ਨੌਰਵੇ ਦੇ ਕਰੂਜ਼ ਸ਼ਿਪ ਵਿੱਚ ਕਰੋਨਾਵਾਇਰਸ ਤੋਂ ਪ੍ਰਭਾਵਿਤ ਯਾਤਰੀਆਂ ਦੀ ਗਿਣਤੀ 43 ਤੱਕ ਅੱਪੜੀ
ਕੋਪਨਹੈਗਨ, 4 ਅਗਸਤ (ਪੋਸਟ ਬਿਊਰੋ) : ਨੌਰਵੇਜੀਅਨ ਕਰੂਜ਼ ਸ਼ਿਪ ਉੱਤੇ ਕਰੋਨਾਵਾਇਰਸ ਪਾਜ਼ੀਟਿਵ ਪਾਏ ਗਏ ਯਾਤਰੀਆਂ ਦੀ ਗਿਣਤੀ 43 ਤੱਕ ਪਹੁੰਚ ਗਈ ਹੈ| ਇਹ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ|
ਐਮਐਸ ਰੋਲਡ ਐਮਡਸਨ ਉੱਤੇ ਹੋਈ ਇਸ ਆਊਟਬ੍ਰੇਕ ਨੇ ਉਸ ਸਮੇਂ ਨਵੇਂ ਸਵਾਲ ਖੜ੍ਹੇ ਕਰ ਦਿੱਤੇ ਹਨ ਜਦੋਂ ਇੰਡਸਟਰੀ ਮਾਰਚ ਵਿੱਚ ਕਰੂਜ਼ ਸ਼ਿਪਜ਼ ਬੰਦ ਹੋਣ ਤੋਂ ਬਾਅਦ ਹੁਣ ਇਨ੍ਹਾਂ ਨੂੰ ਮੁੜ ਸ਼ੁਰੂ ਕਰਨ ਲਈ ਦਬਾਅ ਪਾ ਰਹੀ ਹੈ| ਕੱਲ੍ਹ ਸ਼ਿਪ ਦੇ ਮਾਲਕ ਨੇ ਸਾਰੇ ਟਰਿੱਪ ਰੋਕ ਦਿੱਤੇ ਤੇ ਨੌਰਵੇਅ ਨੇ ਦੋ ਹਫਤੇ ਲਈ ਆਪਣੀਆਂ ਬੰਦਰਗਾਹਾਂ ਕਰੂਜ਼ ਸ਼ਿਪਜ਼ ਲਈ ਬੰਦ ਕਰ ਦਿੱਤੀਆਂ|
ਟਰੌਨਧੇਮ ਸਿਟੀ ਵਿੱਚ ਦੋ ਨਵੇਂ ਮਾਮਲੇ ਰਿਕਾਰਡ ਕੀਤੇ ਗਏ| ਇੱਕ 70 ਸਾਲਾ ਵਿਅਕਤੀ ਵਿੱਚ ਕੋਵਿਡ-19 ਦੇ ਮੱਠੇ ਲੱਛਣ ਪਾਏ ਗਏ ਤੇ ਇੱਕ ਦਸ ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਵਿੱਚ ਕੋਈ ਲੱਛਣ ਨਹੀਂ ਮਿਲੇ| ਇਹ ਵੀ ਦੱਸਿਆ ਗਿਆ ਕਿ ਇਹ ਦੋਵੇਂ ਸ਼ਿੱਪ ਉੱਤੇ ਯਾਤਰੀ ਸਨ| ਉਨ੍ਹਾਂ ਦੀ ਪਛਾਣ ਜਾਹਰ ਨਹੀਂ ਕੀਤੀ ਗਈ ਹੈ|
ਇੱਕ ਤੀਜੇ ਯਾਤਰੀ ਦਾ ਟੈਸਟ ਵੀ ਪਾਜ਼ੀਟਿਵ ਆਇਆ| ਟਰੌਨਧੇਮ, ਆਰਕਟਿਕ ਸਰਕਲ ਦੇ ਮੱਧ ਵਿੱਚ ਟਰੌਮਸੋਅ ਦੇ ਅੱਧ ਵਿੱਚ ਹੈ, ਜਿੱਥੇ ਖਾਲੀ ਬੇੜਾ ਇਸ ਸਮੇਂ ਖੜ੍ਹਾਇਆ ਗਿਆ ਹੈ| ਪਰ ਇਹ ਕਰੂਜ਼ ਲਾਈਨ ਅਕਸਰ ਲੋਕਲ ਫੇਰੀਜ਼ ਵਾਂਗ ਕੰਮ ਕਰਦੀ ਹੈ ਤੇ ਇੱਕ ਬੰਦਰਗਾਹ ਤੋਂ ਦੂਜੀ ਬੰਦਰਗਾਹ ਉੱਤੇ ਰੁਕਦੀ ਰਹਿੰਦੀ ਹੈ ਤੇ ਕੁੱਝ ਯਾਤਰੀ ਇੱਕ ਥਾਂ ਤੇ ਦੂਜੇ ਦੂਜੀ ਥਾਂ ਉੱਤੇ ਉਤਰੇ ਹੋ ਸਕਦੇ ਹਨ ਤੇ ਜਿਸ ਕਾਰਨ ਲੋਕਲ ਕਮਿਊਨਿਟੀਜ਼ ਵਿੱਚ ਇਹ ਵਾਇਰਸ ਫੈਲਿਆ ਹੋ ਸਕਦਾ ਹੈ|
ਨੌਰਵੇਜੀਅਨ ਨਿਊਜ਼ ਏਜੰਸੀ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਨੌਰਵੇਅ ਦੀਆਂ ਕੁੱਲ 69 ਮਿਊਂਸਪੈਲਿਟੀਜ਼ ਇਸ ਕਾਰਨ ਪ੍ਰਭਾਵਿਤ ਹੋਈਆਂ ਹੋ ਸਕਦੀਆਂ ਹਨ| ਕਰੋਨਾਵਾਇਰਸ ਪਾਜ਼ੀਟਿਵ 41 ਯਾਤਰੀ ਟਰੌਮਸੋਅ ਦੇ ਹਸਪਤਾਲ ਵਿੱਚ ਹੀ ਭਰਤੀ ਕੀਤੇ ਗਏ ਹਨ|