ਕਲਾਕਾਰਾਂ ਲਈ ਉਨ੍ਹਾਂ ਦੀ ਪਹਿਲੀ ਫਿਲਮ, ਸੈੱਟ ਦਾ ਪਹਿਲਾ ਦਿਨ ਯਾਦਗਾਰ ਹੁੰਦਾ ਹੈ। ਪਿੱਛੇ ਜਿਹੇ ਵੈੱਬ ਸੀਰੀਜ਼ ‘ਆਸ਼ਰਮ' ਅਤੇ ‘ਅਵਰੋਧ-ਦ ਸੀਜ਼ ਵਿਦਿਨ` ਵਿੱਚ ਅਹਿਮ ਕਿਰਦਾਰ ਵਿੱਚ ਨਜ਼ਰ ਆਏ ਅਭਿਨੇਤਾ ਦਰਸ਼ਨ ਕੁਮਾਰ ਦੇ ਲਈ ਉਨ੍ਹਾਂ ਦੀ ਪਹਿਲੀ ਫਿਲਮ 2003 ਵਿੱਚ ਰਿਲੀਜ਼ ‘ਤੇਰੇ ਨਾਮ` ਖਾਸ ਸੀ। ਉਂਜ ਦਰਸ਼ਨ ਦੀ ਪਹਿਲੀ ਫਿਲਮ ‘ਮੈਰੀ ਕਾਮ` ਸੀ, ਪਰ ਕੈਮਰੇ ਨਾਲ ਰੂ-ਬ-ਰੂ ਉਹ ‘ਤੇਰੇ ਨਾਮ` ਵਿੱਚ ਹੋਏ ਸਨ। ਦਰਅਸਲ ਜਦ ‘ਤੇਰੇ ਨਾਮ` ਵਿੱਚ ਕੰਮ ਕਰਨ ਦਾ ਮੌਕਾ ਉਨ੍ਹਾਂ ਨੂੰ ਮਿਲਿਆ ਸੀ ਤਾਂ ਉਹ ਸਕੂਲ ਵਿੱਚ ਸਨ। ਦਿੱਲੀ ਵਿੱਚ ਥੀਏਟਰ ਸਿਖਦੇ ਸਨ।।
ਦਰਸ਼ਨ ਦੱਸਦੇ ਹਨ ਕਿ ਮੈਂ ਸਕੂਲ ਵਿੱਚ ਸੀ ਕਿ ਪਤਾ ਲੱਗਾ ਕਿ ਇਸ ਫਿਲਮ ਲਈ ਇੱਕ ਕਾਲਜ ਦੇ ਲੜਕੇ ਦੀ ਲੋੜ ਹੈ। ਮੈਂ ਸਕੂਲ ਵਿੱਚ ਪੜ੍ਹਦਾ ਸੀ, ਪਰ ਲੰਬਾਈ ਕਾਲਜ ਦੇ ਲੜਕਿਆਂ ਵਾਂਗ ਸੀ। ਆਡੀਸ਼ਨ ਦੇ ਦਿੱਤਾ ਅਤੇ ਰੋਲ ਮਿਲ ਗਿਆ। ਜਦ ਮੈਂ ਸੈੱਟ 'ਤੇ ਪਹੁੰਚਿਆ ਤਾਂ ਸਲਮਾਨ ਖਾਨ ਨੂੰ ਦੇਖਦਾ ਰਹਿ ਗਿਆ, ਬਚਪਨ ਤੋਂ ਉਨ੍ਹਾਂ ਦੀਆਂ ਫਿਲਮਾਂ ਦੇਖਦਾ ਸੀ, ਜਦ ਉਨ੍ਹਾਂ ਨੂੰ ਸਾਹਮਣੇ ਦੇਖਿਆ ਤਾਂ ਸਮਝ ਨਹੀਂ ਆ ਰਿਹਾ ਸੀ ਕਿ ਕੀ ਕਰਾਂ। ਮੇਰੇ ਲਈ ਉਹ ਦੁਨੀਆ ਅਲੱਗ ਸੀ। ਮੈਂ ਸੁਫਨੇ ਵਿੱਚ ਹਾਂ ਜਾਂ ਸਭ ਕੁਝ ਸਾਹਮਣੇ ਹੋ ਰਿਹਾ ਹੈ, ਉਹ ਜਾਨਣ ਲਈ ਕੁਝ ਮਿੰਟ ਲੱਗੇ। ਸਭ ਤੋਂ ਖਾਸ ਗੱਲ ਇਹ ਸੀ ਕਿ ਮੇਰੇ ਸਾਰੇ ਸੀਨ ਸਲਮਾਨ ਖਾਨ ਨਾਲ ਸਨ।। ਦਰਸ਼ਨ ਦੀ ਅਗਲੀ ਫਿਲਮ ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਦੀ ‘ਤੂਫਾਨ` ਹੋਵੇਗੀ। ਫਿਲਮ ਵਿੱਚ ਫਰਹਾਨ ਅਖਤਰ ਨਾਲ ਦਰਸਨ ਕੁਮਾਰ ਵੀ ਇੱਕ ਬਾਕਸਰ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।