ਤੇਲ ਅਵੀਵ, 3 ਅਗਸਤ (ਪੋਸਟ ਬਿਊਰੋ)- ਇਸਰਾਈਲ ਦੇ ਪ੍ਰਧਾਨ ਮੰਤਰੀ ਬੇਂਜਾਮਿਨ ਨੇਤਾਨਯਾਹੂ ਆਪਣੇ ਸ਼ਾਸਨ ਦੇ ਖ਼ਿਲਾਫ ਤੇਜ਼ ਹੁੰਦੇ ਪ੍ਰਦਰਸ਼ਨਾਂ ਨੂੰ ਲੈ ਕੇ ਕੱਲ੍ਹ ਮੀਡੀਆ 'ਤੇ ਭੜਕ ਪਏ।
ਨੇਤਾਨਯਾਹੂ ਨੇ ਦੋਸ਼ ਲਾਇਆ ਕਿ ਬਣੀ ਬਣਾਈ ਧਾਰਨ ਦੇ ਕਾਰਨ ਮੀਡੀਆ ਤੱਥਾਂ ਨੂੰ ਤੋੜ-ਮਰੋੜ ਰਿਹਾ ਹੈ ਅਤੇ ਪ੍ਰਦਰਸ਼ਨਕਾਰੀਆਂ ਨੂੰ ਹੱਲਾਸ਼ੇਰੀ ਦੇ ਰਿਹਾ ਹੈ। ਨੇਤਾਨਯਾਹੂ ਦੇ ਖ਼ਿਲਾਫ਼ ਬੀਤੇ ਦਿਨਾਂ ਵਿੱਚ ਪ੍ਰਦਸ਼ਨ ਵੱਧ ਗਏ ਹਨ ਅਤੇ ਲੋਕ ਲੰਬੇ ਸਮੇਂ ਤੋਂ ਸ਼ਾਸਨ ਕਰ ਰਹੇ ਅਤੇ ਕਈ ਦੋਸ਼ਾਂ ਵਿੱਚ ਕੇਸ ਭੁਗਤ ਰਹੇ ਪ੍ਰਧਾਨ ਮੰਤਰੀ ਦੇ ਇਸਤੇਫੇ ਦੀ ਮੰਗ ਕਰ ਰਹੇ ਹਨ। ਕੋਰੋਨਾ ਵਾਇਰਸ ਸੰਕਟ ਨਾਲ ਨਿਪਟਣ ਬਾਰੇ ਵੀ ਉਨ੍ਹਾਂ ਦੀ ਆਲੋਚਨਾ ਹੁੰਦੀ ਹੈ। ਨੇਤਾਨਯਾਹੂ ਨੇ ਪ੍ਰਦਰਸ਼ਨ ਕਰਦੇ ਲੋਕਾਂ ਨੂੰ ‘ਅਰਾਜਕਤਾਵਾਦੀ' ਅਤੇ ‘ਖੱਬੇ ਪੱਖੀ’ ਵਿਚਾਰਧਾਰਾ ਵਾਲੇ ਲੋਕ ਕਿਹਾ ਦਿੱਤਾ ਹੈ ਜੋ ‘ਇੱਕ ਮਜ਼ਬੂਤ ਸੱਜੇ ਪੱਖੀ ਸਕਰਾਰ ਨੂੰ ਡੇਗਣਾ ਚਾਹੁੰਦੇ ਹਨ।’ ਇਹ ਪ੍ਰਦਰਸ਼ਨ ਆਮ ਤੌਰ 'ਤੇ ਸ਼ਾਂਤੀਪੂਰਨ ਹਨ, ਪਰ ਕੁਝ ਥਾਂਈਂ ਲੋਕਾਂ ਅਤੇ ਪੁਲਸ ਵਿਚਾਲੇ ਝੜਪਾਂ ਦੀ ਸੂਚਨਾ ਹੈ। ਉਹੀ ਕੁਝ ਥਾਵਾਂ ਤੋਂ ਸੂਚਨਾ ਹੈ ਕਿ ਨੇਤਾਨਯਾਹੂ ਸਮਰਥਨਕਾਂ ਦੇ ਛੋਟੇ ਗਰੁੱਪਾਂ ਅਤੇ ਘੋਰ ਸੱਜੇ ਪੱਖੀ ਗਰੁੱਪਾਂ ਦੇ ਜੁੜੇ ਲੋਕਾਂ ਨੇ ਪ੍ਰਦਰਸ਼ਨਕਾਰੀਆਂ ਦੇ ਨਾਲ ਕੁੱਟਮਾਰ ਕੀਤੀ ਹੈ।