ਸੰਜੇ ਦੱਤ ਦੇ ਲੱਖਾਂ ਪ੍ਰਸ਼ੰਸਕਾਂ ਵਾਲਿਆਂ ਲਈ ਖੁਸ਼ਖਬਰੀ ਹੈ। ਉਹ ਇਸ ਹਫਤੇ ਰਣਵੀਰ ਕਪੂਰ ਦੇ ਨਾਲ ਫਿਲਮ ‘ਸ਼ਮਸ਼ੇਰਾ’ ਦੀ ਸ਼ੂਟਿੰਗ 'ਤੇ ਵਾਪਸੀ ਕਰ ਰਹੇ ਹਨ। ਸੰਜੇ ਦੇ ਕਰੀਬੀਆਂ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਗੌਰਤਲਬ ਹੈ ਕਿ ਸੰਜੇ ਨੇ ਪਿੱਛੇ ਜਿਹੇ ਇੱਕ ਥੈਰੇਪੀ ਸੈਸ਼ਨ ਲਿਆ ਹੈ। ਉਹ ਤੇਜ਼ੀ ਨਾਲ ਰਿਕਵਰ ਕਰ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਪਹਿਲੇ ਡਾਕਟਰ ਜਲੀਲ ਪਾਰਕਰ ਦੇ ਇਲਾਵਾ ਅਮਰੀਕਾ ਦੇ ਡਾਕਟਰਾਂ ਤੋਂ ਸੈਕਿੰਡ ਓਪੀਨੀਅਨ ਲਿਆ ਸੀ। ਉਸ ਦੇ ਬਾਅਦ ਉਹ ਲਗਾਤਾਰ ਕੋਕਿਲਾਬੇਨ ਹਸਪਤਾਲ ਵਿੱਚ ਡਾਕਟਰਾਂ ਦੇ ਸੰਪਰਕ ਵਿੱਚ ਹਨ। ਹਸਪਤਾਲ ਦੇ ਸੂਤਰਾਂ ਨੇ ਦੱਸਿਆ ਕਿ ਸੰਜੇ ਦੱਤ ਨੂੰ ਉਸ ਤਰ੍ਹਾਂ ਦੀ ਪ੍ਰੇਸ਼ਾਨੀ ਨਹੀਂ, ਜਿਸ ਤਰ੍ਹਾਂ ਦੀ ਮੀਡੀਆ ਵਿੱਚ ਦੱਸੀ ਜਾ ਰਹੀਹੈ।
ਇਸ ਗੱਲ ਦੀ ਪੁਸ਼ਟੀ ਸੰਜੇ ਦੱਤ ਦੇ ਪਰਵਾਰ ਦੇ ਕੁਝ ਲੋਕਾਂ ਨੇ ਵੀ ਕੀਤੀ ਹੈ। ਬਿਮਾਰੀ ਨੂੰ ਸ਼ੁਰੂ ਦੀ ਸਟੇਜ 'ਤੇ ਹੀ ਫੜ ਲਿਆ ਗਿਆ ਅੇ ਸਹੀ ਡਾਕਟਰਾਂ ਵੱਲੋਂ ਟ੍ਰੀਟਮੈਂਟ ਕੀਤਾ ਜਾਣ ਲੱਗਾ ਜਿਸ ਦੀ ਵਜ੍ਹਾ ਨਾਲ ਸੰਜੇ ਦੱਤ ਫਿੱਟ ਹਨ। ਉਨ੍ਹਾਂ ਨੇ ਖੁਦ ਵੀ ਡਾਕਟਰਾਂ ਨੂੰ ਕਿਹਾ ਸੀ ਕਿ ਉਨ੍ਹਾਂ ਨੇ ਆਪਣੀਆਂ ਬਚੀਆਂ ਫਿਲਮਾਂ ਦਾ ਸ਼ੂਟਿੰਗ ਵੀ ਪੂਰੀ ਕਰਨੀ ਹੈ। ਸੰਜੇ ਦੱਤ ਨੇ ਅਹਿਤੀਆਤ ਦੇ ਤੌਰ 'ਤੇ ਅਮਰੀਕਾ ਵਿੱਚ ਕੁਝ ਸਾਲਾਂ ਦਾ ਵੀਜ਼ਾ ਲੈ ਲਿਆ ਹੈ, ਪਰ ਉਥੇ ਜਾਣ ਦੀ ਤਿਆਰੀ ਨਹੀਂ ਹੈ। ਮੰਨਿਆ ਜਾ ਰਿਹਾ ਹੈ ਕਿ ‘ਸ਼ਮਸ਼ੇਰਾ’ ਦੀ ਸ਼ੂਟਿੰਗ ਪੂਰੀ ਕਰਨ ਦੇ ਨਾਲ ਉਹ ‘ਭੁਜ ਪ੍ਰਾਈਡ ਆਫ ਇੰਡੀਆ' ਦੀ ਡਬਿੰਗ ਦਾ ਕੰਮ ਵੀ ਪੂਰਾ ਕਰਨਗੇ। ਫਿਲਹਾਲ ‘ਸ਼ਮਸ਼ੇਰਾ’ ਨਿਰਮਾਤਾਵਾਂ ਵੱਲੋਂ ਰਸਮੀ ਬਿਆਨ ਆਉਣਾ ਬਾਕੀ ਹੈ।