Welcome to Canadian Punjabi Post
Follow us on

20

October 2020
ਬ੍ਰੈਕਿੰਗ ਖ਼ਬਰਾਂ :
ਮੁੱਖ ਮੰਤਰੀ ਦੀ ਅਗਵਾਈ ’ਚ ਪੰਜਾਬ ਵਿਧਾਨ ਸਭਾ ਵੱਲੋਂ ਖੇਤੀ ਕਾਨੂੰਨਾਂ ਖਿਲਾਫ ਰੋਸ਼ ਮੁਜ਼ਾਹਰਿਆਂ ਦੌਰਾਨ ਜਾਨ ਗਵਾਉਣ ਵਾਲੇ ਕਿਸਾਨਾਂ ਨੂੰ ਸ਼ਰਧਾਂਜਲੀ‘ਆਪ’ ‘ਚ ਸ਼ਾਮਲ ਹੋਏ ਉੱਘੇ ਸਮਾਜ ਸੇਵੀ ਅਤੇ ਸਾਬਕਾ ਅਧਿਕਾਰੀ ਸਵਰਨ ਸਿੰਘ ਸੈਂਪਲਾਕਾਲੇ ਕਾਨੂੰਨਾਂ ਅਤੇ ਕਿਸਾਨੀ ਸੰਘਰਸ਼ ਬਾਰੇ ਮੁੱਖ ਮੰਤਰੀ ਦੀ ਨੀਅਤ ਖੋਟੀ : ਹਰਪਾਲ ਚੀਮਾਮਿਸੀਸਾਗਾ ਮਾਲਟਨ ਲਿਬਰਲ ਨੌਮੀਨੇਸ਼ਨ ਉੱਤੇ ਐਨਡੀਪੀ ਨੇ ਕੀਤੇ ਸਵਾਲਕਿਸਾਨਾਂ ਨੇ ਰੇਲ ਰੋਕੋ ਅੰਦੋਲਨ ਅਣਮਿੱਥੇ ਸਮੇਂ ਲਈ ਵਧਾਇਆ, ਭਾਜਪਾ ਆਗੂਆਂ ਦੀਆਂ ਮੀਟਿੰਗਾਂ ਦਾ ਵਿਰੋਧ ਕਰਨ ਦਾ ਫੈਸਲਾਸ਼੍ਰੋਮਣੀ ਅਕਾਲੀ ਦਲ ਨੇ ਡੀ ਜੀ ਪੀ ਨੂੰ ਦਿੱਤੀ ਚੇਤਾਵਨੀ, ਕਿਹਾ ਜੇਕਰ ਕਿਸਾਨਾਂ ਖਿਲਾਫ ਕੋਈ ਝੂਠਾ ਕੇਸ ਦਰਜ ਹੋਇਆ ਤਾਂ ਪਾਰਟੀ ਉਨ੍ਹਾਂ ਦਾ ਕਰੇਗੀ ਘਿਰਾਓ ਮੁੱਖ ਮੰਤਰੀ ਵੱਲੋਂ ਓ.ਪੀ.ਡੀ. ਸੇਵਾਵਾਂ ਤੇ ਚੋਣਵੀਆਂ ਸਰਜਰੀਆਂ ਬਹਾਲ ਕਰਨ ਦੇ ਆਦੇਸ਼, ਸਰਕਾਰੀ ਸਕੂਲ ਵੀ ਸੋਮਵਾਰ ਤੋਂ ਖੁੱਲ੍ਹਣਗੇਕਿਸਾਨਾਂ ਅਤੇ ਸਰਕਾਰ ਵਿਚਾਲੇ ਗੱਲਬਾਤ ਟੁੱਟਣਾ ਅਤਿ ਮੰਦਭਾਗਾ, ਕੇਂਦਰ ਸਰਕਾਰ ਕਿਸਾਨਾਂ ਦੇ ਸ਼ੰਕਿਆਂ ਨੂੰ ਤੁਰੰਤ ਦੂਰ ਕਰੇ : ਢੀਂਡਸਾ
ਮਨੋਰੰਜਨ

ਜਦ ਕੁਮੁਦ ਮਿਸ਼ਰਾ ਨੂੰ ਰਿਕਸ਼ੇਵਾਲਾ ਸਮਝ ਲਿਆ ਗਿਆ

September 10, 2020 09:09 AM

ਕਈ ਵਾਰ ਕਿਰਦਾਰ ਦੀ ਤਿਆਰੀ ਲਈ ਕਲਾਕਾਰ ਉਸ ਜੀਵਨ ਸ਼ੈਲੀ ਨੂੰ ਜੀਉਣ ਲੱਗਦੇ ਹਨ ਤਾਂ ਕਿ ਕਿਰਦਾਰ ਵਿੱਚ ਫਿੱਟ ਹੋ ਸਕਣ। ਪਿੱਛੇ ਜਿਹੇ ਸੋਨੀ ਲਾਈਵ ਉੱਤੇ ਰਿਲੀਜ਼ ਫਿਲਮ ‘ਰਾਮ ਸਿੰਘ ਚਾਰਲੀ` ਵਿੱਚ ਕੁਮੁਦ ਮਿਸ਼ਰਾ ਨੇ ਸਰਕਸ ਦੇ ਚਾਰਲੀ ਚੈਪਲਿਨ ਵਾਜੋਂ ਕੰਮ ਕਰਨ ਵਾਲੇ ਸ਼ਖਸ ਦਾ ਕਿਰਦਾਰ ਨਿਭਾਇਆ ਹੈ। ਸਰਕਸ ਬੰਦ ਹੋਣ ਦੇ ਕਾਰਨ ਉਸ ਦੇ ਕਿਰਦਾਰ ਨੂੰ ਹੱਥ ਰਿਕਸ਼ਾ ਚਲਾਉਣ ਲਈ ਮਜਬੂਰ ਹੋਣਾ ਪੈਂਦਾ ਹੈ। ਫਿਲਮ ਵਿੱਚ ਸਵਾਰੀ ਬਿਠਾ ਕੇ ਸੜਕਾਂ 'ਤੇ ਰਿਕਸ਼ਾ ਚਲਾਉਂਦੇ ਹੋਏ ਉਨ੍ਹਾਂ ਦੇ ਕਈ ਸੀਨ ਹਨ। ਕੁਮੁਦ ਆਪਣੇ ਕੰਮ ਪ੍ਰਤੀ ਸਮੱਰਪਣ ਲਈ ਮਸ਼ਹੂਰ ਹਨ।
ਦੱਸਿਆ ਜਾਂਦਾ ਹੈ ਕਿ ਆਪਣੇ ਕਿਰਦਾਰ ਲਈ ਕੁਮੁਦ ਸ਼ੂਟਿੰਗ ਤੋਂ ਪਹਿਲਾਂ ਕੋਲਕਾਤਾ ਪਹੁੰਚ ਗਏ ਸਨ। ਉਥੇ ਉਹ ਛੇ-ਛੇ ਘੰਟੇ ਹੱਥ ਰਿਕਸ਼ਾ ਨੂੰ ਚਲਾਉਣ ਦੀ ਪ੍ਰੈਕਟਿਸ ਕਰਦੇ ਸਨ। ਉਸ ਸਮੇਂ ਉਨ੍ਹਾਂ ਦਾ ਗੈਟਅਪ ਵੀ ਅਜਿਹਾ ਹੁੰਦਾ ਸੀ ਕਿ ਉਨ੍ਹਾਂ ਨੂੰ ਪਛਾਨਣਾ ਮੁਸ਼ਕਲ ਹੁੰਦਾ ਸੀ। ਸ਼ੂਟਿੰਗ ਕੋਲਕਾਤਾ ਦੇ ਬੜਾ ਬਾਜ਼ਾਰ ਦੇ ਆਸਪਾਸ ਹੋਈ ਸੀ। ਕੈਮਰਿਆਂ ਨੂੰ ਗੱਡੀ ਵਿੱਚ ਰੱਖ ਕੇ ਗੁਪਤ ਤਰੀਕੇ ਨਾਲ ਸ਼ੂਟ ਕੀਤਾ ਗਿਆ ਸੀ। ਸ਼ੂਟਿੰਗ ਦੌਰਾਨ ਕੁਮੁਦ ਰਿਕਸ਼ੇ ਨਾਲ ਖੜ੍ਹੇ ਹੁੰਦੇ ਸਨ। ਅਜਿਹੇ ਵਿੱਚ ਕਈ ਲੋਕ ਉਨ੍ਹਾਂ ਨੂੰ ਵਾਕਈ ਰਿਕਸ਼ੇਵਾਲਾ ਸਮਝ ਲੈਂਦੇ ਸਨ ਅਤੇ ਉਨ੍ਹਾਂ ਤੋਂ ਪੁੱਛਦੇ ਸਨ ਕਿ ਫਲਾਣੀ ਜਗ੍ਹਾ ਚੱਲੋਗੇ, ਤਾਂ ਆਸਪਾਸ ਮੌਜੂਦ ਯੂਨਿਟ ਦੇ ਲੋਕ ਜਾ ਕੇ ਮਨ੍ਹਾ ਕਰਦੇ ਸਨ, ਅਜਿਹਾ ਉਨ੍ਹਾਂ ਦੇ ਨਾਲ ਕਈ ਵਾਰ ਹੋਇਆ ਸੀ, ਹਾਲਾਂਕਿ ਕੁਮੁਦ ਉਸ ਨੂੰ ਬੇਹੱਦ ਸਹਿਜਤਾ ਨਾਲ ਲੈਂਦੇ ਸਨ। ਉਨ੍ਹਾਂ ਨੂੰ ਲੱਗਦਾ ਸੀ ਕਿ ਕਿਰਦਾਰ ਨੂੰ ਲੈ ਕੇ ਉਨ੍ਹਾਂ ਦੀ ਮਿਹਨਤ ਸਫਲ ਹੋ ਰਹੀ ਹੈ, ਫਿਲਮ ਵਿੱਚ ਉਨ੍ਹਾਂ ਦੇ ਕੰਮ ਦੀ ਬਹੁਤ ਪ੍ਰਸ਼ੰਸਾ ਹੋ ਰਹੀ ਹੈ

Have something to say? Post your comment