ਪਹਿਲੀ ਫਿਲਮ ਹਰ ਕਲਾਕਾਰ ਲਈ ਯਾਦਗਾਰ ਹੁੰਦੀ ਹੈ। ਪਿੱਛੇ ਜਿਹੇ ਵੈੱਬ ਸੀਰੀਜ਼ ‘ਆਸ਼ਰਮ’ ਵਿੱਚ ਨਜ਼ਰ ਆਏ ਅਭਿਨੇਤਾ ਚੰਦਨ ਰਾਏ ਸਾਨਿਆਲ ਲਈ ਵੀ ਪਹਿਲੀ ਫਿਲਮ ‘ਰੰਗ ਦੇ ਬਸੰਤੀ’ ਯਾਦਗਾਰ ਸੀ। ਉਹ ਕਹਿੰਦੇ ਹਨ ਕਿ ਅੱਜ ਵੀ ਸੋਚਦਾ ਹਾਂ ਕਿ ਕਿਵੇਂ ਮੈਨੂੰ ‘ਰੰਗ ਦੇ ਬਸੰਤੀ’ ਫਿਲਮ ਮਿਲ ਗਈ ਸੀ। ਫਿਲਮ ਵਿੱਚ ਮੇਰਾ ਕਿਰਦਾਰ ਛੋਟਾ ਸੀ, ਪਰ ਉਸ ਫਿਲਮ ਦਾ ਸੈਟ ਮੇਰੇ ਲਈ ਫਿਲਮ ਸਕੂਲ ਵਾਂਗ ਸੀ। ਮੇਰੀ ਉਮਰ ਘੱਟ ਸੀ। ਕਾਲਜ ਪਾਸ ਕਰ ਕੇ ਮੁੰਬਈ ਆਇਆ ਸੀ। ਥੀਏਟਰ ਵਿੱਚ ਛੋਟੇ-ਮੋਟੇ ਨਾਟਕਾਂ ਵਿੱਚ ਕੰਮ ਕਰਦਾ ਸੀ। ਕਿਸੇ ਨੇ ਕਿਹਾ ਕਿ ਆਡੀਸ਼ਨ ਚੱਲ ਰਿਹਾ ਹੈ, ਚਲਾ ਜਾ। ਮਹਿਬੂਬ ਸਟੂਡੀਓ ਗਿਆ, ਆਡੀਸ਼ਨ ਦਿੱਤਾ। ਫਿਲਮ ਦਾ ਆਡੀਸ਼ਨ ਦੇਸ਼ ਭਰ ਵਿੱਚ ਕੀਤਾ ਗਿਆ ਸੀ। ਉਨ੍ਹਾਂ ਨੂੰ ਦਸ ਕ੍ਰਾਂਤੀਕਾਰੀ ਫਿਲਮ ਦੇ ਲਈ ਚਾਹੀਦੇ ਸਨ। ਤਦ ਮੇਰੇ ਕੋਲ ਮੋਬਾਈਲ ਨਹੀਂ ਸੀ, ਲੈਂਡਲਾਈਨ 'ਤੇ ਫੋਨ ਕਰ ਕੇ ਮੈਨੂੰ ਦੋਬਾਰਾ ਬੁਲਾਇਆ ਗਿਆ ਸੀ।
ਪੱਗ ਬੰਨ੍ਹ ਕੇ ਲੁਕ ਟੈਸਟ ਕੀਤਾ ਗਿਆ। ਉਸ ਦੇ ਬਾਅਦ ਬਟੂਕੇਸ਼ਵਰ ਦੱਤ ਦਾ ਕਿਰਦਾਰ ਮੈਨੂੰ ਮਿਲ ਗਿਆ। ਇੱਕ ਮਹੀਨੇ ਬਾਅਦ ਫੋਨ ਆਇਆ ਕਿ ਫਿਲਮ ਮਿਲ ਗਈ। ਮੈਨੂੰ 1500 ਰੁਪਏ ਰੋਜ਼ 'ਤੇ ਕੰਮ ਮਿਲ ਗਿਆ ਸੀ। ਉਸ ਫਿਲਮ ਦਾ ਸੈੱਟ ਫਿਲਮ ਸਕੂਲ ਵਾਂਗ ਸੀ। ਮੈਂ ਸਵੇਰੇ ਪਹੁੰਚਿਆ ਤਾਂ ਵੈਨਿਟੀ ਵੈਨ ਦੇ ਬਾਹਰ ਆਮਿਰ ਖਾਨ ਕੌਫੀ ਅਤੇ ਅਖਬਾਰ ਫੜੀ ਖੜ੍ਹੇ ਸਨ। ਉਹ ਸਭ ਤੋਂ ਪਹਿਲਾਂ ਆ ਕੇ ਗੈਟਅਪ ਵਿੱਚ ਤਿਆਰ ਸਨ। ਉਸ ਫਿਲਮ ਦਾ ਅਨੁਭਵ ਹੀ ਅਲੱਗ ਸੀ।