ਲੰਡਨ, 10 ਸਤੰਬਰ, (ਪੋਸਟ ਬਿਊਰੋ)-ਟਵਿੱਟਰ ਉੱਤੇ ਇਕ ਅਸ਼ਲੀਲ ਵੀਡੀਓ ਨੂੰ ਲਾਈਕ ਕਰ ਕੇ ਬ੍ਰਿਟੇਨ ਵਿਚ ਚੀਨ ਦਾ ਰਾਜਦੂਤ ਲਿਊ ਸ਼ੀਆਓਮਿੰਗ ਕਸੂਤਾ ਫਸ ਗਿਆ ਹੈ। ਪਿਛਲੇ ਹਫਤੇ ਰਾਜਦੂਤ ਦੇ ਟਵਿੱਟਰ ਅਕਾਊਂਟਤੋਂ ਇਸ ਤਰ੍ਹਾਂ ਦੀ ਕਲਿਪ ਲਾਈਕ ਕੀਤੀ ਗਈ ਸੀ। ਇਸ ਦੇ ਬਾਅਦ ਰਾਜਦੂਤ ਦੀ ਕਾਫੀ ਆਲੋਚਨਾ ਹੋਈ ਹੈ। ਬ੍ਰਿਟਿਸ਼ ਮੀਡੀਆ ਦੀਆਂ ਖਬਰਾਂ ਮੁਤਾਬਕ ਲਿਊਸ਼ੀਆਓਮਿੰਗ ਉੱਤੇ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਆਮ ਲੋਕਾਂ ਵੱਲੋਂ ਇਸ ਬਾਰੇ ਮਿਲੀ-ਜੁਲੀ ਪ੍ਰਤੀਕਿਰਿਆ ਆਈ ਹੈ। ਕੁਝ ਲੋਕਾਂ ਨੇ ਇਸ ਹਰਕਤ ਲਈ ਖੁਦ ਲਿਊ ਸ਼ੀਆਓਮਿੰਗਦੀ ਆਲੋਚਨਾ ਕੀਤੀ ਅਤੇ ਕੁਝ ਨੇ ਕਿਹਾ ਹੈ ਕਿ ਸ਼ਾਇਦਰਾਜਦੂਤ ਦਾ ਟਵਿੱਟਰ ਅਕਾਊਂਟ ਉਸ ਦਾ ਕੋਈ ਸਟਾਫਰ ਚਲਾਉਂਦਾ ਹੋਵੇਗਾ।
ਇਸ ਬਾਰੇ ਮਿਲੀਆਂ ਖਬਰਾਂ ਅਨੁਸਾਰ ਲਾਈਕ ਕੀਤੀ ਗਈ ਵੀਡੀਓਕਲਿਪ ਮਈ ਵਿਚ ਪੋਸਟ ਹੋਈ ਸੀ। ਇਸ 10 ਸੈਕੰਡ ਦੀ ਕਲਿਪ ਨੂੰ 1,500 ਤੋਂਵੱਧ ਲਾਈਕ ਮਿਲੇ ਤੇ ਕੁਝ ਲੋਕਾਂ ਨੇ ਨੋਟਿਸ ਕੀਤਾ ਹੈ ਕਿ ਲਿਊ ਸ਼ੀਆਓਮਿੰਗਦੇ ਅਕਾਊਂਟਤੋਂ ਚੀਨੀ ਕਮਿਊਨਸਟ ਪਾਰਟੀ ਦੀ ਆਲੋਚਨਾ ਕਰਦੇ ਟਵੀਟ ਨੂੰ ਵੀ ਲਾਈਕ ਕੀਤਾ ਹੋਇਆ ਹੈ, ਜਿਹੜਾ ਆਮ ਕਰ ਕੇ ਹੋਣ ਦੀ ਆਸ ਨਹੀਂ ਕੀਤੀ ਜਾ ਸਕਦੀ। ਇਸ ਬਾਰੇ ਕੁਝ ਲੋਕਾਂ ਨੇ ਪੁੱਛਿਆ ਹੈ ਕਿ ਰਾਜਦੂਤ ਲਿਊ ਦਾ ਟਵਿੱਟਰ ਅਕਾਊਂਟ ਕਿਉਂ ਹੈ, ਤਾਜ਼ਾ ਸਥਿਤੀ ਵਿੱਚ ਉਸ ਨੂੰ ਚੀਨੀ ਟਵਿੱਟਰ (ਵੀਬੋ) ਉੱਤੇ ਹੋਣਾ ਚਾਹੀਦਾ ਹੈ। ਉਂਜ ਇਸ ਘਟਨਾ ਦੇ ਸਾਹਮਣੇ ਆਉਣ ਪਿੱਛੋਂ ਚੀਨ ਦੀ ਕਮਿਊਨਿਸਟ ਸਰਕਾਰ ਵੀ ਸਵਾਲਾਂ ਦੇ ਘੇਰੇ ਵਿਚ ਹੈ। ਕੁਝ ਲੋਕਾਂ ਦਾ ਕਹਿਣਾ ਹੈਕਿ ਇਸ ਨਾਲ ਚੀਨ ਸਰਕਾਰ ਅਤੇ ਉਸ ਦੇ ਅਧਿਕਾਰੀਆਂ ਦੀ ਮਾਨਸਿਕਤਾ ਪਤਾ ਲੱਗ ਗਈ ਹੈ ਅਤੇ ਕੁਝ ਹੋਰ ਲੋਕਾਂ ਨੇ ਇਹ ਕਿਹਾ ਕਿ ਸ਼ਾਇਦ ਰਾਜਦੂਦ ਲਿਊ ਦਾ ਅਕਾਊਂਟ ਦੇਖਣ ਵਾਲਾ ਸਟਾਫ ਇਸ ਘਟਨਾ ਲਈ ਜ਼ਿੰਮੇਵਾਰ ਹੋਵੇਗਾ।