ਉਮਰ ਦੇ ਨਾਲ ਅਕਸਰ ਬੱਚਿਆਂ ਦੇ ਸੁਫਨੇ ਬਦਲਦੇ ਰਹਿੰਦੇ ਹਨ। ਕੁਝ ਏਦਾਂ ਹੀ ਫਿਲਮ ‘1920’, ‘ਕਮਾਂਡੋ-2’ ਅਤੇ ‘ਬਾਈਪਾਸ ਰੋਡ’ ਦੀ ਅਭਿਨੇਤਰੀ ਅਦਾ ਸ਼ਰਮਾ ਦੇ ਨਾਲ ਵੀ ਰਿਹਾ। ਅਭਿਨੇਤਰੀ ਬਣਨਾ ਅਦਾ ਦੇ ਬਚਪਨ ਦੀ ਪਹਿਲੀ ਪਸੰਦ ਨਹੀਂ ਸੀ। ਸਕੂਲ ਦੇ ਦਿਨਾਂ ਵਿੱਚ ਉਸ ਦੀ ਦਿਲਚਸਪੀ ਜਿਮਨਾਸਟਿਕ ਵਿੱਚ ਸੀ, ਲਿਹਾਜਾ ਉਹ ਵੱਡੀ ਹੋ ਕੇ ਸਰਕਸ ਵਿੱਚ ਕੰਮ ਕਰਨਾ ਚਾਹੁੰਦੀ ਸੀ। ਫਿਰ ਉਸ ਦਾ ਰੁਝਾਨ ਖੇਤੀਬਾੜੀ ਵੱਲ ਹੋਇਆ ਅਤੇ ਉਹ ਕਿਸਾਨ ਬਣਨ ਦੇ ਸੁਫਨੇ ਦੇਖਣ ਲੱਗੀ। ਸਕੂਲ ਪਾਸ ਕਰਨ ਦੇ ਬਾਅਦ ਇਨ੍ਹਾਂ ਸਭ ਚੀਜ਼ਾਂ ਤੋਂ ਹਟ ਕੇ ਉਸ ਦੀ ਦਿਲਚਸਪੀ ਐਕਟਿੰਗ ਵੱਲ ਹੋ ਗਈ। ਇਸ ਦੇ ਬਾਅਦ ਉਸ ਨੇ ਅਭਿਨੇਤਰੀ ਦਾ ਫੈਸਲਾ ਕੀਤਾ ਤੇ ਐਕਟਿੰਗ ਹਮੇਸ਼ਾ ਲਈ ਉਸ ਦੀ ਪਸੰਦ ਬਣ ਗਈ।
ਅਦਾ ਸ਼ਰਮਾ ਮੁਤਾਬਕ ਉਹ ਬਚਪਨ ਤੋਂ ਸਰੀਰਕ ਦੂਰੀ ਦਾ ਪਾਲਣ ਕਰਦੀ ਆਈ ਹੈ, ਕਿਉਂਕਿ ਉਸ ਨੂੰ ਜ਼ਿਆਦਾ ਲੋਕਾਂ ਦੇ ਵਿੱਚ ਰਹਿਣਾ ਪਸੰਦ ਨਹੀਂ ਹੈ।