ਰੇਤਾ ਉੱਤੇ ਐਸਓਐਸ ਲਿਖ ਕੇ 3 ਵਿਅਕਤੀਆਂ
ਨੇ ਬਣਾਈ ਆਪਣੀ ਜਾਨ
ਵੈਲਿੰਗਟਨ, ਨਿਊਜ਼ੀਲੈਂਡ, 4 ਅਗਸਤ (ਪੋਸਟ ਬਿਊਰੋ) : ਪੈਸੇਫਿਕ ਆਈਲੈਂਡ Aੁੱਤੇ ਫਸੇ ਤਿੰਨ ਵਿਅਕਤੀਆਂ ਨੇ ਜ਼ਮੀਨ ਉੱਤੇ ਐਸਓਐਸ ਲਿਖ ਕੇ ਆਪਣੀ ਜਾਨ ਬਚਾਈ| ਉਨ੍ਹਾਂ ਰੇਤਾ ਉੱਤੇ ਵੱਡੇ ਵੱਡੇ ਅੱਖਰਾਂ ਵਿੱਚ ਐਸਓਐਸ ਲਿਖਿਆ ਤਾਂ ਕਿ ਉਸ ਨੂੰ ਉੱਪਰੋਂ ਪੜ੍ਹਿਆ ਜਾ ਸਕੇ| ਇਹ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ|
ਕਲ੍ਹ ਆਸਟਰੇਲੀਅਨ ਰੱਖਿਆ ਮੰਤਰਾਲੇ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਹ ਤਿੰਨੇ ਵਿਅਕਤੀ ਮਾਈਕ੍ਰੋਨੇਸ਼ੀਆ ਟਾਪੂ ਉੱਤੇ ਪਿਛਲੇ ਤਿੰਨ ਦਿਨ ਤੋਂ ਫਸ ਗਏ ਸਨ ਤੇ ਉਨ੍ਹਾਂ ਵੱਲੋਂ ਸੂਝਬੂਝ ਨਾਲ ਇਸ ਤਰ੍ਹਾਂ ਮੰਗੀ ਗਈ ਮਦਦ ਤੋਂ ਬਾਅਦ ਖੋਜਾਰਥੀ ਆਸਟਰਲੀਆਈ ਤੇ ਅਮਰੀਕੀ ਜਹਾਜ਼ ਉਨ੍ਹਾਂ ਤੱਕ ਪਹੁੰਚ ਸਕੇ|
ਇਹ ਤਿੰਨੇ ਵਿਅਕਤੀ 30 ਜੁਲਾਈ ਨੂੰ ਆਪਣੀ 7 ਮੀਟਰ ਦੀ ਲੰਮੀਂ ਬੋਟ ਵਿੱਚ ਪੁਲਾਵਤ ਤੋਂ ਰਵਾਨਾ ਹੋਏ ਸਨ| ਉਨ੍ਹਾਂ ਨੇ 43 ਕਿਲੋਮੀਟਰ ਦਾ ਰਸਤਾ ਤੈਅ ਕਰਨ ਦਾ ਫੈਸਲਾ ਕੀਤਾ ਸੀ ਪਰ ਸਫਰ ਦੇ ਵਿਚਕਾਰ ਹੀ ਉਨ੍ਹਾਂ ਦਾ ਫਿਊਲ ਖ਼ਤਮ ਹੋ ਗਿਆ| ਗੁਆਮ ਦੇ ਖੋਜਾਰਥੀਆਂ ਵੱਲੋਂ ਆਸਟਰੇਲੀਆ ਤੋਂ ਮਦਦ ਦੀ ਮੰਗ ਕੀਤੀ ਗਈ| ਫੌਜੀ ਬੇੜਾ, ਕੈਨਬਰਾ, ਜੋ ਕਿ ਹਵਾਈ ਵਿੱਚ ਮਸ਼ਕਾਂ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਆਸਟਰੇਲੀਆ ਪਰਤ ਰਿਹਾ ਸੀ, ਨੂੰ ਇਸ ਇਲਾਕੇ ਵਿੱਚ ਭੇਜਿਆ ਗਿਆ ਤੇ ਉੱਥੇ ਉਸ ਨੇ ਗੁਆਮ ਤੋਂ ਅਮਰੀਕੀ ਖੋਜਾਰਥੀਆਂ ਦੀ ਮਦਦ ਸੁæਰੂ ਕੀਤੀ|
ਜਿੱਥੋਂ ਇਹ ਵਿਅਕਤੀ ਤੁਰੇ ਸਨ ਉਸ ਨਾਲੋਂ 190 ਕਿਲੋਮੀਟਰ ਦੀ ਦੂਰੀ ਉੱਤੇ ਇਹ ਮਿਲੇ| ਕੈਨਬਰਾ ਦੇ ਕਮਾਂਡਿੰਗ ਅਫਸਰ ਕੈਪਟਨ ਟੈਰੀ ਮੌਰੀਸਨ ਨੇ ਇੱਕ ਬਿਆਨ ਜਾਰੀ ਕਰਕੇ ਆਖਿਆ ਕਿ ਇਸ ਮਿਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਸਾਰੇ ਵਿਅਕਤੀਆਂ ਦੇ ਉਹ ਧੰਨਵਾਦੀ ਹਨ| ਤਿੰਨਾਂ ਵਿਅਕਤੀਆਂ ਦੀ ਸਿਹਤ ਬਿਲਕੁਲ ਠੀਕ-ਠਾਕ ਸੀ ਤੇ ਆਸਟਰੇਲੀਅਨ ਫੌਜ ਦਾ ਹੈਲੀਕਾਪਟਰ ਅਸਾਨੀ ਨਾਲ ਬੀਚ Aੁੱਤੇ ਲੈਂਡ ਕਰ ਗਿਆ ਤੇ ਇਨ੍ਹਾਂ ਤਿੰਨਾਂ ਵਿਅਕਤੀਆਂ ਨੂੰ ਖਾਣਾ ਤੇ ਪਾਣੀ ਮੁਹੱਈਆ ਕਰਵਾਇਆ ਗਿਆ|