ਅਭਿਨੇਤਰੀ ਵਾਣੀ ਕਪੂਰ 80 ਦੇ ਦਹਾਕੇ ਦੀਆਂ ਫਿਲਮਾਂ ਨੂੰ ਪਸੰਦ ਕਰਦੀ ਹੈ। ਵਾਣੀ ਕਪੂਰ 80 ਦੇ ਦਹਾਕੇ 'ਤੇ ਆਧਾਰਤ ਫਿਲਮ ‘ਬੈੱਲ ਬਾਟਮ’ ਵਿੱਚ ਅਕਸ਼ੈ ਕੁਮਾਰ ਦੇ ਨਾਲ ਕੰਮ ਕਰ ਰਹੀ ਹੈ। ਵਾਣੀ ਨੇ ਦੱਸਿਆ ਕਿ ਖੁਦ ਨੂੰ ਇਸ ਫਿਲਮ ਦੇ ਕਿਰਦਾਰ ਵਿੱਚ ਢਾਲਣ ਦੇ ਲਈ ਉਸ ਨੇ ਕਿਸ ਤਰ੍ਹਾਂ ਮਿਹਨਤ ਕੀਤੀ ਹੈ।
ਵਾਣੀ ਨੇ ਕਿਹਾ, ‘‘80 ਦੇ ਦਹਾਕੇ ਦੇ ਲੁਕ ਤੇ ਫੀਲ ਤੋਂ ਮੈਂ ਕਾਫੀ ਐਕਸਾਈਟਿਡ ਹਾਂ ਤੇ ਅਸੀਂ ਉਸ ਦੌਰ ਦੇ ਕੁਝ ਦਿਲਚਸਪ ਲੁਕਸ 'ਤੇ ਕੰਮ ਕਰ ਰਹੇ ਹਾਂ। ਮੈਂ ਆਪਣੇ ਨੋਟਸ ਬਣਾ ਰਹੀ ਹਾਂ, ਪੁਰਾਣੀਆਂ ਫਿਲਮਾਂ ਦੇਖਦੀ ਅਤੇ ਥੋੜ੍ਹੀ ਰਿਸਰਚ ਖੁਦ ਕਰਦੀ ਹਾਂ। ਅਸੀਂ 80 ਦੇ ਦਹਾਕੇ ਦੀਆਂ ਗੱਲਾਂ ਆਪਣੇ ਦਿਲੋ-ਦਿਮਾਗ ਵਿੱਚ ਉਤਾਰਨ ਦੀ ਕੋਸ਼ਿਸ਼ ਕੀਤੀ ਤੇ ਅਨੁਭਵ ਮਜ਼ੇਦਾਰ ਰਿਹਾ ਹੈ। ਮੈਨੂੰ 80 ਦੇ ਦਹਾਕਾ ਵਾਕਈ ਸਭ ਤੋਂ ਕਲਰਫੁੱਲ, ਸੁਪਰਕੂਲ ਲੱਗਦਾ ਹੈ।”