ਟੋਰਾਂਟੋ, 10 ਸਤੰਬਰ (ਪੋਸਟ ਬਿਊਰੋ) : ਫਲਾਇ-ਜੀਟੀਏ ਵੱਲੋਂ ਅੱਜ ਤੋਂ ਬਿਲੀ ਬਿਸ਼ਪ ਏਅਰਪੋਰਟ ਤੋਂ ਕਿੰਗਸਟਨ ਤੱਕ ਉਡਾਨਾਂ ਸ਼ੁਰੂ ਕੀਤੀਆਂ ਜਾ ਰਹੀਆਂ ਹਨ|
ਇਸ ਕੈਰੀਅਰ ਵੱਲੋਂ ਵਾਟਰਲੂ, ਮਸਕੋਕਾ ਤੇ ਨਾਇਗਰਾ ਰੀਜਨ ਤੱਕ ਪਹਿਲਾਂ ਹੀ ਹਵਾਈ ਸਫਰ ਦਾ ਪ੍ਰਬੰਧ ਹੈ| ਕਿੰਗਸਟਨ ਤੱਕ ਨਵੀਂ ਉਡਾਨ ਵਿੱਚ ਸਿਰਫ 30 ਮਿੰਟ ਦਾ ਹੀ ਸਮਾਂ ਲੱਗੇਗਾ ਅਤੇ ਇਹ ਉਡਾਨ ਵੀਰਵਾਰ ਤੋਂ ਐਤਵਾਰ ਤੱਕ ਹੀ ਮੁਹੱਈਆ ਕਰਵਾਈ ਜਾਵੇਗੀ| ਇਸ ਜਹਾਜ਼ ਦੀ ਸਮਰੱਥਾ ਸਿਰਫ ਅੱਠ ਵਿਅਕਤੀਆਂ ਦੀ ਹੋਵੇਗੀ|
ਇੱਕ ਸੀਟ ਸਮਾਨ ਸਮੇਤ 64 ਡਾਲਰ ਦੀ ਪਵੇਗੀ ਤੇ ਬਿਨਾਂ ਸਮਾਨ ਤੋਂ 49 ਡਾਲਰ ਦੀ ਹੋਵੇਗੀ| ਏਅਰ ਕੈਨੇਡਾ ਨੇ ਜੂਨ ਵਿੱਚ ਇਹ ਐਲਾਨ ਕੀਤਾ ਸੀ ਕਿ ਉਹ ਕਰੋਨਾਵਾਇਰਸ ਕਾਰਨ 30 ਘਰੇਲੂ ਰੂਟ ਬੰਦ ਕਰ ਰਹੀ ਹੈ, ਜਿਸ ਵਿੱਚ ਕਿੰਗਸਟਨ ਵੀ ਸ਼ਾਮਲ ਸੀ|