Welcome to Canadian Punjabi Post
Follow us on

05

August 2021
 
ਮਨੋਰੰਜਨ

ਸ਼ਾਹਰੁਖ ਖਾਨ ਨਾਲ ਭਿੜਨ ਦੀ ਤਿਆਰੀ ਵਿੱਚ ਜਾਨ ਅਬਰਾਹਮ

September 15, 2020 09:12 AM

ਬਤੌਰ ਅਭਿਨੇਤਾ ਲਗਭਗ ਦੋ ਸਾਲਾਂ ਤੱਕ ਐਕਟਿੰਗ ਤੋਂ ਦੂਰ ਰਹੇ ਹਿੰਦੀ ਸਿਨੇਮਾ ਦੇ ਬਾਦਸ਼ਾਹ ਸ਼ਾਹਰੁਖ ਖਾਨ ਨੇ ਆਪਣੀ ਫਿਲਮ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਖਬਰਾਂ ਹਨ ਕਿ ਉਹ ਯਸ਼ਰਾਜ ਫਿਲਮਜ਼ ਦੇ ਬੈਨਰ ਹੇਠ ਬਣਨ ਵਾਲੀ ਫਿਲਮ ‘ਪਠਾਨ’ ਦੀ ਤਿਆਰੀ ਵਿੱਚ ਜ਼ੋਰ-ਸ਼ੋਰ ਨਾਲ ਲੱਗੇ ਹੋਏ ਹਨ। ਇਹੀ ਨਹੀਂ, ਇਸ ਫਿਲਮ ਦੇ ਲਈ ਖਲਨਾਇਕ ਦਾ ਨਾਂਅ ਵੀ ਤੈਅ ਹੋਣ ਦੀਆਂ ਖਬਰਾਂ ਆ ਰਹੀਆਂ ਹਨ। ਸੂਤਰਾਂ ਮੁਤਾਬਕ ਇਸ ਐਕਸ਼ਨ ਥ੍ਰਿਲਰ ਫਿਲਮ ਵਿੱਚ ਸ਼ਾਹਰੁਖ ਖਾਨ ਦੇ ਸਾਹਮਣੇ ਜਾਨ ਅਬਰਾਹਮ ਖਲਨਾਇਕ ਦੀ ਭੂਮਿਕਾ ਨਿਭਾਉਣਗੇ। ਇਸ ਦੇ ਲਈ ਜਾਨ ਦੇ ਨਾਲ ਯਸ਼ਰਾਜ ਫਿਲਮਜ਼ ਦੀ ਗੱਲਬਾਤ ਲਗਭਗ ਤੈਅ ਮੰਨੀ ਗਈ ਹੈ। ਜੇ ਏਦਾਂ ਹੋਵੇ ਤਾਂ ਦਰਸ਼ਕ ਪਹਿਲੀ ਵਾਰ ਸ਼ਾਹਰੁਖ ਅਤੇ ਜਾਨ ਨੂੰ ਇਕੱਠੇ ਵੱਡੇ ਪਰਦੇ 'ਤੇ ਦੇਖਣਗੇ। ਇਸ ਤੋਂ ਪਹਿਲਾਂ ਦੋਵਾਂ ਨੇ ਸਿਰਫ ਇੱਕ ਟੀ ਵੀ ਐਡ ਵਿੱਚ ਇਕੱਠੇ ਕੰਮ ਕੀਤਾ ਹੈ। ਜਾਨ ਨੇ ਇਸ ਤੋਂ ਪਹਿਲਾਂ ਯਸ਼ਰਾਜ ਫਿਲਮਜ਼ ਦੇ ਤਹਿਤ ਫਿਲਮ ‘ਧੂਮ’ ਵਿੱਚ ਵੀ ਖਲਨਾਇਕ ਦਾ ਕਿਰਦਾਰ ਨਿਭਾਇਆ ਸੀ।
ਦੱਸਣ ਯੋਗ ਹੈ ਕਿ ਸਾਲ 2012 ਵਿੱਚ ਸ਼ਾਹਰੁਖ ਦੀ ਫਿਲਮ ‘ਹੈਪੀ ਨਿਊ ਈਅਰ’ ਲਈ ਵੀ ਜਾਨ ਨਾਲ ਸੰਪਰਕ ਕੀਤਾ ਗਿਆ ਸੀ, ਪਰ ਕੁਝ ਕਾਰਨਾਂ ਕਰ ਕੇ ਜਾਨ ਇਸ ਫਿਲਮ ਦਾ ਹਿੱਸਾ ਨਹੀਂ ਬਣ ਸਕੇ ਅਤੇ ਉਨ੍ਹਾਂ ਦੀ ਜਗ੍ਹਾ ਅਭਿਸ਼ੇਕ ਬੱਚਨ ਨੂੰ ਲਿਆ ਗਿਆ। 27 ਸਤੰਬਰ ਨੂੰ ਯਸ਼ ਚੋਪੜਾ ਦੇ ਜਨਮ ਦਿਨ 'ਤੇ ਇਸ ਫਿਲਮ ਦਾ ਰਸਮੀ ਐਲਾਨ ਕੀਤਾ ਜਾ ਸਕਦਾ ਹੈ। ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਜਨਵਰੀ ਤੋਂ ਸ਼ੁਰੂ ਕਰਨ ਦੀ ਯੋਜਨਾ ਹੈ ਅਤੇ ਇਸ ਨੂੰ ਸਾਲ ਦੇ ਅਖੀਰ ਤੱਕ ਰਿਲੀਜ਼ ਕੀਤਾ ਜਾ ਸਕਦਾ ਹੈ।

 
Have something to say? Post your comment