ਮਾਂਟਰੀਅਲ, 16 ਸਤੰਬਰ (ਪੋਸਟ ਬਿਊਰੋ) : ਮਾਂਟਰੀਅਲ ਪੁਲਿਸ ਵੱਲੋਂ ਨੌਂ ਰਾਹਗੀਰਾਂ ਨੂੰ ਗੱਡੀ ਨਾਲ ਟੱਕਰ ਮਾਰਨ ਵਾਲੇ 38 ਸਾਲਾ ਡਰਾਈਵਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ|
ਪੁਲਿਸ ਦੇ ਬੁਲਾਰੇ ਇਮੈਨੂਅਲ ਕੋਚਰ ਨੇ ਦੱਸਿਆ ਕਿ ਇਸ ਹਾਦਸੇ ਵਿੱਚ ਰਾਹਗੀਰਾਂ ਨੂੰ ਕਾਫੀ ਸੱਟਾਂ ਲੱਗੀਆਂ| ਉਨ੍ਹਾਂ ਦੱਸਿਆ ਕਿ ਇੱਕ ਵਿਅਕਤੀ ਨੂੰ ਟੱਕਰ ਮਾਰਨ ਤੋਂ ਬਾਅਦ ਕਾਹਲੀ ਨਾਲ ਡਰਾਈਵਰ ਮੌਕੇ ਤੋਂ ਗੱਡੀ ਭਜਾ ਕੇ ਲੈ ਗਿਆ ਤੇ ਫਿਰ ਉਸ ਨੇ ਐਵਨਿਊ ਵਾਲਾਡ ਤੇ ਰੂ ਡੀ ਡਿਜੌਨ ਦੇ ਕੋਨੇ ਉੱਤੇ ਅੱਠ ਵਿਅਕਤੀਆਂ ਨੂੰ ਗੱਡੀ ਨਾਲ ਹੋਰ ਟੱਕਰ ਮਾਰੀ|
ਇਸ ਹਾਦਸੇ ਵਿੱਚ ਛੇ ਬਾਲਗ ਤੇ ਦੋ ਬੱਚੇ ਜ਼ਖ਼ਮੀ ਹੋਏ, ਜੋ ਪਹਿਲਾਂ ਹੀ ਸਾਈਡਵਾਕ ਉੱਤੇ ਜਾ ਰਹੇ ਸਨ| ਪੁਲਿਸ ਨੇ ਦੱਸਿਆ ਕਿ ਇਸ ਘਟਨਾ ਨੂੰ ਅੰਜਾਮ ਦੇਣ ਪਿੱਛੇ ਡਰਾਈਵਰ ਦਾ ਕੀ ਮਕਸਦ ਸੀ ਉਹ ਪਤਾ ਨਹੀਂ ਲੱਗ ਸਕਿਆ| ਇਸ ਸਮੇਂ ਡਰਾਈਵਰ ਹਿਰਾਸਤ ਵਿੱਚ ਹੈ|