ਟੋਰਾਂਟੋ, 15 ਸਤੰਬਰ (ਪੋਸਟ ਬਿਊਰੋ) : ਲਿਬਰਲ ਕੈਬਨਿਟ ਮੰਤਰੀ ਆਪਣੇ ਰਾਜ ਭਾਸ਼ਣ ਦੌਰਾਨ ਪੂਰਾ ਧਿਆਨ ਨੈਸ਼ਨਲ ਡਰੱਗ ਪਲੈਨ ਤੇ ਚਾਈਲਡ ਕੇਅਰ ਬਾਰੇ ਮਜ਼ਬੂਤ ਰਣਨੀਤੀ ਲਿਆਉਣ ਉੱਤੇ ਲਾ ਰਹੇ ਹਨ|
ਪ੍ਰਾਪਤ ਜਾਣਕਾਰੀ ਅਨੁਸਾਰ ਲਿਬਰਲਾਂ ਲਈ ਵੱਕਾਰ ਦਾ ਸਵਾਲ ਬਣਿਆ ਇਹ ਰਾਜ ਭਾਸ਼ਣ ਤੇ ਭਰੋਸੇ ਦਾ ਵੋਟ ਹਾਸਲ ਕਰਨ ਲਈ ਕੀਤੀ ਜਾ ਰਹੀ ਸਾਰੀ ਕਵਾਇਦ ਦੌਰਾਨ ਕੈਨੇਡੀਅਨਾਂ ਨੂੰ ਇਹ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ਕਿ ਹੁਣ ਕੋਵਿਡ-19 ਦਾ ਅਤੇ ਭਵਿੱਖ ਵਿੱਚ ਇਸ ਮਹਾਂਮਾਰੀ ਦੇ ਕੈਨੇਡਾ ਲਈ ਕੀ ਮਾਇਨੇ ਹੋਣਗੇ|
ਅਧਿਕਾਰੀ ਇਹ ਦੱਸਣ ਦੀ ਕੋਸ਼ਿਸ਼ ਕਰਨਗੇ ਕਿ ਚਾਈਲਡ ਕੇਅਰ ਉਨ੍ਹਾਂ ਦੇ ਪਲੈਨ ਦਾ ਅਹਿਮ ਹਿੱਸਾ ਰਹੇਗੀ, ਉਹ ਲੋਕਾਂ ਨੂੰ ਮੁੜ ਕੰਮ ਉੱਤੇ ਲਿਆਉਣਾ ਚਾਹੁੰਦੇ ਹਨ ਤੇ ਇਹ ਸਾਰਿਆਂ ਨੂੰ ਚਾਈਲਡ ਕੇਅਰ ਅਤੇ ਫਾਰਮਾਕੇਅਰ ਮੁਹੱਈਆ ਕਰਵਾਏ ਬਿਨਾਂ ਸੰਭਵ ਨਹੀਂ|