ਵਾਸ਼ਿੰਗਟਨ, 18 ਸਤੰਬਰ (ਪੋਸਟ ਬਿਊਰੋ)- ਨਿਊਜਰਸੀ ਦੀ ਇੱਕ ਕਰਮਚਾਰੀ ਭਰਤੀ ਕਰਨ ਵਾਲੀ ਕੰਪਨੀ ਨੇ ਇਨ੍ਹਾਂ ਦੋਸ਼ਾਂ ਦਾ ਨਿਪਟਾਰਾ ਕਰਨ ਲਈ 3.45 ਲੱਖ ਅਮਰੀਕੀ ਡਾਲਰ ਦੇਣਾ ਮੰਨ ਲਿਆ ਹੈ ਕਿ ਉਸ ਨੇ ਅਮਰੀਕਾ ਵਿੱਚ ਐਚ-1ਬੀ ਵੀਜ਼ਾ ਉੱਤੇ ਕਰਮਚਾਰੀਆਂ ਨੂੰ ਲਿਆਉਣ ਵੇਲੇ ਇਮੀਗ੍ਰੇਸ਼ਨ ਅਤੇ ਰੋਜ਼ਗਾਰ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ। ਐਚ-1ਬੀ ਵੀਜ਼ਾ ਗੈਰ-ਇਮੀਗ੍ਰੇਸ਼ਨ ਵੀਜ਼ਾ ਹੈ। ਇਸ ਨਾਲ ਅਮਰੀਕੀ ਕੰਪਨੀਆਂ ਮੁਹਾਰਤ ਵਾਲੇ ਅਹੁਦਿਆਂ ਉੱਤੇ ਵਿਦੇਸ਼ੀ ਪੇਸ਼ੇਵਰਾਂ ਦੀ ਨਿਯੁਕਤੀ ਕਰ ਸਕਦੀਆਂ ਹਨ।
ਭਾਰਤੀ ਆਈ ਟੀ ਪੇਸ਼ੇਵਰਾਂ ਵਿੱਚ ਐਚ-1ਬੀ ਵੀਜ਼ਾ ਦੀ ਸਭ ਤੋਂ ਵੱਧ ਮੰਗ ਹੈ। ਅਮਰੀਕਾ ਵਿੱਚ ਇਮੀਗ੍ਰੇਸ਼ਨ ਤੇ ਕਸਟਮ ਡਿਊਟੀ ਐਨਫੋਰਸਮੈਂਟ (ਆਈ ਡੀ ਈ) ਦੀ ਵਾਧੂ ਸੁਰੱਖਿਆ ਜਾਂਚ (ਐਚ ਐਸ ਆਈ), ਲੇਬਰ ਵਿਭਾਗ ਅਤੇ ਨਿਊਜਰਸੀ ਜ਼ਿਲੇ ਦੇ ਅਟਾਰਨੀ ਨੇ ਸੈਵਟਿਨਸ ਨੂੰ ਐਚ-1ਬੀ ਸਬੰਧੀ ਉਲੰਘਣਾ ਦੇ ਸਬੰਧ ਵਿੱਚ ਲਾਏ ਗਏ ਦੋਸ਼ਾਂ ਦੇ ਹੱਲ ਲਈ 3.45 ਲੱਖ ਡਾਲਰ ਦੇ ਭੁਗਤਾਨ ਦਾ ਆਦੇਸ਼ ਦਿੱਤਾ ਸੀ। ਸੈਵਟਿਨਸ, ਜਿਸ ਦਾ ਨਾਂ ਪਹਿਲਾਂ ਵੈਦਿਕਸਾਫਟ ਸੀ, ਦੀ ਹਾਜ਼ਰੀ ਭਾਰਤ ਵਿੱਚ ਵੀ ਹੈ। ਕੰਪਨੀ ਐਚ-1ਬੀ ਵੀਜ਼ਾ ਨਾਲ ਅਮਰੀਕਾ ਵਿੱਚ ਵਿਦੇਸ਼ ਨਾਗਰਿਕਾਂ ਨੂੰ ਨਿਯੁਕਤੀ ਦਿਵਾਉਣ ਦੇ ਨਾਲ ਸਲਾਹ, ਤਕਨਲੌਜੀ ਅਤੇ ਕਰਮਚਾਰੀ ਦਿਵਾਉਣ ਵਰਗੇ ਕੰਮਾਂ ਵਿੱਚ ਸ਼ਾਮਲ ਹੈ।