ਕੋਰੋਨਾ ਕਾਲ ਵਿੱਚ ਕੋਈ ਵੀ ਸ਼ੂਟਿੰਗ ਬਹੁਤ ਸੀਮਤ ਦਾਇਰੇ ਵਿੱਚ ਕੀਤੀ ਜਾ ਰਹੀ ਹੈ। ਅਜਿਹੇ ਵਿੱਚ ਬੀਤੇ ਦਿਨੀਂ ਦਿਲਜੀਤ ਦੁਸਾਂਝ ਨੇ ਬਾਰਨ ਟੂ ਸ਼ਾਈਨ ਮਿਊਜ਼ਕ ਵੀਡੀਓ ਲਾਂਚ ਕੀਤਾ। ਦਿਲਜੀਤ ਇਸ ਸਮੇਂ ਅਮਰੀਕਾ ਵਿੱਚ ਹੈ। ਗਾਣੇ ਨੂੰ ਸਾਨ ਫਰਾਂਸਿਸਕੋ ਅਤੇ ਕੈਲੀਫੋਰਨੀਆ ਵਿੱਚ ਸ਼ੂਟ ਕੀਤਾ ਗਿਆ ਹੈ।
ਦਿਲਜੀਤ ਨੇ ਦੱਸਿਆ ਕਿ ਸੈੱਟ 'ਤੇ ਕਰੂਅ ਘੱਟ ਸੀ। ਇਸ ਲਈ ਉਹ ਆਪਣੇ ਲਈ ਖੁਦ ਡਿਜ਼ਾਈਨਰ ਬਣ ਗਏ। ਉਸ ਨੇ ਦੱਸਿਆ, ਮੈਂ ਆਪਣੇ ਕੱਪੜੇ ਖੁਦ ਪ੍ਰੈੱਸ ਕੀਤੇ। ਮੇਰੇ ਕੋਲ ਕੋਈ ਡਿਜ਼ਾਈਨਰ ਨਹੀਂ ਸੀ, ਮੈਨੂੰ ਵੀਡੀਓ ਵਿੱਚ ਕੀ ਪਹਿਨਣਾ ਸੀ, ਇਹ ਮੈਂ ਖੁਦ ਤੈਅ ਕੀਤਾ। ਸ਼ੂਟਿੰਗ ਬਾਰੇ ਵੀ ਕਈ ਪਾਬੰਦੀਆਂ ਸਨ, ਜਿਵੇਂ ਕਿਸੇ ਕਿਸ਼ਤੀ ਜਾਂ ਘਰ ਵਿੱਚ ਸ਼ੂਟਿੰਗ ਕਰਨੀ ਸੀ, ਤਾਂ 12 ਤੋਂ ਵੱਧ ਲੋਕ ਉਥੇ ਨਹੀਂ ਜਾ ਸਕਦੇ ਸਨ। ਆਊਟਡੋਰ ਵਿੱਚ 25 ਦੀ ਇਜਾਜ਼ਤ ਸੀ।