ਨਸ਼ਿਆਂ ਦੇ ਚਾਰਜਿਜ਼ ਵਿੱਚ ਚੀਨ ਨੇ ਇੱਕ ਹੋਰ
ਕੈਨੇਡੀਅਨ ਨੂੰ ਸੁਣਾਈ ਮੌਤ ਦੀ ਸਜ਼ਾ
ਬੀਜਿੰਗ, 6 ਅਗਸਤ (ਪੋਸਟ ਬਿਊਰੋ) : ਚੀਨ ਵੱਲੋਂ ਕੈਨੇਡਾ ਦੇ ਤੀਜੇ ਨਾਗਰਿਕ ਨੂੰ ਵੀ ਨਸ਼ਿਆਂ ਸਬੰਧੀ ਚਾਰਜਿਜ਼ ਤਹਿਤ ਮੌਤ ਦੀ ਸਜਲਾ ਸੁਣਾਈ ਗਈ ਹੈ| ਚੀਨ ਤੇ ਕੈਨੇਡਾ ਦੇ ਸਬੰਧ ਲੰਮੇਂ ਸਮੇਂ ਤੋਂ ਚੰਗੇ ਨਹੀਂ ਚੱਲ ਰਹੇ ਹਨ|
ਗੁਆਂਗਜ਼ੋਊ ਮਿਊਂਸਪਲ ਇੰਟਰਮੀਡੀਏਟ ਕੋਰਟ ਵੱਲੋਂ ਜ਼ੂ ਵੇਹੌਂਗ ਨੂੰ ਵੀਰਵਾਰ ਨੂੰ ਪੈਨਲਟੀ ਲਗਾਈ ਤੇ ਇਹ ਵੀ ਆਖਿਆ ਕਿ ਉਸ ਦੇ ਕਥਿਤ ਸਾਥੀ ਵੈਨ ਗੁਆਂਗਜ਼ਿਓਂਗ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ| ਇੱਥੇ ਦੱਸਣਾ ਬਣਦਾ ਹੈ ਕਿ ਚੀਨ ਵਿੱਚ ਜੇ ਕਿਸੇ ਨੂੰ ਮੌਤ ਦੀ ਸਜ਼ਾ ਸੁਣਾਈ ਜਾਂਦੀ ਹੈ ਤਾਂ ਉਹ ਆਟੋਮੈਟਿਕਲੀ ਮੁਲਾਂਕਣ ਲਈ ਚੀਨ ਦੀ ਉੱਚ ਅਦਾਲਤ ਵਿੱਚ ਚਲੀ ਜਾਂਦੀ ਹੈ|
ਅਦਾਲਤ ਵੱਲੋਂ ਜਾਰੀ ਬਿਆਨ ਵਿੱਚ ਤਾਂ ਬਹੁਤਾ ਵੇਰਵਾ ਨਹੀਂ ਸੀ ਦਿੱਤਾ ਗਿਆ ਪਰ ਚੀਨ ਦੇ ਦੱਖਣੀ ਸ਼ਹਿਰ ਦੇ ਲੋਕਲ ਮੀਡੀਆ ਦੀਆਂ ਰਿਪੋਰਟਾਂ ਵਿੱਚ ਇਹ ਖੁਲਾਸਾ ਕੀਤਾ ਗਿਆ ਕਿ ਜ਼ੂ ਤੇ ਵੈਨ ਨੇ ਸਮਾਨ ਤੇ ਸੰਦ ਇੱਕਠੇ ਕੀਤੇ ਤੇ ਅਕਤੂਬਰ 2016 ਵਿੱਚ ਉਨ੍ਹਾਂ ਨਸ਼ੀਲਾ ਪਦਾਰਥ ਕੈਟਾਮਾਈਨ ਬਣਾਉਣਾ ਸ਼ੁਰੂ ਕਰ ਦਿੱਤਾ| ਫਿਰ ਉਨ੍ਹਾਂ ਨੇ ਤਿਆਰ ਮਾਲ ਜੂæ ਦੇ ਘਰ ਗੁਆਂਗਜੋæਊ ਹਾਇਜੂ ਡਿਸਟ੍ਰਿਕਟ ਵਿੱਚ ਸਟੋਰ ਕਰ ਦਿੱਤਾ|
ਬਾਅਦ ਵਿਚ ਪੁਲਿਸ ਨੇ 120 ਕਿੱਲੋ ਨਸ਼ੀਲਾ ਪਦਾਰਥ ਜੂæ ਦੇ ਘਰ ਤੇ ਇੱਕ ਹੋਰ ਪਤੇ ਤੋਂ ਬਰਾਮਦ ਕੀਤਾ| ਕੈਟਾਮਾਈਨ ਬਹੁਤ ਹੀ ਦਮਦਾਰ ਪੇਨ ਕਿਲਰ ਹੈ| ਚੀਨ ਤੇ ਹੋਰਨਾਂ ਥਾਂਵਾਂ ਉੱਤੇ ਇਸ ਦੀ ਕਲੱਬ ਜਾਣ ਵਾਲਿਆਂ ਤੇ ਹੋਰਨਾਂ ਲੋਕਾਂ ਵਿੱਚ ਬਹੁਤ ਮਕਬੂਲੀਅਤ ਹੈ|