮੇੱ ਲਾਪਤਾ ਹੋ ਗਏ ਸਨ ਜਦੋੱ ਉਨ੍ਹਾਂ ਦੀ ਬੋਟ ਪਲਟ ਗਈ ਸੀ। ਹੈਲੀਫੈਕਸ ਦੇ ਮੈਰੀਟਾਈਮ ਜੁਆਇੰਟ ਰੈਸਕਿਊ ਕੋ-ਆਰਡੀਨੇਸ਼ਨ ਸੈੱਟਰ, ਜੋ ਕਿ ਸ਼ੁਰੂ ਵਿੱਚ ਇਸ ਮਾਮਲੇ ਨੂੰ ਦੇਖ ਰਿਹਾ ਸੀ, ਨੇ ਦੱਸਿਆ ਕਿ ਇਸ ਬੋਟ ਵਿੱਚ ਤਿੰਨ ਵਿਅਕਤੀ ਸਵਾਰ ਸਨ ਜਦੋੱ ਇਹ ਪੀ ਈ ਆਈ ਦੇ ਪੱਛਮੀ ਕਿਨਾਰੇ ਉੱਤੇ ਨੌਰਥਪੋਰਟ ਨੇੜੇ ਡੁੱਬੀ।

ਸੈੱਟਰ ਨੇ ਦੱਸਿਆ ਕਿ ਇੱਕ ਲੜਕਾ ਤੈਰ ਕੇ ਕਿਨਾਰੇ ਆਉਣ ਵਿੱਚ ਸਫਲ ਹੋ ਗਿਆ ਜਦਕਿ ਫੌਜ ਦੇ ਹੈਲੀਕਾਪਟਰਾਂ ਤੇ ਕੋੋਸਟ ਗਾਰਡ ਬੇੜਿਆਂ ਵੱਲੋੱ ਦੋ ਹੋਰਨਾਂ ਦੀ ਭਾਲ ਦਾ ਕੰਮ ਜੰਗੀ ਪੱਧਰ ਉੱਤੇ ਸ਼ੁਰੂ ਕਰ ਦਿੱਤਾ ਗਿਆ।