ਬਾਲੀਵੁੱਡ ਅਭਿਨੇਤਾ ਅਕਸ਼ੈ ਕੁਮਾਰ ਵੈੱਬ ਸੀਰੀਜ਼ ‘ਦ ਐਂਡ’ ਦੇ ਲਈ ਨੱਬੇ ਕਰੋੜ ਫੀਸ ਲੈ ਸਕਦੇ ਹਨ। ਅਕਸ਼ੈ ਕੁਮਾਰ ਨੇ ਪਿਛਲੇ ਸਾਲ ਅਨਾਊਂਸ ਕੀਤਾ ਸੀ ਕਿ ਉਹ ‘ਦ ਐਂਡ’ ਦੇ ਨਾਲ ਡਿਜੀਟਲ ਡੈਬਿਊ ਕਰਨ ਵਾਲੇ ਹਨ। ਐਕਸ਼ਨ ਥ੍ਰਿਲਰ ਇਹ ਫਿਲਮ 2020 ਵਿੱਚ ਫਲੋਰ 'ਤੇ ਜਾਣ ਵਾਲੀ ਸੀ, ਪਰ ਕੋਰੋਨਾ ਦੇ ਕਾਰਨ ਲਾਕਡਾਊਨ ਕਾਰਨ ਅਜਿਹਾ ਨਹੀਂ ਹੋ ਸਕਿਆ। ਇਹ ਸਟੰਟ ਆਧਾਰਤ ਸ਼ੋਅ ਹੈ। ਇਸ ਸੀਰੀਜ਼ ਵਿੱਚ ਅਕਸ਼ੈ ਦੇ ਖਤਰਨਾਕ ਸਟੰਟ ਦੇਖਣ ਨੂੰ ਮਿਲਣਗੇ।
ਦੱਸਿਆ ਗਿਆ ਹੈ ਕਿ ਇਸ ਪ੍ਰੋਜੈਕਟ ਲਈ ਅਕਸ਼ੈ ਨੂੰ ਮੋਟੀ ਫੀਸ ਆਫਰ ਕੀਤੀ ਗਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਅਕਸ਼ੈ ਨੇ ਇਸ ਪ੍ਰੋਜੈਕਟ ਦੇ ਲਈ ਨੱਬੇ ਕਰੋੜ ਫੀਸ ਚਾਰਜ ਕੀਤੀ ਹੈ। ਅਕਸ਼ੈ ਦੇ ਬੇਟੇ ਆਰਵ ਨੇ ਆਪਣੇ ਪਿਤਾ ਨੂੰ ਵੈੱਬ ਸੀਰੀਜ਼ ਵਿੱਚ ਕੰਮ ਕਰਨ ਦੇ ਲਈ ਰਾਜ਼ੀ ਕੀਤਾ ਹੈ। ਅਕਸ਼ੈ ਦਾ ਵੈੱਬ ਸ਼ੋਅ ‘ਦ ਐਂਡ’ ਕਈ ਸੀਜ਼ਨ ਵਿੱਚ ਹੋਵੇਗਾ।