ਬਰੈਂਪਟਨ, 15 ਸਤੰਬਰ (ਪੋਸਟ ਬਿਊਰੋ) : ਇੱਕ ਮਹੀਨੇ ਪਹਿਲਾਂ ਲਾਪਤਾ ਹੋਈ ਬਰੈਂਪਟਨ ਦੀ ਟੀਨੇਜਰ ਨੂੰ ਲੱਭਣ ਲਈ ਪੀਲ ਰੀਜਨਲ ਪੁਲਿਸ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ| ਇਸ ਦੌਰਾਨ ਪੁਲਿਸ ਵੱਲੋਂ ਜਨਤਾ ਤੋਂ ਸਹਿਯੋਗ ਦੀ ਮੰਗ ਕੀਤੀ ਗਈ ਹੈ|
ਪੁਲਿਸ ਅਨੁਸਾਰ 16 ਸਾਲਾ ਖਾਲੀਆ ਮੈਕਲਿਓਡ ਸਦਰਲੈਂਡ ਨੂੰ ਆਖਰੀ ਵਾਰੀ 11 ਅਗਸਤ ਨੂੰ ਰਾਤੀਂ 9:30 ਵਜੇ ਬਰੈਂਪਟਨ ਵਿੱਚ ਹੁਰੌਨਤਾਰੀਓ ਸਟਰੀਟ ਤੇ ਬੋਲੀਵੀਆਰਡ ਡਰਾਈਵ ਇਲਾਕੇ ਵਿੱਚ ਵੇਖਿਆ ਗਿਆ ਸੀ| ਪੁਲਿਸ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਮੈਕਲਿਓਡ ਨੇ ਪਰਿਵਾਰ ਤੇ ਦੋਸਤਾਂ ਨਾਲ ਸੋਸ਼ਲ ਮੀਡੀਆ ਰਾਹੀਂ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਸੀ ਪਰ ਹੁਣ ਇਹ ਸੰਪਰਕ ਵੀ ਟੁੱਟ ਚੁੱਕਿਆ ਹੈ|
ਦੱਸਿਆ ਗਿਆ ਕਿ ਉਹ ਸਿਆਹ ਰੰਗ ਦੀ, ਪੰਜ ਫੁੱਟ ਦੋ ਇੰਚ ਲੰਮੀ ਤੇ 120 ਵਜ਼ਨ ਦੀ ਲੜਕੀ ਹੈ| ਉਸ ਦੀ ਕੱਦਕਾਠੀ ਦਰਮਿਆਨੀ ਹੈ ਤੇ ਉਸ ਦੇ ਵਾਲਾਂ ਦਾ ਰੰਗ ਕਾਲਾ ਤੇ ਅੱਖਾਂ ਭੂਰੀਆਂ ਹਨ|