ਮਨੋਜ ਵਾਜਪਾਈ ਭਾਰਤੀ ਸਿਨੇਮਾ ਦੇ ਉਨ੍ਹਾਂ ਗਿਣੇ-ਚੁਣੇ ਕਲਾਕਾਰਾਂ ਵਿੱਚੋਂ ਹਨ, ਜੋ ਬਿਨਾਂ ਨਿਰਦੇਸ਼ ਦੇ ਪ੍ਰਫੈਕਟ ਸ਼ਾਟ ਦੇਣ ਦੀ ਕਾਬਲੀਅਤ ਰੱਖਦੇ ਹਨ। ਉਨ੍ਹਾਂ ਦੀ ਇਹੋ ਯੋਗਤਾ ਪਿੱਛੇ ਜਿਹੇ ਰਿਲੀਜ਼ ਹੋਏ ਭੋਜਪੁਰੀ ਮਿਊਜ਼ਿਕ ਵੀਡੀਓ ‘ਬੰਬਈ ਮੇ ਕਾ ਬਾ’ ਵਿੱਚ ਵੀ ਦੇਖਣ ਨੂੰ ਮਿਲੀ। ਦਰਅਸਲ ਮਨੋਜ ਵਾਜਪਾਈ ਇਸ ਮਿਊਜ਼ਿਕ ਵੀਡੀਓ ਦੇ ਨਿਰਦੇਸ਼ਕ ਅਨੁਭਵ ਸਿਨਹਾ ਦੇ ਨਾਲ ਇੰਸਟਾਗ੍ਰਾਮ 'ਤੇ ਲਾਈਵ ਆਏ। ਇਸ ਦੌਰਾਨ ਦੋਵਾਂ ਨੇ ਭੋਜਪੁਰੀ ਸੰਗੀਤ, ਸਿਨੇਮਾ ਅਤੇ ਉਸਦੇ ਪ੍ਰਚਾਰ ਪ੍ਰਸਾਰ ਸੰਬੰਧੀ ਕਈ ਵਿਸ਼ਿਆਂ 'ਤੇ ਗੱਲਬਾਤ ਕੀਤੀ।
ਅਨੁਭਵ ਨੇ ਦੱਸਿਆ ਕਿ ਇਸ ਮਿਊਜ਼ਿਕ ਵੀਡੀਓ ਦੀ ਸ਼ੂਟਿੰਗ ਦੇ ਆਖਰੀ ਦਿਨ ਪੂਰੀ ਟੀਮ ਨੇ ਖੂਬ ਮਿਹਨਤ ਕਰ ਕੇ ਦੇਰ ਰਾਤ ਤੱਕ ਕੰਮ ਕੀਤਾ। ਆਖਰੀ ਸ਼ਾਟ ਲਈ ਅਨੁਭਵ ਨੇ ਮਨੋਜ ਨੂੰ ਕਿਹਾ ਕਿ ਉਹ ਇਸ ਦਾ ਆਖਰੀ ਚਾਰ ਮਿੰਟ ਦਾ ਗਾਣਾ ਵਜਾਉਣਗੇ ਅਤੇ ਇਸ 'ਤੇ ਮਨੋਜ ਨੂੰ ਕੈਮਰੇ ਸਾਹਮਣੇ ਆਪਣੇ ਮਨ ਤੋਂ ਪ੍ਰਫਾਰਮ ਕਰਨਾ ਹੈ। ਇਸ ਦੇ ਬਾਅਦ ਅਨੁਭਵ ਨੇ ਗਾਣਾ ਵਜਾਇਆ ਅਤੇ ਮਨੋਜ ਬਿਨਾਂ ਕਿਸੇ ਨਿਰਦੇਸ਼ ਦੇ ਲਗਾਤਾਰ ਚਾਰ ਮਿੰਟ ਆਪਣੇ ਮਨ ਤੋਂ ਸ਼ੂਟਿੰਗ ਕਰਦੇ ਰਹੇ। ਇਸ ਦੌਰਾਨ ਅਨੁਭਵ ਨੂੰ ਮਨੋਜ ਦੇ ਚਿਹਰੇ 'ਤੇ ਦਿਨ ਭਰ ਦੀ ਥਕਾਣ ਸਾਫ ਝਲਕ ਰਹੀ ਸੀ, ਪਰ ਉਹ ਕੱਟ ਬੋਲ ਕੇ ਮਨੋਜ ਦੀ ਲੈਅ ਵਿੱਚ ਰੁਕਾਵਟ ਨਹੀਂ ਬਣਨਾ ਚਾਹੁੰਦੇ ਸਨ। ਅਨੁਭਵ ਦੇ ਅਨੁਸਾਰ ਪੂਰੇ ਮਿਊਜ਼ਿਕ ਵੀਡੀਓ ਲਈ ਮਨੋਜ ਦਾ ਇਹ ਸ਼ਾਟ ਬਹੁਤ ਮਹੱਤਵ ਪੂਰਨ ਸੀ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਅੱਗੋਂ ਉਹ ਇੱਕ ਹੋਰ ਰੋਮਾਂਟਿਕ ਭੋਜਪੁਰੀ ਮਿਊਜ਼ਿਕ ਵੀਡੀਓ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ।