ਵਾਸ਼ਿੰਗਟਨ, 11 ਸਤੰਬਰ (ਪੋਸਟ ਬਿਊਰੋ) : ਉੱਤਰੀ ਕੋਰੀਆਈ ਅਧਿਕਾਰੀਆਂ ਵੱਲੋਂ ਕਰੋਨਾਵਾਇਰਸ ਨੂੰ ਰੋਕਣ ਲਈ ਨਵਾਂ ਢੰਗ ਲੱਭਿਆ ਗਿਆ ਹੈ ਜੋ ਹੈ ਸ਼ੂਟ-ਟੂ-ਕਿੱਲ| ਇਹ ਫੈਸਲਾ ਚੀਨ ਤੋਂ ਦੇਸ਼ ਵਿੱਚ ਦਾਖਲ ਹੋਣ ਵਾਲੇ ਕਰੋਨਾਵਾਇਰਸ ਨੂੰ ਰੋਕਣ ਲਈ ਕੀਤਾ ਗਿਆ ਹੈ| ਇਹ ਜਾਣਕਾਰੀ ਦੱਖਣ ਵਿੱਚ ਅਮਰੀਕੀ ਸੈਨਾਵਾਂ ਦੇ ਕਮਾਂਡਰ ਵੱਲੋਂ ਦਿੱਤੀ ਗਈ|
ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਦੁਨੀਆਂ ਭਰ ਵਿੱਚ ਫੈਲੀ ਇਸ ਮਹਾਂਮਾਰੀ ਦੇ ਇੱਕ ਮਾਮਲੇ ਦੀ ਵੀ ਉੱਤਰੀ ਕੋਰੀਆ ਵਿੱਚ ਪੁਸ਼ਟੀ ਨਹੀਂ ਕੀਤੀ ਗਈ ਹੈ| ਆਪਣੇ ਮੁੱਖ ਭਾਈਵਾਲ ਚੀਨ ਨਾਲ ਲੱਗਦੀਆਂ ਸਰਹੱਦਾਂ ਨੂੰ ਪਯੌਂਗਯੈਂਗ ਵੱਲੋਂ ਜਨਵਰੀ ਵਿੱਚ ਹੀ ਬੰਦ ਕਰ ਦਿੱਤਾ ਗਿਆ ਸੀ| ਜੁਲਾਈ ਵਿੱਚ ਸਰਕਾਰੀ ਮੀਡੀਆ ਨੇ ਆਖਿਆ ਕਿ ਸਰਕਾਰ ਨੇ ਮੈਕਸੀਮਮ ਲੈਵਲ ਤੱਕ ਆਪਣੀ ਸਟੇਟ ਆਫ ਐਮਰਜੰਸੀ ਵਧਾ ਦਿੱਤੀ ਹੈ|
ਯੂਐਸ ਫੋਰਸਿਜ਼ ਕੋਰੀਆ (ਯੂਐਸਐਫਕੇ) ਦੇ ਕਮਾਂਡਰ ਰੌਬਰਟ ਅਬਰਾਮਜ਼ ਨੇ ਆਖਿਆ ਕਿ ਬਾਰਡਰ ਬੰਦ ਹੋਣ ਨਾਲ ਸਮਗਲ ਕੀਤੀਆਂ ਜਾਣ ਵਾਲੀਆਂ ਵਸਤਾਂ ਦੀ ਮੰਗ ਵਿੱਚ ਵਾਧਾ ਹੋ ਗਿਆ ਤੇ ਇਸ ਲਈ ਅਧਿਕਾਰੀਆਂ ਨੂੰ ਦਖਲ ਦੇਣਾ ਪੈ ਰਿਹਾ ਹੈ| ਆਨਲਾਈਨ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਅਬਰਾਮਜ਼ ਨੇ ਆਖਿਆ ਕਿ ਉੱਤਰੀ ਕੋਰੀਆ ਨੇ ਨਵੀਂ ਬਫਰ ਜੋæਨ ਸੁæਰੂ ਕੀਤੀ ਹੈ, ਜੋ ਕਿ ਚੀਨ ਦੀ ਸਰਹੱਦ ਤੋਂ ਇੱਕ ਜਾਂ ਦੋ ਕਿਲੋਮੀਟਰ ਦੀ ਦੂਰੀ ਉੱਤੇ ਹੈ| ਉੱਥੇ ਉਨ੍ਹਾਂ ਨੌਰਥ ਕੋਰੀਅਨ ਐਸਓਐਫ (ਸਪੈਸ਼ਲ ਆਪਰੇਸ਼ਨਜ਼ ਫੋਰਸਿਜ਼) ਲਾਈਆਂ ਹਨ ਤੇ ਉਨ੍ਹਾਂ ਨੂੰ ਸ਼ੂਟ-ਟੂ-ਕਿੱਲ ਦੇ ਹੁਕਮ ਦਿੱਤੇ ਗਏ ਹਨ|