ਬੇਰੂਤ, 9 ਅਗਸਤ (ਪੋਸਟ ਬਿਊਰੋ)- ਲਿਬਨਾਨ ਦੀ ਰਾਜਧਾਨੀ ਬੇਰੂਤ ਵਿਚ ਹੋਏ ਧਮਾਕੇ ਤੋ ਬਾਅਦ ਵਿਰੋਧ ਪ੍ਰਦਰਸ਼ਨਾਂ ਦਾ ਦੌਰ ਜਾਰੀ ਹੈ। ਬੇਰੂਤ ਵਿਚ ਸ਼ਨੀਵਾਰ ਨੂੰ ਪ੍ਰਦਰਸ਼ਨਕਾਰੀਆਂ ਨੇ ਲਿਬਨਾਨੀ ਮੰਤਰਾਲਿਆਂ ਦੀਆਂ ਇਮਾਰਤਾਂ ਉਤੇ ਧਾਵਾ ਬੋਲ ਦਿੱਤਾ, ਫੋਟੋਆਂ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਵਿੱਤ ਮੰਤਰਾਲੇ ਦੀਆਂ ਖਿੜਕੀਆਂ ਤੋ ਦਸਤਾਵੇਜ ਬਾਹਰ ਸੁੱਟੇ ਜਾ ਰਹੇ ਹਨ, ਜਦਕਿ ਬਿਲਡਿੰਗ ਦੇ ਥੱਲੇ ਪ੍ਰਦਰਸ਼ਨਕਾਰੀ ਵਿਰੋਧ ਪ੍ਰਦਰਸ਼ਨ ਕਰ ਰਹੇ ਹਨ। ਇਸ ਦੌਰਾਨ ਜਦੋਂ ਪ੍ਰਦਰਸ਼ਨਕਾਰੀ ਬੈਰੀਅਰ ਤੋੜ ਕੇ ਸੰਸਦ ਵੱਲ ਵਧਣ ਲੱਗੇ ਤਾਂ ਪ੍ਰਦਰਸ਼ਨਕਾਰੀਆਂ ਦੀ ਪੁਲਣ ਨਾਲ ਝੜਪ ਹੋ ਗਈ।