ਗਲਾਸਗੋ, 18 ਸਤੰਬਰ (ਪੋਸਟ ਬਿਊਰੋ)- ਗਿਨੀਜ਼ ਰਿਕਾਰਡ ਇੱਕ ਅਜਿਹਾ ਜ਼ਰੀਆ ਹੈ ਜੋ ਕਿਸੇ ਵੀ ਖੇਤਰ ਵਿੱਚ ਖਾਸ ਮੁਹਾਰਤ ਵਾਲੇ ਲੋਕਾਂ ਨੂੰ ਸੰਸਾਰ ਪੱਧਰ ਉੱਤੇ ਪ੍ਰਸਿੱਧੀ ਦਿਵਾਉਂਦਾ ਹੈ। ਇਸੇ ਲੜੀ ਹੇਠ ਹੈਂਪਸ਼ਾਇਰ ਦੇ ਇੱਕ ਆਦਮੀ ਨੇ ਦੁਨੀਆ ਦੇ ਸਭ ਤੋਂ ਛੋਟੇ ਬੱਸ ਡਰਾਈਵਰ (ਕੱਦ 136.2 ਸੈਂਟੀਮੀਟਰ, ਚਾਰ ਫੁੱਟ ਪੰਜ ਇੰਚ) ਵਜੋਂ ਆਪਣਾ ਨਾਂ ਗਿਨੀਜ਼ ਵਰਲਡ ਆਫ ਰਿਕਾਰਡ ਵਿੱਚ ਦਰਜ਼ ਕਰਵਾਇਆ ਹੈ।
ਫ੍ਰੈਂਕ ਫੀਕ ਹੈਚਮ ਨਾਂ ਦੇ ਇਸ ਵਿਅਕਤੀ ਨੇ ਬੱਸ ਡਰਾਈਵਰ ਭਰਤੀ ਹੋਣ ਤੋਂ ਪਹਿਲਾਂ 20 ਸਾਲਾਂ ਤੋਂ ਵੱਧ ਸਮੇਂ ਤੱਕ ਕਾਰ ਚਲਾਈ ਸੀ, ਪਰ 2017 ਵਿੱਚ ਉਸਨ ੇ ਬੱਸ ਡਰਾਇਵਿੰਗ ਟੈਸਟ ਦੇਣ ਦਾ ਫੈਸਲਾ ਕਰ ਲਿਆ। ਇਸ ਲਈ ਆਪਣੇ ਕੱਦ ਕਰਕੇ ਉਸ ਨੂੰ ਕੋਈ ਖਾਸ ਸੋਧ ਦੇ ਜ਼ਰੂਰਤ ਨਹੀਂ ਪਈ, ਉਸ ਨੂੰ ਬੱਸ ਆਪਣੀ ਸੀਟ ਤੇ ਸਟੀਅਰਿੰਗ ਵ੍ਹੀਲ ਨੂੰ ਆਪਣੇ ਮੁਤਾਬਕ ਬਣਾਉਣ ਦੀ ਲੋੜ ਸੀ। ਅੱਜ ਕੱਲ੍ਹ ਹੈਚਮ ਨਵੇਂ ਵਿਸ਼ਵ ਰਿਕਾਰਡ ਧਾਰਕਾਂ ਦੇ ਸਮੂਹ ਵਿੱਚੋਂ ਇੱਕ ਹੈ, ਜਿਸ ਨੂੰ ਗਿਨੀਜ਼ ਨੇ 2021 ਦੇ ਰਿਕਾਰਡ ਦੀ ਕਿਤਾਬ ਵਿੱਚ ਦਰਜ ਕੀਤਾ ਹੈ।