‘ਸ਼ੈਤਾਨ’, ‘ਬੌਸ’ ਅਤੇ ‘ਖੁਦਾ ਹਾਫਿਜ਼’ ਵਰਗੀਆਂ ਫਿਲਮਾਂ ਲਈ ਅਭਿਨੇਤਾ ਸ਼ਿਵ ਪੰਡਿਤ ਦਾ ਅਭਿਨੇਤਾ ਬਣਨਾ ਇੱਕ ਸੰਯੋਗ ਸੀ। ਅਭਿਨੇਤਾ ਬਣਨ ਤੋਂ ਪਹਿਲਾਂ ਉਹ ਰੇਡੀਓ ਜੌਕੀ ਸਨ, ਪਰ ਕਿਸੇ ਕਾਰਨ ਉਨ੍ਹਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਤਾਂ ਉਨ੍ਹਾਂ ਨੇ ਐਕਟਿੰਗ ਵੱਲ ਰੁਖ਼ ਕੀਤਾ। ਸ਼ਿਵ ਨੇ ਇਹ ਰਾਜ਼ ਇੰਸਟਾਗ੍ਰਾਮ ਲਾਈਵ 'ਤੇ ਗੱਲਬਾਤ ਦੌਰਾਨ ਆਪਣੇ ਪ੍ਰਸ਼ੰਸਕਾਂ ਕੋਲ ਖੋਲ੍ਹਿਆ। ਇਸ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਨੌਕਰੀ ਤੋਂ ਕੱਢੇ ਜਾਣ ਸਮੇਂ ਉਸ ਦੇ ਬੌਸ ਨੇ ਉਸ ਨੂੰ ਕਿਹਾ ਸੀ ਕਿ ਉਸ ਨਾਲ ਹੋਣ ਵਾਲੀ ਇਹੀ ਸਭ ਤੋਂ ਬਿਹਤਰ ਚੀਜ਼ ਹੈ। ਨੌਕਰੀ ਤੋਂ ਕੱਢੇ ਜਾਣ ਦੇ ਬਾਅਦ ਮਿਲੇ ਭੱਤੇ ਨਾਲ ਉਸ ਨੇ ਖੂਬ ਪਾਰਟੀ ਕੀਤੀ। ਇਸੇ ਦੌਰਾਨ ਕਿਸਮਤ ਨਾਲ ਉਸ ਨੂੰ ਕੁਝ ਐਡ ਫਿਲਮਾਂ ਵਿੱਚ ਕੰਮ ਕਰਨ ਦੀ ਆਫਰ ਮਿਲ ਗਈ, ਜਿਸ ਨਾਲ ਫਿਲਮ ‘ਬਧਾਈ ਹੋ’ ਦੇ ਨਿਰਦੇਸ਼ਕ ਅਮਿਤ ਸ਼ਰਮਾ ਬਤੌਰ ਡਾਇਰੈਕਟਰ ਅਤੇ ਫਿਲਮ ‘ਦੰਗਲ’ ਦੇ ਡਾਇਰੈਕਟਰ ਨਿਤੇਸ਼ ਤਿਵਾੜੀ ਬਤੌਰ ਕ੍ਰਿਏਟਿਵ ਡਾਇਰੈਕਟਰ ਜੁੜੇ ਸਨ। ਇਸ ਵਿੱਚ ਕੰਮ ਕਰਨ ਦੇ ਬਾਅਦ ਸ਼ਿਵ ਦਾ ਰੁਝਾਨ ਐਕਟਿੰਗ ਵੱਲ ਵਧਿਆ ਅਤੇ ਉਸ ਨੇ ਅਭਿਨੇਤਾ ਬਣਨ ਦਾ ਫੈਸਲਾ ਕੀਤਾ।
ਫਿਲਮ ‘ਖੁਦਾ ਹਾਫਿਜ਼' ਵਿੱਚ ਫੈਜ਼ ਅਬੂ ਮਲਿਕ ਦੇ ਕਿਰਦਾਰ ਵਿੱਚ ਸ਼ਿਵ ਦਾ ਮੁੱਛਾਂ ਵਾਲਾ ਲੁਕ ਖੂਬ ਪਸੰਦ ਕੀਤਾ ਗਿਆ। ਇਸ ਦੌਰਾਨ ਜਦ ਕੁਝ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਤੋਂ ਉਨ੍ਹਾਂ ਦੀਆਂ ਮੁੱਛਾਂ ਬਾਰੇ ਪੁੱਛਿਆ ਤਾਂ ਸ਼ਿਵ ਨੇ ਕਿਹਾ, ‘ਮੇਰੀਆਂ ਮੁੱਛਾਂ ਮੇਰੇ ਤੋਂ ਜ਼ਿਆਦਾ ਮਸ਼ਹੂਰ ਹੋ ਗਈਆਂ ਹਨ। ਮੈਨੂੰ ਆਪਣੀਆਂ ਮੁੱਛਾਂ ਨੂੰ ਕਿਸੇ ਆਨਲਾਈਨ ਪਲੇਟਪਾਰਮ 'ਤੇ ਵੇਚ ਦੇਣਾ ਚਾਹੀਦਾ ਹ ੈ। ਇਸ ਦੀ ਚੰਗੀ ਕੀਮਤ ਮਿਲ ਸਕਦੀ ਹੈ।’