Welcome to Canadian Punjabi Post
Follow us on

05

August 2021
 
ਕੈਨੇਡਾ

ਸਾਬਕਾ ਲਿਬਰਲ ਐਮਪੀ ਉੱਤੇ ਆਰਸੀਐਮਪੀ ਨੇ ਲਾਏ ਚਾਰਜਿਜ਼

September 12, 2020 01:15 AM

ਓਟਵਾ, 11 ਸਤੰਬਰ (ਪੋਸਟ ਬਿਊਰੋ) : ਆਰਸੀਐਮਪੀ ਨੇ ਸਾਬਕਾ ਲਿਬਰਲ ਐਮਪੀ ਰਾਜ ਗਰੇਵਾਲ ਨੂੰ ਵਿਸ਼ਵਾਸ ਤੋੜਨ ਦੇ ਚਾਰ ਮਾਮਲਿਆਂ ਤੇ 5000 ਡਾਲਰ ਤੋਂ ਵੱਧ ਦੇ ਫਰਾਡ ਦੇ ਮਾਮਲੇ ਵਿੱਚ ਚਾਰਜ ਕੀਤਾ ਹੈ|
ਆਰਸੀਐਮਪੀ ਨੇ ਆਖਿਆ ਕਿ ਇਹ ਚਾਰਜਿਜ਼ ਸਤੰਬਰ 2017 ਵਿੱਚ ਸ਼ੁਰੂ ਹੋਈ ਮੁਜਰਮਾਨਾ ਜਾਂਚ ਦਾ ਹੀ ਨਤੀਜਾ ਹਨ| ਜ਼ਿਕਰਯੋਗ ਹੈ ਕਿ ਉਸ ਸਮੇਂ ਆਰਸੀਐਮਪੀ ਨੂੰ ਗਰੇਵਾਲ ਦੇ ਐਮਪੀ ਰਹਿੰਦਿਆਂ ਕਥਿਤ ਤੌਰ ਉੱਤੇ ਸੱæਕੀ ਲੈਣ-ਦੇਣ ਕਰਨ ਦੇ ਮਾਮਲੇ ਵਿੱਚ ਐਲਰਟ ਕੀਤਾ ਗਿਆ ਸੀ| ਇੱਕ ਨਿਊਜ਼ ਰਲੀਜ਼ ਵਿੱਚ ਆਰਸੀਐਮਪੀ ਨੇ ਆਖਿਆ ਕਿ ਉਸ ਸਮੇਂ ਇਹ ਦੋਸ਼ ਲਾਇਆ ਗਿਆ ਸੀ ਕਿ ਗਰੇਵਾਲ ਵੱਲੋਂ ਕਈ ਮਿਲੀਅਨ ਡਾਲਰ ਦਾ ਨਿਜੀ ਲੋਨ ਲਿਆ ਗਿਆ ਸੀ ਪਰ ਉਹ ਇਸ ਦੀ ਰਸੀਦ ਐਥਿਕਸ ਕਮਿਸ਼ਨਰ ਨੂੰ ਵਿਖਾਉਣ ਵਿੱਚ ਅਸਫਲ ਰਹੇ ਸਨ|ਅਜਿਹੇ ਹਾਲਾਤ ਵਿੱਚ ਉਨ੍ਹਾਂ ਉੱਤੇ ਬ੍ਰੀਚ ਆਫ ਟਰਸਟ ਦਾ ਦੋਸ਼ ਲਾਇਆ ਗਿਆ ਸੀ|
ਇਹ ਵੀ ਆਖਿਆ ਗਿਆ ਕਿ ਗਰੇਵਾਲ ਵੱਲੋਂ ਇਹ ਲੋਨ ਆਪਣੇ ਨਿਜੀ ਫਾਇਦੇ ਲਈ ਆਪਣੇ ਪਬਲਿਕ ਆਫਿਸ ਦੀ ਵਰਤੋਂ ਕਰਦਿਆਂ ਹੋਇਆਂ ਲਏ ਗਏ| ਇਸ ਤੋਂ ਇਲਾਵਾ ਇਹ ਦੋਸ਼ ਵੀ ਲਾਏ ਗਏ ਸਨ ਕਿ ਉਨ੍ਹਾਂ ਸਰਕਾਰ ਵੱਲੋਂ ਦਿੱਤੇ ਹਲਕਾ ਆਫਿਸ ਸਬੰਧੀ ਫੰਡਾਂ ਨੂੰ ਵੀ ਆਪਣੇ ਨਿਜੀ ਫਾਇਦੇ ਲਈ ਵਰਤਿਆ| ਅਜਿਹਾ ਕਰਕੇ ਉਨ੍ਹਾਂ ਮੁਜਰਮਾਨਾ ਫਰਾਡ ਜਾਂ ਬ੍ਰੀਚ ਆਫ ਟਰਸਟ ਕੀਤਾ|
ਇਸ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਗਰੇਵਾਲ ਨੇ ਨਵੰਬਰ 2018 ਵਿੱਚ ਅਸਤੀਫਾ ਦੇ ਦਿੱਤਾ ਸੀ| ਉ੍ਹਨਾਂ ਆਖਿਆ ਸੀ ਕਿ ਉਹ ਨਿਜੀ ਤੇ ਮੈਡੀਕਲ ਕਾਰਨ ਕਰਕੇ ਅਸਤੀਫਾ ਦੇ ਰਹੇ ਹਨ| ਉਸ ਸਮੇਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਖਿਆ ਸੀ ਕਿ ਗਰੇਵਾਲ ਨੂੰ ਕਈ ਗੰਭੀਰ ਨਿਜੀ ਚੁਣੌਤੀਆਂ ਨਾਲ ਦੋ ਚਾਰ ਹੋਣਾ ਪੈ ਰਿਹਾ ਹੈ, ਇਹ ਭਾਵੇਂ ਔਖਾ ਫੈਸਲਾ ਹੈ ਪਰ ਸਹੀ ਹੈ| ਗਰੇਵਾਲ ਨੇ 2019 ਵਿੱਚ ਦੁਬਾਰਾ ਚੋਣਾਂ ਵਿੱਚ ਹਿੱਸਾ ਨਹੀਂ ਲਿਆ|

 
Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਡੈਲਟਾ ਵੇਰੀਐਂਟ ਦੀ ਬਦੌਲਤ ਬੀ ਸੀ ਵਿੱਚ ਹਰ ਸੱਤਵੇਂ ਤੋਂ ਦਸਵੇਂ ਦਿਨ ਵੱਧ ਰਹੇ ਹਨ ਕੋਵਿਡ-19 ਦੇ ਮਾਮਲੇ
ਕੈਨੇਡੀਅਨ ਪਾਰਟੀਆਂ ਅੰਦਰਖਾਤੇ ਕਰ ਰਹੀਆਂ ਹਨ ਚੋਣਾਂ ਦੀਆਂ ਤਿਆਰੀਆਂ?
ਮਾਂਟਰੀਅਲ ਵਿੱਚ ਚੱਲੀਆਂ ਗੋਲੀਆਂ, 3 ਹਲਾਕ
ਅਜੇ ਵੀ ਵਿਰੋਧੀਆਂ ਤੋਂ ਅੱਗੇ ਹਨ ਟਰੂਡੋ ਦੇ ਲਿਬਰਲ : ਰਿਪੋਰਟ
ਇਸ ਹਫਤੇ ਕੈਨੇਡਾ ਨੂੰ ਹਾਸਲ ਹੋਣਗੀਆਂ ਕੋਵਿਡ-19 ਵੈਕਸੀਨ ਦੀਆਂ 2·3 ਮਿਲੀਅਨ ਡੋਜ਼ਾਂ
ਫੋਰਟਿਨ ਉੱਤੇ ਲੱਗੇ ਦੋਸ਼ਾਂ ਬਾਰੇ ਕਾਰਜਕਾਰੀ ਡਿਫੈਂਸ ਚੀਫ ਦੇ ਨੋਟਸ ਤੋਂ ਝਲਕੀ ਫੌਜੀ ਅਧਿਕਾਰੀਆਂ ਦੀ ਕਸ਼ਮਕਸ਼
ਡੈਲਟਾ ਵੇਰੀਐਂਟ ਕਾਰਨ ਕੈਨੇਡਾ ਵਿੱਚ ਆ ਸਕਦੀ ਹੈ ਚੌਥੀ ਵੇਵ : ਟੈਮ
ਦੂਜੀ ਛਿਮਾਹੀ ਵਿੱਚ ਅਰਥਚਾਰੇ ਦੀ ਸਥਿਤੀ ਮਜ਼ਬੂਤ ਹੋਣ ਦੀ ਉਮੀਦ : ਸਟੈਟਸਕੈਨ
ਜਦੋਂ ਮੈਨੀਕੁਇਨ ਸਮਝ ਕੇ ਮਹਿਲਾ ਦੀ ਲਾਸ਼ ਕੂੜੇਦਾਨ ਵਿੱਚ ਸੁੱਟੀ ਗਈ
ਐਕਸਪਾਇਰ ਹੋਣ ਤੋਂ ਪਹਿਲਾਂ ਲੋਕਾਂ ਨੂੰ ਮੌਡਰਨਾ ਦੇ ਸ਼ੌਟਸ ਲੈਣ ਦੀ ਦਿੱਤੀ ਜਾ ਰਹੀ ਹੈ ਸਲਾਹ