ਨਵੀਂ ਦਿੱਲੀ, 14 ਅਗਸਤ, (ਪੋਸਟ ਬਿਊਰੋ)- ਭਾਰਤ ਵਿੱਚ ਕੋਰੋਨਾ ਵਾਇਰਸ ਦੀ ਜਾਂਚ ਵਿੱਚ ਤੇਜ਼ੀ ਆਉਣ ਨਾਲ ਨਵੇਂ ਕੇਸਾਂ ਦੀ ਗਿਣਤੀ ਵਧੀ ਜਾਂਦੀ ਹੈ। ਵੀਰਵਾਰ ਦੇ ਦਿਨ ਸਾਰੇ ਦੇਸ਼ ਵਿੱਚ 69,612 ਨਵੇਂ ਕੇਸਮਿਲੇਅਤੇ 56,888 ਲੋਕਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਗਈ ਹੈ ਅਤੇ ਠੀਕ ਹੋਣ ਵਾਲੇ ਮਰੀਜ਼ਾਂ ਦੀ ਦਰ ਵਧ ਕੇ 70.77 ਫ਼ੀਸਦੀ ਹੋ ਗਈ ਹੈ। ਦੂਸਰੇ ਪਾਸੇ ਮੌਤ ਦਰਘਟ ਕੇ 1.96 ਫ਼ੀਸਦੀ ਰਹਿ ਗਈ ਹੈ। ਭਾਰਤ ਵਿੱਚ ਸ਼ੁੱਕਰਵਾਰ ਦੀ ਸਵੇਰ ਹੋਣ ਤੱਕ ਕੋਰੋਨਾ ਦੇ ਕੇਸਾਂ ਦੀ ਕੁੱਲ ਗਿਣਤੀ 24,59,613 ਹੋ ਚੁੱਕੀ ਹੈ ਤੇ ਪਿਛਲੇ ਚੌਵੀ ਘੰਟਿਆਂ ਵਿੱਚ 1010 ਹੋਰ ਲੋਕਾਂ ਦੀ ਮੌਤ ਹੋਣ ਨਾਲ 48,144 ਲੋਕ ਇਸ ਬਿਮਾਰੀ ਦੇ ਕਾਰਨ ਮਾਰੇ ਜਾ ਚੁੱਕੇ ਹਨ।
ਸਭ ਤੋਂ ਵੱਧ ਮਾਰ ਝੱਲ ਰਹੇ ਮਹਾਰਾਸ਼ਟਰ ਵਿੱਚਬੀਤੇ ਚੌਵੀ ਘੰਟਿਆਂ ਵਿੱਚ 11,813 ਨਵੇਂ ਕੇਸਮਿਲਣ ਦੇ ਨਾਲ ਇਸ ਰਾਜ ਵਿੱਚ ਇਨਫੈਕਟਿਡ ਲੋਕਾਂ ਦੀ ਗਿਣਤੀ 5,60,126 ਤੇ ਮੌਤਾਂ ਦੀ ਕੁੱਲ ਗਿਣਤੀ 19,063 ਹੋ ਗਈ ਹੈ। ਇਸ ਦੌਰਾਨ ਤੇਜ਼ੀ ਨਾਲ ਮਾਰ ਹੇਠ ਆਏ ਤਾਮਿਲਨਾਡੂ ਵਿੱਚਕੇਸਾਂ ਦੀ ਗਿਣਤੀ 3,20,355 ਤੇ ਮੌਤਾਂ ਦੀ ਗਿਣਤੀ 5,397 ਹੋ ਗਈ ਹੈ। ਤੀਸਰੇ ਸਭ ਤੋਂ ਵੱਧ ਪ੍ਰਭਾਵਤ ਰਾਜ ਆਂਧਰਾ ਪ੍ਰਦੇਸ਼ ਵਿੱਚਕੇਸਾਂ ਦੀ ਗਿਣਤੀ 2,64,142 ਅਤੇ ਮੌਤਾਂ ਦੀ ਗਿਣਤੀ 2,378 ਹੋ ਗਈ ਹੈ। ਪਹਿਲਾਂ ਬਹੁਤ ਮਾਰ ਝੱਲ ਚੁੱਕੇ ਦਿੱਲੀ ਅਤੇ ਗੁਜਰਾਤ ਇਸ ਵਕਤ ਕਾਫੀ ਹੱਦ ਤੱਕ ਸੰਭਲ ਚੁੱਕੇ ਹਨ, ਪਰ ਕਰਨਾਟਕਾ, ਉੱਤਰ ਪ੍ਰਦੇਸ਼ ਤੇ ਪੱਛਮੀ ਬੰਗਾਲ ਵਿੱਚ ਸਥਿਤੀ ਚਿੰਤਾ ਵਾਲੀ ਬਣੀ ਹੋਈ ਹੈ।
ਭਾਰਤ ਦੇ ਸਾਬਕਾ ਰਾਸ਼ਟਰਪਤੀ ਪ੍ਰਣਬ ਮੁਕਰਜੀਇਸ ਬੀਮਾਰੀ ਕਾਰਨ ਹਸਪਤਾਲ ਵਿੱਚ ਦਾਖਲ ਹਨ ਅਤੇ ਉਨ੍ਹਾਂ ਦੀ ਸਿਹਤ ਗੰਭੀਰ, ਪਰ ਸਥਿਰ ਦੱਸੀ ਜਾਂਦੀ ਹੈ। ਓਧਰ ਬੰਗਲੌਰ ਵਿੱਚ ਸਪੋਰਟਸ ਅਥਾਰਟੀ ਆਫ ਇੰਡੀਆ ਵੱਲੋਂ ਚੱਲਦੇ ਕੌਮੀ ਹਾਕੀ ਟੀਮ (ਪੁਰਸ਼) ਦੇ ਸਿਖਲਾਈ ਕੈਂਪ ਵਿੱਚ ਛੇ ਖਿਡਾਰੀ ਕੋਰੋਨਾ ਪਾਜ਼ੇਟਿਵ ਮਿਲੇ ਹਨ। ਇਨ੍ਹਾਂ ਵਿੱਚ ਹਾਕੀ ਟੀਮ ਦੇ ਕਪਤਾਨ ਮਨਪ੍ਰੀਤ ਸਿੰਘ, ਅਟੈਕ ਸਟ੍ਰਾਈਕਰ ਮਨਦੀਪ ਸਿੰਘ, ਡਰੈਗ ਫਲਿੱਕਰ ਵਰੁਣ ਕੁਮਾਰ, ਡਿਫੈਂਡਰ ਜਸਕਰਨ ਸਿੰਘ ਤੇ ਸੁਰਿੰਦਰ ਕੁਮਾਰ ਅਤੇ ਗੋਲਕੀਪਰ ਬਹਾਦੁਰ ਪਾਠਕ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਚਾਰ ਖਿਡਾਰੀ ਮਨਪ੍ਰੀਤ ਸਿੰਘ ਪਵਾਰ, ਮਨਦੀਪ ਸਿੰਘ, ਜਸਕਰਨ ਸਿੰਘ ਤੇ ਵਰੁਣ ਕੁਮਾਰ ਜ਼ਿਲ੍ਹਾ ਜਲੰਧਰ ਦੇ ਹਨ ਅਤੇ ਤਿੰਨ ਖਿਡਾਰੀ ਮਨਪ੍ਰੀਤ ਸਿੰਘ, ਮਨਦੀਪ ਸਿੰਘ ਤੇ ਵਰੁਣ ਕੁਮਾਰ ਜਲੰਧਰ ਦੇ ਇੱਕੋ ਪਿੰਡ ਮਿੱਠਾਪੁਰ ਦੇ ਵਸਨੀਕ ਹਨ, ਜਿੱਥੋਂ ਦੇ ਪ੍ਰਗਟ ਸਿੰਘ ਲੰਮਾ ਸਮਾਂ ਭਾਰਤੀ ਹਾਕੀ ਦੇ ਕਪਤਾਨ ਰਹਿ ਚੁੱਕੇ ਹਨ। ਅਗਲੇ ਸਾਲ ਟੋਕੀਓ ਓਲੰਪਿਕ ਹਾਕੀ ਨੂੰ ਮੁੱਖ ਰੱਖਦਿਆਂ ਬੰਗਲੌਰ ਵਿੱਚ ਚੱਲ ਰਹੇ ਕੈਂਪ ਵਿੱਚ ਜ਼ਿਲ੍ਹਾ ਜਲੰਧਰ ਦੇ ਪਿੰਡ ਮਿੱਠਾਪੁਰ ਦਾ ਚੌਥਾ ਖਿਡਾਰੀ ਤਲਵਿੰਦਰ ਸਿੰਘ ਰਾਜਾ ਵੀ ਸ਼ਾਮਲ ਹੈ।
ਪੰਜਾਬ ਵਿੱਚਵੀ ਕੋਰੋਨਾ ਵਾਇਰਸ ਦੀ ਮਾਰ ਵਧ ਰਹੀ ਹੈ ਤੇ ਇਸ ਕਾਰਨ ਪੁਲਸ ਦੇ ਇਕ ਆਈਜੀ ਅਤੇ ਇਕ ਐੱਸ ਐੱਸ ਪੀ ਸਮੇਤ ਇਸ ਰਾਜ ਵਿੱਚ ਬੀਤੇ ਚੌਵੀ ਘੰਟਿਆਂ ਵਿੱਚ1048 ਨਵੇਂ ਪਾਜ਼ੇਟਿਵ ਕੇਸਮਿਲਣ ਨਾਲ ਇਸ ਰਾਜ ਵਿੱਚ ਕੁੱਲ ਕੇਸਾਂ ਦੀ ਗਿਣਤੀ 26,909 ਅਤੇ ਮੌਤਾਂ ਦੀ ਗਿਣਤੀ 704 ਹੋ ਗਈ ਹੈ। ਇਕੱਲੇ ਲੁਧਿਆਣਾਜਿ਼ਲੇ ਵਿੱਚਅੱਜ ਤਕ 209 ਲੋਕਾਂ ਦੀ ਮੌਤ ਕੋਰੋਨਾ ਕਾਰਨ ਹੋ ਚੁੱਕੀ ਹੈ।