Welcome to Canadian Punjabi Post
Follow us on

22

September 2020
ਬ੍ਰੈਕਿੰਗ ਖ਼ਬਰਾਂ :
ਭਾਰਤ

ਮਨਮੋਹਨ ਸਿੰਘ ਬੋਲੇ: ਮੰਦੀ ਆਉਣੀ ਤੈਅ ਹੈ, ਸਰਕਾਰ ਕਰਜ਼ ਲੈਂਦੀ ਸ਼ਰਮਾਵੇ ਨਾ

August 11, 2020 10:23 PM

ਨਵੀਂ ਦਿੱਲੀ, 11 ਅਗਸਤ (ਪੋਸਟ ਬਿਊਰੋ)- ਸਾਬਕਾ ਪ੍ਰਧਾਨ ਮੰਤਰੀ ਮੋਨਮੋਹਨ ਸਿੰਘ ਨੇ ਕਿਹਾ ਹੈ ਕਿ ਦੇਸ਼ 'ਚ ਮੰਦੀ ਆਉਣੀ ਤੈਅ ਹੈ ਅਤੇ ਉਨ੍ਹਾਂ ਨੇ ਇਸ ਤੋਂ ਨਜਿੱਠਣ ਲਈ ਮੋਦੀ ਸਰਕਾਰ ਨੂੰ ਤਿੰਨ ਸੁਝਾਅ ਦਿੱਤੇ ਹਨ, ਜਿਨ੍ਹਾਂ 'ਤੇ ਤੁਰੰਤ ਕਦਮ ਚੁੱਕਣ ਲਈ ਕਿਹਾ ਹੈ ਤਾਂ ਕਿ ਕੋਰੋਨਾ ਮਹਾਂਮਾਰੀ ਨਾਲ ਹੋਏ ਨੁਕਸਾਨ ਦੀ ਭਰਪਾਈ ਕੀਤੀ ਜਾ ਸਕੇ ਅਤੇ ਆਉਣ ਵਾਲੇ ਸਾਲਾਂ 'ਚ ਆਰਥਿਕ ਸਥਿਤੀ ਨੂੰ ਫਿਰ ਪਹਿਲਾਂ ਵਾਂਗ ਬਣਾਇਆ ਜਾ ਸਕੇ।
ਇੱਕ ਇੰਟਰਵਿਊ ਵਿੱਚ ਮਨਮੋਹਨ ਸਿੰਘ ਨੇ ਕਿਹਾ ਕਿ ਦੇਸ਼ ਦੇ ਲੋਕਾਂ ਨੂੰ ਸਭ ਤੋਂ ਵੱਧ ਮੁਸ਼ਕਲ ਦੇਣ ਵਾਲਾ ਮੋਦੀ ਸਰਕਾਰ ਵੱਲੋਂ ਲਾਇਆ ਗਿਆ ਲਾਕਡਾਊਨ ਸੀ। ਓਦੋਂ ਲਾਕਡਾਊਨ ਲਾਉਣਾ ਜ਼ਰੂਰੀ ਸੀ ਪਰ ਮੋਦੀ ਸਰਕਾਰ ਨੇ ਬਿਨਾਂ ਸੋਚੇ ਬੇਹੱਦ ਸੰਵੇਦਨਾ ਹੀਣ ਤਰੀਕੇ ਨਾਲ ਇਹ ਲਾਗੂ ਕੀਤਾ। ਮਨਮੋਹਨ ਸਿੰਘ ਨੇ ਜੋ ਤਿੰਨ ਸੁਝਾਅ ਦਿੱਤੇ ਹਨ, ਉਨ੍ਹਾਂ 'ਚ ਪਹਿਲਾ ਹੈ ਕਿ ਸਰਕਾਰ ਯਕੀਨੀ ਕਰੇ ਕਿ ਲੋਕਾਂ ਕੋਲ ਰੋਜ਼ਾਨਾਂ ਖ਼ਰਚ ਲਈ ਪੈਸੇ ਹੋਣ। ਇਸ ਦੇ ਲਈ ਸਰਕਾਰ ਉਨ੍ਹਾਂ ਨੂੰ ਨਕਦੀ ਉਪਲੱਬਧ ਕਰਾਏ। ਦੂਜਾ ਜ਼ਰੂਰੀ ਕਦਮ ਇਹ ਹੈ ਕਿ ਸਰਕਾਰ ਬਿਜਨੈਸ ਕਰਨ ਵਾਲਿਆਂ ਲਈ ਪੰੂਜੀ ਉਪਲੱਬਧ ਕਰਵਾਏ। ਤੀਜਾ ਸੁਝਾਅ ਹੈ ਕਿ ਸੰਸਥਾਗਤ ਖੁਦਮੁਖਤਿਆਰੀ ਅਤੇ ਪ੍ਰਕਿਰਿਆਵਾਂ ਦੇ ਜ਼ਰੀਏ ਵਿੱਤੀ ਖੇਤਰ ਨੂੰ ਠੀਕ ਕੀਤਾ ਜਾਵੇ। ਮਨਮੋਹਨ ਸਿੰਘ ਨੇ ਕੈਸ਼ ਟਰਾਂਸਫਰ ਬਾਰੇ ਕਿਹਾ ਕਿ ਇਸ ਨਾਲ ਬਹੁਤ ਸਾਰਾ ਕਰਜ਼ ਹੋ ਜਾਵੇਗਾ। ਇਸ ਨਾਲ ਜੀ ਡੀ ਪੀ ਰੇਸ਼ੋ ਲਈ ਭਾਰਤ ਦਾ ਕਰਜ਼ ਵੱਧ ਜਾਵੇਗਾ ਪਰ ਜੇ ਕਰਜ਼ ਨਾਲ ਕਿਸੇ ਦੀ ਜ਼ਿੰਦਗੀ ਬੱਚਦੀ ਹੈ, ਜੀਵਨ ਆਮ ਹੁੰਦਾ ਹੈ ਤੇ ਆਰਥਿਕ ਸਥਿਤੀ ਨੂੰ ਵਧਣ 'ਚ ਮਦਦ ਮਿਲਦੀ ਹੈ ਤਾਂ ਇਹ ਕੀਤਾ ਜਾ ਸਕਦਾ ਹੈ। ਕਰਜ਼ ਲੈਣ 'ਚ ਸ਼ਰਮਾਉਣ ਦੀ ਲੋੜ ਨਹੀਂ, ਪਰ ਉਸ ਨੂੰ ਕਿਵੇਂ ਖ਼ਰਚ ਕਰਨਾ ਹੈ, ਇਸ 'ਤੇ ਸਮਾਰਟ ਤਰੀਕੇ ਨਾਲ ਸੋਚ ਕੇ ਅਮਲ ਕਰਣਾ ਚਾਹੀਦਾ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਕੋਰੋਨਾ ਦੇ ਕਾਰਨ ਹਵਾਬਾਜ਼ੀ ਦੀ ਆਮਦਨ ਪਹਿਲੀ ਤਿਮਾਹੀ 'ਚ 86 ਫੀਸਦੀ ਘਟੀ
ਹਿਮਾਚਲੀ ਹੱਦ ਖੁੱਲ੍ਹਣ 'ਤੇ ਸੈਲਾਨੀਆਂ ਦੀ ਦਸਤਕ
ਹੋਟਲ ਲਕਸ਼ਮੀ ਵਿਲਾਸ ਦੇ ਫੈਸਲੇ ਨੂੰ ਹਾਈ ਕੋਰਟ ਵਿੱਚ ਚੁਣੌਤੀ
ਫੇਸਬੁੱਕ ਨੂੰ ਆਖਰੀ ਨੋਟਿਸ : ਦਿੱਲੀ ਦੰਗਿਆਂ ਦੌਰਾਨ ਸੋਸ਼ਲ ਮੀਡੀਆ ਉਤੇ ਨਫਰਤ ਫੈਲਾਉਣ ਦਾ ਦੋਸ਼ ਲੱਗਾ
ਕਿਸਾਨ ਬਿੱਲਾਂ ਦੇ ਤਿੱਖੇ ਵਿਰੋਧ ਕਾਰਨ ਦਿੱਲੀ ਬਾਰਡਰ ਉੱਤੇ ਹਾਈ ਅਲਰਟ
ਮੋਦੀ ਸਰਕਾਰ ਦਾ ਖੇਤੀ ਬਿੱਲ ਲੋਕ ਸਭਾ ਪਿੱਛੋਂ ਰਾਜਸਭਾ ਤੋਂ ਵੀ ਹੰਗਾਮੇ ਦੌਰਾਨ ਪਾਸ
ਏਅਰ ਇੰਡੀਆ ਦੀ ਫੂਕ ਨਿਕਲੀ: ਮੁਲਾਜ਼ਮਾਂ ਦਾ ਟੀ ਡੀ ਐਸ ਅਤੇ ਪੀ ਐਫ ਦਾ ਪੈਸਾ ਉਡੀਕ ਕੇ ਥੱਕੇ
ਬੰਗਾਲ ਤੇ ਕੇਰਲ ਤੋਂ ਅਲ ਕਾਇਦਾ ਦੇ ਨੌਂ ਅੱਤਵਾਦੀ ਗ੍ਰਿਫਤਾਰ
ਡਾਕਟਰਾਂ ਤੇ ਸਿਹਤ ਕਾਮਿਆਂ ਉੱਤੇ ਹਮਲਾ ਕਰਨ ਵਾਲੇ ਲੋਕਾਂ ਨੂੰ ਸਖਤ ਸਜ਼ਾ ਹੋਏਗੀ
ਸੁਖਬੀਰ ਬਾਦਲ ਨੇ ਕਿਹਾ ਖੇਤੀ ਬਿੱਲ ਰੱਦ ਹੋਣ ਤੱਕ ਕੇਂਦਰ ਨਾਲ ਕੋਈ ਗੱਲ ਹੀ ਨਹੀਂ ਕਰਨੀ