‘ਕੇਦਾਰਨਾਥ’ ਫੇਮ ਡਾਇਰੈਕਟਰ ਅਭਿਸ਼ੇਕ ਕਪੂਰ ਨੇ ਆਪਣੀ ਅਗਲੀ ਫਿਲਮ ਐਲਾਨ ਕੀਤਾ ਹੈ। ਆਪਣੀ ਇਸ ਆਉਣ ਵਾਲੀ ਲਵ ਸਟੋਰੀ ਵਿੱਚ ਉਨ੍ਹਾਂ ਨੇ ਆਯੁਸ਼ਮਾਨ ਨੂੰ ਪਹਿਲਾਂ ਤੋਂ ਕਾਸਟ ਕੀਤਾ ਹੋਇਆ ਸੀ ਅਤੇ ਉਨ੍ਹਾਂ ਨੇ ਬਤੌਰ ਲੀਡ ਅਭਿਨੇਤਰੀ ਵਾਣੀ ਕਪੂਰ ਨੂੰ ਸਾਈਨ ਕਰ ਲਿਆ ਹੈ। ਇਹ ਪਹਿਲਾ ਮੌਕਾ ਹੋਵੇਗਾ ਕਿ ਵਾਣੀ ਅਤੇ ਆਯੁਸ਼ਮਾਨ ਕਿਸੇ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣਗੇ। ਫਿਲਮ ਵਿੱਚ ਆਯੁਸ਼ਮਾਨ ਇੱਕ ਕ੍ਰਾਸ-ਫੰਕਸ਼ਨਲ ਐਥਲੀਟ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ ਅਤੇ ਇਸ ਦੇ ਲਈ ਉਹ ਪਹਿਲੀ ਵਾਰ ਫਿਜੀਕਲ ਟ੍ਰਾਂਸਫਾਰਮੇਸ਼ਨ ਕਰ ਰਹੇ ਹਨ।
ਇਸ ਫਿਲਮ ਦੀ ਸ਼ੂਟਿੰਗ ਅਕਤੂਬਰ ਵਿੱਚ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਫਿਲਮ ਵਿੱਚ ਚੁਣੇ ਜਾਣ 'ਤੇ ਵਾਣੀ ਕਪੂਰ ਕਹਿੰਦੀ ਹੈ, ‘ਇਹ ਬਹੁਤ ਪਿਆਰੀ ਅਤੇ ਦਿਲ ਨੂੰ ਛੂਹ ਲੈਣ ਵਾਲੀ ਫਿਲਮ ਹੈ। ਮੈਂ ਅਭਿਸ਼ੇਕ ਦੀਆਂ ਫਿਲਮਾਂ ਤੋਂ ਕਾਫੀ ਇੰਸਪਾਇਰਡ ਸੀ ਤੇ ਹਮੇਸ਼ਾ ਤੋਂ ਉਨ੍ਹਾਂ ਨਾਲ ਕੰਮ ਕਰਨਾ ਚਾਹੁੰਦੀ ਸੀ। ਅੱਜ ਮੈਨੂੰ ਉਨ੍ਹਾਂ ਦੇ ਵਿਜ਼ਨ ਦਾ ਹਿੱਸਾ ਬਣਨ ਦਾ ਮੌਕਾ ਮਿਲਿਆ ਹੈ। ਆਯੁਸ਼ਮਾਨ ਸਾਡੀ ਜਨਰੇਸ਼ਨ ਦੇ ਸਭ ਤੋਂ ਟੈਲੇਂਟਿਡ ਕਲਾਕਾਰਾਂ ਵਿੱਚੋਂ ਇੱਕ ਹਨ ਤੇ ਇਸ ਲਵ ਸਟੋਰੀ ਵਿੱਚ ਅਸੀਂ ਦੋਵੇਂ ਪਹਿਲੀ ਵਾਰ ਇਕੱਠੇ ਕੰਮ ਕਰ ਰਹੇ ਹਾਂ ਅਤੇ ਇਸ ਗੱਲ ਤੋਂ ਮੈਂ ਬੇਹੱਦ ਉਤਸ਼ਾਹਤ ਹਾਂ।”