ਟੋਰਾਂਟੋ, 18 ਸਤੰਬਰ (ਪੋਸਟ ਬਿਊਰੋ) : ਟੋਰਾਂਟੋ ਪੁਲਿਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਸਕਾਰਬੌਰੋ ਦੇ ਪੱਛਮ ਵੱਲ ਹੋਏ ਹਾਦਸੇ ਵਿੱਚ ਇੱਕ ਮੋਟਰਸਾਈਕਲਿਸਟ ਦੀ ਮੌਤ ਹੋ ਗਈ|
ਪੁਲਿਸ ਅਧਿਕਾਰੀਆਂ ਨੂੰ ਵਾਰਡਨ ਐਵਨਿਊ ਤੇ ਹਾਈਵੇਅ 401 ਨੇੜੇ ਰਾਤੀਂ 10:30 ਵਜੇ ਤੋਂ ਥੋੜ੍ਹੀ ਦੇਰ ਬਾਅਦ ਇਸ ਹਾਦਸੇ ਦੀ ਖਬਰ ਮਿਲੀ| ਕਾਂਸਟੇਬਲ ਡੇਵਿਡ ਹੌਪਕਿੰਜ਼ ਦਾ ਕਹਿਣਾ ਹੈ ਕਿ ਮੋਟਰਸਾਈਕਲ ਨੂੰ ਅੱਗ ਲੱਗ ਗਈ ਤੇ ਉਸ ਉੱਤੇ ਸਵਾਰ ਪੁਰਸ਼ ਮੋਟਰਸਾਈਕਲਿਸਟ, ਜੋ ਕਿ ਆਪਣੇ 30ਵਿਆਂ ਵਿੱਚ ਦੱਸਿਆ ਜਾਂਦਾ ਹੈ, ਦੀ ਮੌਤ ਹੋ ਗਈ|
ਜਿਸ ਗੱਡੀ ਨਾਲ ਹਾਦਸਾ ਵਾਪਰਿਆ ਉਸ ਦਾ ਡਰਾਈਵਰ ਮੌਕੇ ਉੱਤੇ ਹੀ ਮੌਜੂਦ ਸੀ| ਟਰੈਫਿਕ ਸਰਵਿਸਿਜ਼ ਵੱਲੋਂ ਹਾਦਸੇ ਨੂੰ ਮੁੜ ਕੰਸਟ੍ਰਕਟ ਕੀਤਾ ਜਾਵੇਗਾ ਤੇ ਕੁੱਝ ਸਮੇਂ ਲਈ ਇਸ ਇਲਾਕੇ ਵਿੱਚ ਆਵਾਜਾਈ ਬੰਦ ਰਹਿਣ ਦੀ ਵੀ ਸੰਭਾਵਨਾ ਹੈ|