ਟੋਰਾਂਟੋ, 15 ਸਤੰਬਰ (ਪੋਸਟ ਬਿਊਰੋ) : ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ (ਟੀਡੀਐਸਬੀ) ਦੇ ਸੱਤ ਸਕੂਲ ਪ੍ਰੋਵਿੰਸ ਦੇ ਉਨ੍ਹਾਂ 27 ਸਕੂਲਾਂ ਵਿੱਚੋਂ ਹਨ ਜਿਨ੍ਹਾਂ ਨੇ ਕੋਵਿਡ-19 ਦੇ ਮਾਮਲਿਆਂ ਦੀ ਰਿਪੋਰਟ ਕੀਤੀ ਹੈ|
ਟੀਡੀਐਸਬੀ ਦੇ ਇਨ੍ਹਾਂ ਸੱਤ ਸਕੂਲਾਂ ਵਿੱਚੋਂ ਚਾਰ ਐਲੀਮੈਂਟਰੀ ਸਕੂਲ ਹਨ ਤੇ ਤਿੰਨ ਹਾਈ ਸਕੂਲ ਹਨ ਤੇ ਕੋਵਿਡ-19 ਦੇ ਪਾਜ਼ੀਟਿਵ ਮਾਮਲੇ ਸਟਾਫ ਨਾਲ ਸਬੰਧਤ ਦੱਸੇ ਜਾਂਦੇ ਹਨ| ਅਰਲ ਹੇਗ ਸੈਕੰਡਰੀ ਸਕੂਲ, ਯੌਰਕ ਮਿੱਲਜ਼ ਕਾਲਜੀਏਟ ਤੇ ਸਕੂਲ ਆਫ ਐਕਸਪੀਰੀਐਂਸ਼ਲ ਐਜੂਕੇਸ਼ਨ ਉਹ ਸੈਕੰਡਰੀ ਸਕੂਲ ਹਨ ਜਿਨ੍ਹਾਂ ਵੱਲੋਂ ਇਸ ਇਨਫੈਕਸ਼ਨ ਦੀ ਪੁਸ਼ਟੀ ਕੀਤੀ ਗਈ ਹੈ|
ਅਰਲ ਹੇਗ ਸਕੂਲ ਵਿੱਚ ਕਲਾਸਰੂਮਜ਼ ਦੀ ਘਾਟ ਹੈ ਤੇ ਵੀਰਵਾਰ ਤੋਂ ਜਦੋਂ ਕਲਾਸਾਂ ਸੁæਰੂ ਹੋਣਗੀਆਂ ਤਾਂ 1423 ਵਿਦਿਆਰਥੀ ਪਰਤਣਗੇ| ਬਰੁੱਕਹੈਵਨ ਪਬਲਿਕ ਸਕੂਲ, ਬਲੂਅਰਡੇਲ ਮਿਡਲ ਸਕੂਲ, ਡੌਨ ਮਿਲਜ਼ ਮਿਡਲ ਸਕੂਲ ਤੇ ਚਾਰਲਸ ਜੀæ ਫਰੇਜ਼ਰ ਜੂਨੀਅਰ ਪਬਲਿਕ ਸਕੂਲ ਵਿੱਚ ਵੀ ਮੰਗਲਵਾਰ ਨੂੰ ਕਰੋਨਾ ਪਾਜ਼ੀਟਿਵ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਗਈ|