ਪਿੰਡ ਵਿੱਚ ਰਹਿ ਰਹੇ ਭੋਲਾ ਨੇ ਇੱਕ ਵਾਰ ਸਰਪੰਚ ਨੂੰ ਦਾਅਵਤ ਦੇਣ ਬਾਰੇ ਸੋਚਿਆ। ਉਹ ਸਰਪੰਚ ਕੋਲ ਗਿਆ ਅਤੇ ਬੋਲਿਆ, ‘‘ਤੁਹਾਨੂੰ ਖਾਣੇ 'ਚ ਕੀ ਪਸੰਦ ਹੈ?”
ਸਰਪੰਚ ਨੇ ਕਿਹਾ, ‘‘ਮੱਛੀ।”
ਭੋਲਾ, ‘‘...ਪਰ ਮੇਰੀ ਪਤਨੀ ਨੂੰ ਤਾਂ ਮੱਛੀ ਬਣਾਉਣੀ ਨਹੀਂ ਆਉਂਦੀ।”
ਇਸ 'ਤੇ ਸਰਪੰਚ ਨੇ ਇੱਕ ਕਾਗਜ਼ 'ਤੇ ਮੱਛੀ ਬਣਾਉਣ ਦਾ ਤਰੀਕਾ ਲਿਖ ਦਿੱਤਾ। ਭੋਲਾ ਮੱਛੀ ਖਰੀਦ ਕੇ ਘਰ ਜਾ ਰਿਹਾ ਸੀ। ਰਸਤੇ ਵਿੱਚ ਇੱਕ ਚੀਲ ਮੱਛੀ ਨੂੰ ਝਪੱਟਾ ਮਾਰ ਕੇ ਲੈ ਗਈ।
ਭੋਲਾ ਬੋਲਿਆ, ‘‘ਲੈ ਜਾ, ਲੈ ਜਾ। ਬਣਾਉਣ ਵਿਧੀ ਤਾਂ ਮੇਰੇ ਕੋਲ ਹੈ, ਬਣਾਏਂਗੀ ਕਿਵੇਂ?”
*********
ਬੱਚਾ, ‘‘ਪਾਪਾ, ਇੱਕ ਚੰਗੀ ਖਬਰ ਹੈ।”
ਪਿਤਾ, ‘‘ਕੀ?”
ਬੱਚਾ, ‘‘ਤੁਹਾਨੂੰ ਯਾਦ ਹੈ ਤੁਸੀਂ ਕਿਹਾ ਸੀ ਕਿ ਜੇ ਮੈਂ ਪੇਪਰਾਂ ਵਿੱਚ ਪਾਸ ਹੋ ਜਾਵਾਂ ਤਾਂ ਤੁਸੀਂ ਮੈਨੂੰ ਪੰਜ ਹਜ਼ਾਰ ਰੁਪਏ ਦੇਵੋਗੇ?”
ਪਿਤਾ, ‘‘ਹਾਂ।”
ਬੱਚਾ, ‘‘ਤੁਹਾਡੇ ਪੰਜ ਹਜ਼ਾਰ ਰੁਪਏ ਬਚ ਗਏ।”
*********
ਡਾਕਟਰ (ਮਰੀਜ਼ ਨੂੰ), ‘‘ਕਿਵੇਂ ਆਉਣਾ ਹੋਇਆ ਬਈ?”
ਮਰੀਜ਼, ‘‘ਡਾਕਟਰ ਸਾਹਿਬ, ਲਿਵਰ ਵਿੱਚ ਦਿੱਕਤ ਹੋ ਰਹੀ ਹੈ।”
ਡਾਕਟਰ, ‘‘ਕੀ ਤੂੰ ਸ਼ਰਾਬ ਪੀਂਦਾ ਏਂ?”
ਮਰੀਜ਼, ‘‘ਪੀਂਦਾ ਤਾਂ ਹਾਂ, ਪਰ ਜ਼ਰਾ ਛੋਟਾ ਪੈੱਗ ਹੀ ਬਣਾਉਣਾ।”