* ਚੀਨ ਨੇ ਅਮਰੀਕੀ ਕਾਰਵਾਈ ਨੂੰ ਨਸਲਵਾਦੀ ਕਦਮਆਖਿਆ
ਵਾਸ਼ਿੰਗਟਨ, 10 ਸਤੰਬਰ, (ਪੋਸਟ ਬਿਊਰੋ)- ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਆਦੇਸ਼ ਉੱਤੇਅੱਜ ਇੱਕ ਹਜ਼ਾਰਤੋਂ ਵੱਧ ਚੀਨੀ ਵਿਦਿਆਰਥੀਆਂ ਤੇ ਖੋਜੀਆਂ ਦਾ ਅਮਰੀਕੀ ਵੀਜ਼ਾ ਰੱਦ ਕਰ ਦਿੱਤਾ ਗਿਆ ਹੈ। ਟਰੰਪ ਸਰਕਾਰ ਨੇ ਭਾਵੇਂ ਇਸ ਨੂੰ ਸੁਰੱਖਿਆ ਲਈ ਖ਼ਤਰੇ ਕਾਰਨ ਚੁੱਕਿਆ ਕਦਮ ਕਿਹਾ ਹੈ, ਪਰ ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਝਾਓ ਲਿਝਆਨ ਨੇ ਅਮਰੀਕਾ ਦੇ ਇਸ ਕਦਮ ਨੂੰ ਸਿਆਸੀ ਸ਼ੋਸ਼ਣ ਅਤੇ ਨਸਲੀ ਵਿਤਕਰਾ ਦੱਸਿਆ ਹੈ।
ਇਸ ਸੰਬੰਧ ਵਿੱਚ ਅਮਰੀਕਾ ਦੇ ਵਿਦੇਸ਼ ਮੰਤਰਾਲੇ ਦੇ ਹੋਮਲੈਂਡ ਸਕਿਓਰਟੀ ਵਿਭਾਗ ਦੇ ਕਾਰਜਕਾਰੀ ਮੁਖੀ ਚੇਡ ਵੋਲਫ ਨੇ ਕਿਹਾ ਕਿ ਅਮਰੀਕਾ ਨੇ ਚੀਨ ਦੇ ਖ਼ੁਫ਼ੀਆ ਵਿਭਾਗ ਜਾਂ ਫੌਜ ਨਾਲ ਸਬੰਧਤ ਵਿੱਦਿਅਕ ਸੰਸਥਾਨਾਂ ਨਾਲ ਜੁੜੇ ਬੀ ਏ ਦੇ ਵਿਦਿਆਰਥੀਆਂ ਤੇ ਖੋਜੀਆਂ ਦੇ ਵੀਜ਼ੇ ਰੱਦ ਕਰਨ ਦੀ ਕਈ ਮਹੀਨੇ ਪੁਰਾਣੀ ਰਾਏ ਉੱਤੇ ਵਿਚਾਰ ਤੋਂ ਬਾਅਦਇਹ ਫ਼ੈਸਲਾ ਲਿਆ ਹੈ। ਸਮਝਿਆ ਜਾਂਦਾ ਹੈ ਕਿ ਇਹ ਲੋਕ ਜਾਸੂਸੀ ਜਾਂ ਬੌਧਿਕ ਜਾਇਦਾਦ ਦੀ ਚੋਰੀ ਵਰਗਾ ਖ਼ਤਰਾ ਹੋ ਸਕਦੇ ਹਨ। ਵੋਲਫ ਨੇ ਕਿਹਾ ਕਿ ਇਸ ਮੌਕੇ ਬੰਧੂਆ ਮਜ਼ਦੂਰਾਂ ਵੱਲੋਂ ਬਣਾਈਆਂ ਚੀਜਾਂ ਦੀ ਸਪਲਾਈਤੇ ਵਿਕਰੀ ਉੱਤੇ ਵੀਰੋਕ ਲਾ ਦਿੱਤੀ ਗਈ ਹੈ। ਉਨ੍ਹਾਂ ਨੇ ਚੀਨ ਤੋਂ ਮੰਗ ਕੀਤੀ ਕਿ ਉਹ ਹਰ ਵਿਅਕਤੀ ਦੀ ਮਰਿਆਦਾ ਦਾ ਸਨਮਾਨ ਕਰੇ। ਸਮਝਿਆ ਜਾਂਦਾ ਹੈ ਕਿ ਉਨ੍ਹਾਂ ਦਾ ਇਸ਼ਾਰਾ ਸ਼ਿਨਜਿਆਂਗ ਵਿਚ ਬੀਜਿੰਗ ਵੱਲੋਂ ਕੀਤੇ ਜਾਂਦੇ ਮੁਸਲਿਮ ਉਈਗਰਾਂ ਦੇ ਸ਼ੋਸ਼ਣ ਵੱਲ ਸੀ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਐਲਾਨਮਗਰੋਂ ਇਕ ਹਜ਼ਾਰ ਤੋਂਵੱਧ ਵੀਜ਼ੇ ਰੱਦ ਕੀਤੇ ਗਏ ਹਨ। ਇਹ ਗਿਣਤੀ ਅੱਠ ਸਤੰਬਰ 2020 ਤਕ ਦੀ ਹੈ। ਇਸ ਵੇਲੇ ਅਮਰੀਕਾ ਵਿਚ ਕੁਲ 3,60,000 ਚੀਨੀ ਨਾਗਰਿਕ ਪੜ੍ਹਦੇ ਹਨ।