ਕਾਠਮੰਡੂ, 9 ਅਗਸਤ (ਪੋਸਟ ਬਿਊਰੋ)- ਨੇਪਾਲ ਦੇ ਪ੍ਰਧਾਨ ਮੰਤਰੀ ਕੇਪੀ ਸ਼ਰਮਾ ਓਲੀ ਨੇ ਆਪਣੇ ਦੇਸ਼ ਵਿਚ ਭਗਵਾਨ ਰਾਮ ਦਾ ਮੰਦਰ ਬਣਾਉਣ ਦੀ ਗੱਲ ਕਹੀ ਹੈ। ਉਨ੍ਹਾਂ ਇਸ ਤੋ ਪਹਿਲਾਂ ਭਗਵਾਨ ਰਾਮ ਦਾ ਜਨਮਅਸਥਾਨ ਨੇਪਾਲ ਵਿਚ ਹੋਣ ਦਾ ਦਾਅਵਾ ਕੀਤਾ ਸੀ। ਪਿਛਲੇ ਮਹੀਨੇ ਓਲੀ ਨੇ ਨੇਪਾਲ ਦੇ ਠੋਰੀ ਕੋਲ ਰਹੇ ਅਯੋਧਿਆਪੁਰੀ ਵਿਚ ਭਗਵਾਨ ਰਾਮ ਦਾ ਜਨਅਸਥਾਨ ਹੋਣ ਦਾ ਦਾਅਵਾ ਕੀਤਾ ਸੀ। ਉਨ੍ਹਾਂ ਕਿਹਾ ਸੀ ਕਿ ਭਾਰਤ ਗਲਤ ਤੱਥ ਪੇਸ਼ ਕਰਕੇ ਉਤਰ ਪ੍ਰਦੇਸ਼ ਦੇ ਅਯੋਧਿਆ ਨੂੰ ਭਗਵਾਨ ਰਾਮ ਦਾ ਜਨਮਅਸਥਾਨ ਦੱਸ ਰਿਹਾ ਹੈ। ਜਿਸ ਕਰਕੇ ਉਨ੍ਹਾਂ ਦਾ ਇਸ ਬਿਆਨ ਲਈ ਵਿਰੋਧ ਵੀ ਹੋਇਆ ਸੀ। ਇਸ ਦੇ ਬਾਵਜੂਦ ਪ੍ਰਧਾਨ ਮੰਤਰੀ ਓਲੀ ਆਪਣੇ ਬਿਆਨ ਉਤੇ ਅੜੇ ਰਹੇ ਤੇ ਹੁਣ ਨੇਪਾਲ ਵਿਚ ਸਥਿਤ ਉਸ ਸਥਾਨ ਉਤੇ ਰਾਮ ਮੰਦਰ ਬਣਾਉਣ ਦੀ ਤਿਆਰੀ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।