ਟੋਰਾਂਟੋ, 16 ਸਤੰਬਰ (ਪੋਸਟ ਬਿਊਰੋ) : ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਦਾ ਕਹਿਣਾ ਹੈ ਕਿ ਏਸਿੰਪਟੋਮੈਟਿਕ ਕੋਵਿਡ-19 ਟੈਸਟਿੰਗ ਅਗਲੇ ਇੱਕ ਜਾਂ ਦੋ ਦਿਨਾਂ ਵਿੱਚ ਫਾਰਮੇਸੀਜ਼ ਵਿੱਚ ਸ਼ੁਰੂ ਕੀਤੀ ਜਾਵੇਗੀ| ਇੱਥੋਂ ਦੇ ਵਾਸੀਆਂ ਵੱਲੋਂ ਟੈਸਟਿੰਗ ਲਈ ਲੰਮੇਂ ਉਡੀਕ ਸਮਿਆਂ ਦੀਆਂ ਸ਼ਿਕਾਇਤਾਂ ਮਿਲਣ ਕਾਰਨ ਇਹ ਫੈਸਲਾ ਕੀਤਾ ਜਾ ਰਿਹਾ ਹੈ|
ਗੁਐਲਫ, ਓਨਟਾਰੀਓ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਫੋਰਡ ਨੇ ਇਹ ਟਿੱਪਣੀ ਕੀਤੀ ਕਿ ਇਟੋਬੀਕੋ ਵਿੱਚ ਲੋਕਾਂ ਵੱਲੋਂ ਇਹ ਸ਼ਿਕਾਇਤ ਕੀਤੀ ਗਈ ਸੀ ਕਿ ਉਨ੍ਹਾਂ ਨੂੰ ਟੈਸਟ ਕਰਵਾਉਣ ਵਿੱਚ ਤਿੰਨ ਘੰਟੇ ਲਈ ਉਡੀਕ ਕਰਨੀ ਪਈ| ਪ੍ਰੀਮੀਅਰ ਨੇ ਆਖਿਆ ਕਿ ਇੱਕ ਵਾਰੀ ਇਹ ਯੋਜਨਾ ਕਾਮਯਾਬ ਹੋ ਜਾਣ ਤੋਂ ਬਾਅਦ ਹੋਰਨਾਂ ਸਿਹਤ ਫੈਸਿਲਿਟੀਜ਼ ਤੋਂ ਭਾਰ ਘਟਾਉਣ ਲਈ ਇਹ ਟੈਸਟ ਫਾਰਮੇਸੀਜ ਵਿੱਚ ਕਰਵਾਉਣੇ ਸੁਰੂ ਕੀਤੇ ਜਾਣਗੇ|
ਉਨ੍ਹਾਂ ਆਖਿਆ ਕਿ ਅਸੀਂ ਇਸ ਪਾਸੇ ਪੂਰਾ ਜੋਰ ਲਾ ਰਹੇ ਹਾਂ ਤੇ ਜਲਦ ਹੀ ਇਸ ਬਾਰੇ ਐਲਾਨ ਵੀ ਕੀਤਾ ਜਾਵੇਗਾ| ਅਸੀਂ ਸੱਭ ਕੁੱਝ ਵਿਵਸਥਿਤ ਕਰਨ ਤੋਂ ਬਾਅਦ ਹੀ ਐਲਾਨ ਕਰਾਂਗੇ|