ਫੈਡਰਲ ਸਰਕਾਰ ਨੇ ਕੁੱਝ ਪਾਸਪੋਰਟ
ਸੇਵਾਵਾਂ ਕੀਤੀਆਂ ਸ਼ੁਰੂ
ਓਟਵਾ, 31 ਜੁਲਾਈ (ਪੋਸਟ ਬਿਊਰੋ) : ਕੈਨੇਡਾ ਸਰਕਾਰ ਵੱਲੋਂ ਹੌਲੀ ਹੌਲੀ ਦੇਸ਼ ਵਿੱਚ ਕੁੱਝ ਪਾਸਪੋਰਟ ਸੇਵਾਵਾਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ|
ਅੱਜ ਤੋਂ ਸ਼ੁਰੂ ਕਰਕੇ, ਕੈਨੇਡੀਅਨ ਡਾਕ ਰਾਹੀਂ ਪਾਸਪੋਰਟ ਲਈ ਅਪਲਾਈ ਕਰ ਸਕਣਗੇ| ਜੇ ਕੈਨੇਡੀਅਨਾਂ ਨੂੰ ਪਾਸਪੋਰਟ ਦੀ ਫੌਰੀ ਲੋੜ ਹੈ ਜਾਂ ਫਿਰ ਉਨ੍ਹਾਂ ਨੂੰ ਟਰੈਵਲ ਦੇ ਸਬੂਤ ਸਮੇਤ 30 ਦਿਨਾਂ ਤੋਂ ਵੀ ਘੱਟ ਸਮੇਂ ਸਫਰ ਕਰਨਾ ਪੈ ਰਿਹਾ ਹੈ ਤਾਂ ਉਹ ਨਿਜੀ ਅਪੁਆਇੰਟਮੈਂਟ ਲਈ ਬੇਨਤੀ ਕਰ ਸਕਦੇ ਹਨ| ਵਧੇਰੇ ਜਾਣਕਾਰੀ ਲਈ ਬਿਨੈਕਾਰ Canada.ca/passport ਉੱਤੇ ਵਿਜ਼ਿਟ ਕਰ ਸਕਦੇ ਹਨ ਤੇ ਇਹ ਵੀ ਪਤਾ ਲਾ ਸਕਦੇ ਹਨ ਕਿ ਉਨ੍ਹਾਂ ਨੇ ਅਪਲਾਈ ਕਿਵੇਂ ਕਰਨਾ ਹੈ|
ਜੇ ਕੈਨੇਡੀਅਨਾਂ ਦੇ ਕੋਈ ਟਰੈਵਲ ਪਲੈਨ ਨਹੀਂ ਹਨ, ਤਾਂ ਅਸੀਂ ਇਹੋ ਸਲਾਹ ਦੇਵਾਂਗੇ ਕਿ ਉਹ ਪਾਸਪੋਰਟ ਅਪਲਾਈ ਕਰਨ ਤੋਂ ਪਹਿਲਾਂ ਕੁੱਝ ਦੇਰ ਉਡੀਕ ਕਰ ਲੈਣ| ਵਧੇਰੇ ਮੰਗ ਕਾਰਨ ਪ੍ਰੋਸੈਸਿੰਗ ਦਾ ਸਮਾਂ ਨੌਰਮਲ ਹਾਲਾਤ ਨਾਲੋਂ ਕਿਤੇ ਜ਼ਿਆਦਾ ਲੰਮਾਂ ਹੋ ਸਕਦਾ ਹੈ| ਅਜਿਹਾ ਇੰਪਲਾਈਜ਼ ਤੇ ਕੈਨੇਡੀਅਨਾਂ ਦੀ ਸੇਫਟੀ ਲਈ ਜ਼ਰੂਰੀ ਵੀ ਹੈ|
ਜਿਹੜੇ ਬਿਨੈਕਾਰ ਆਪਣਾ ਪਾਸਪੋਰਟ ਰਿਨਿਊ ਕਰਵਾਉਣ ਨੂੰ ਲੈ ਕੇ ਪਰੇਸ਼ਾਨ ਹਨ ਤਾਂ ਉਹ ਦੋ ਸਾਲਾਂ ਤੱਕ ਅਜਿਹਾ ਕਰਵਾ ਸਕਦੇ ਹਨ| ਪਾਸਪੋਰਟ ਦੀ ਮਿਆਦ ਮੁੱਕਣ ਤੋਂ ਦੋ ਸਾਲ ਬਾਅਦ ਉਹ ਆਪਣਾ ਪਾਸਪੋਰਟ ਰਨਿਊ ਕਰਵਾ ਸਕਦੇ ਹਨ ਜਦਕਿ ਪਹਿਲਾਂ ਅਜਿਹਾ ਕਰਨ ਲਈ ਇੱਕ ਘੰਟੇ ਦਾ ਸਮਾਂ ਲੱਗਦਾ ਸੀ| ਇਸ ਤੋਂ ਮਤਲਬ ਇਹ ਹੈ ਕਿ ਜੇ ਉਨ੍ਹਾਂ ਨੇ ਕਿਤੇ ਜਲਦ ਟਰੈਵਲ ਨਹੀਂ ਕਰਨਾ ਤਾਂ ਉਨ੍ਹਾਂ ਕੋਲ ਆਪਣਾ ਪਾਸਪੋਰਟ ਰਨਿਊ ਕਰਵਾਉਣ ਲਈ ਵਧੇਰੇ ਸਮਾਂ ਹੋਵੇਗਾ|