ਅਭਿਨੇਤਾ ਨਮਿਤ ਦਾਸ ਨੇ ਫਿਲਮ ‘ਆਫਤ-ਏ-ਇਸ਼ਕ’ ਲਈ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਲੋੜੀਂਦੇ ਸੁਰੱਖਿਆ ਪ੍ਰਬੰਧਾਂ ਦਰਮਿਆਨ ਨਾਸਿਕ ਵਿੱਚ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ। ਸਾਲ 2015 ਵਿੱਚ ਹੰਗਰੀ ਵਿੱਚ ਬਣੀ ਬਲੈਕ ਕਾਮੇਡੀ ਫਿਲਮ ‘ਲੀਜ਼ਾ, ਦਿ ਫੌਕਸ ਫੇਅਰੀ’ ਦਾ ਨਿਰੇਦਸ਼ਨ ਇੰਦਰਜੀਤ ਨੱਟੋਜੀ ਵੱਲੋਂ ਕੀਤਾ ਜਾ ਰਿਹਾ ਹੈ। ਫਿਲਮ ਵਿੱਚ ਨਮਿਤ ਦਾਸ, ਇਲਾ ਅਰੁਣ, ਅਮਿਤ ਸਿਆਲ, ਵਿਕਰਮ ਕੋਛੜ, ਦੀਪਕ ਡੋਬਰੀਆਲ ਤੇ ਨੇਹਾ ਸ਼ਰਮਾ ਭੂਮਿਕਾਵਾਂ ਨਿਭਾਅ ਰਹੇ ਹਨ।
ਇਸ ਸੰਬੰਧੀ ਨਮਿਤ ਦਾਸ ਨੇ ਕਿਹਾ ਕਿ ਹੰਗਰੀ ਦੀ ਇਹ ਫਿਲਮ ਵਿਸ਼ਵ ਸਿਨੇਮਾ ਨੂੰ ਪਿਆਰ ਕਰਨ ਵਾਲੇ ਲੋਕਾਂ ਦੀ ਪਸੰਦ ਰਹੀ ਹੈ ਤੇ ਮੇਰੇ ਲਈ ਇਹ ਖੁਸ਼ਕਿਸਮਤੀ ਹੈ ਕਿ ਮੈਂ ਇੱਕ ਬੇਹੱਦ ਹੁਨਰਮੰਦ ਟੀਮ ਨਾਲ ਇਸ ਦਾ ਭਰਤੀ ਰੂਪ ਤਿਆਰ ਕਰਨ ਲਈ ਕੰਮ ਕਰ ਰਿਹਾ ਹਾਂ। ਉਨ੍ਹਾਂ ਦੱਸਿਆ ਕਿ ਇਹ ਫਿਲਮ ਇਸ ਵਰ੍ਹੇ ਦੇ ਅਖੀਰ ਤੱਕ ਜੀ 5 'ਤੇ ਆਵੇਗੀ। ਨਮਿਤ ਦਾਸ ਮੀਰਾ ਨਾਇਰ ਦੀ ਫਿਲਮ ‘ਸੁਟੇਬਲ ਬੁਆਇ’ ਵਿੱਚ ਕੰਮ ਕਰ ਰਹੇ ਹਨ, ਜੋ ਕਿ ਵਿਕਰਮ ਸੇਠ ਦੇ ਨਾਵਲ 'ਤੇ ਆਧਾਰਤ ਹੈ।