ਟੋਰਾਂਟੋ, 15 ਸਤੰਬਰ (ਪੋਸਟ ਬਿਊਰੋ) : ਮੈਕਮਾਸਟਰ ਯੂਨੀਵਰਸਿਟੀ ਦਾ ਕੈਂਪਸ ਇਨ੍ਹਾਂ ਸਿਆਲਾਂ ਵਿੱਚ ਬੰਦ ਹੀ ਰਹੇਗਾ|
ਸਕੂਲ ਨੇ ਸਮੁੱਚੇ ਵਿੰਟਰ ਸੈਸ਼ਨ ਲਈ ਇਨ-ਪਰਸਨ ਕਲਾਸਾਂ ਉੱਤੇ ਰੋਕ ਲਾਉਣ ਅਤੇ ਸਿਰਫ ਆਨਲਾਈਨ ਕਲਾਸਾਂ ਲੈਣ ਦਾ ਹੀ ਫੈਸਲਾ ਕੀਤਾ ਹੈ| ਜਿਹੜੇ ਵਿਦਿਆਰਥੀ ਆਨ ਕੈਂਪਸ ਪ੍ਰੋਗਰਾਮਾਂ ਵਿੱਚ ਦਾਖਲਾ ਲੈ ਰਹੇ ਹਨ ਉਨ੍ਹਾਂ ਨੂੰ ਸਿੱਧਾ ਉਨ੍ਹਾਂ ਦੇ ਵਿਭਾਗਾਂ ਵੱਲੋਂ ਜਾਣਕਾਰੀ ਦਿੱਤੀ ਜਾਵੇਗੀ| ਇਹ ਫੈਸਲਾ ਉਸ ਸਮੇਂ ਲਿਆ ਗਿਆ ਜਦੋਂ ਯੂਨੀਵਰਸਿਟੀ ਦਾ ਇੱਕ ਕਰਮਚਾਰੀ ਕੋਵਿਡ-19 ਪਾਜ਼ੀਟਿਵ ਆ ਗਿਆ|
ਮੈਕਮਾਸਟਰ ਨੇ ਇਹ ਤਾਂ ਨਹੀਂ ਦੱਸਿਆ ਕਿ ਉਹ ਵਿਅਕਤੀ ਕਿਸ ਦੇ ਸੰਪਰਕ ਵਿੱਚ ਤੇ ਕਿਸ ਥਾਂ ਉੱਤੇ ਜਾਣ ਕਾਰਨ ਪਾਜ਼ੀਟਿਵ ਆਇਆ ਪਰ ਇਹ ਆਖਿਆ ਗਿਆ ਕਿ ਸਾਰੀਆਂ ਲੋਕੇਸ਼ਨਜ਼ ਨੂੰ ਚੰਗੀ ਤਰ੍ਹਾਂ ਸਾਫ ਕੀਤਾ ਜਾ ਚੁੱਕਿਆ ਹੈ| ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਅਗਲੀ ਟਰਮ ਬਾਰੇ ਉਹ ਜਲਦ ਤੋਂ ਜਲਦ ਫੈਸਲਾ ਲੈਣਗੇ ਪਰ ਉਨ੍ਹਾਂ ਨੂੰ ਆਸ ਹੈ ਕਿ ਇਸ ਨਾਲ ਉਹ ਜਿੰਨੀ ਵੱਧ ਤੋਂ ਵੱਧ ਸਥਿਰਤਾ ਲਿਆ ਸਕਦੇ ਹਨ ਓਨੀ ਲਿਆ ਸਕਣਗੇ|