ਫਿਲਮ ਦੇ ਸੈਟ 'ਤੇ ਬਹੁਤ ਸਾਰਾ ਕੰਮ ਅਤੇ ਤਣਾਅ ਹੁੰਦਾ ਹੈ। ਅਜਿਹੇ ਵਿੱਚ ਮਾਹੌਲ ਨੂੰ ਖੁਸ਼ਨੁਮਾ ਬਣਾਈ ਰੱਖਣ ਲਈ ਕਈ ਸਿਤਾਰੇ ਹਾਸੇ ਮਜਾਕ ਦੇ ਨਾਲ ਆਪਣੇ ਕੋ-ਸਟਾਰ ਤੇ ਕਰੂਅ ਮੈਂਬਰਾਂ ਦੇ ਨਾਲ ਪ੍ਰੈਂਕਸ ਵੀ ਖੇਡਦੇ ਹਨ। ਅਕਸ਼ੈ ਕੁਮਾਰ ਤੇ ਅਜੈ ਦੇਵਗਨ ਬਾਲੀਵੁੱਡ ਦੇ ਵੱਡੇ ਪ੍ਰੈਂਕਸਟਰ ਕਹੇ ਜਾਂਦੇ ਹਨ। ਵਿਦਿਆ ਬਾਲਨ ਵੀ ਕਿਸੇ ਪ੍ਰੈਂਕਸਟਰ ਤੋਂ ਘੱਟ ਨਹੀਂ। ਫਿਲਮ ‘ਸ਼ਕੁੰਤਲਾ ਦੇਵੀ’ ਦੇ ਸੈੱਟ 'ਤੇ ਅਭਿਨੇਤਾ ਜੀਸ਼ੂ ਸੇਨਗੁਪਤਾ ਤੇ ਵਿਦਿਆ ਬਾਲਨ ਖੂਬ ਮਸਤੀ ਕਰਦੇ ਸਨ।
ਸੈਟ ਨਾਲ ਜੁੜੇ ਸੂਤਰਾਂ ਮੁਤਾਬਕ ਕਿਸੇ ਵੀ ਪ੍ਰੈਂਕ ਜਾਂ ਮਜ਼ਾਕ ਦੇ ਪਿੱਛੇ ਦੀ ਮਾਸਟਰ ਮਾਈਂਡ ਵਿਦਿਆ ਹੁੰਦੀ ਸੀ। ਕਈ ਵਾਰ ਉਹ ਕਰੂਅ ਮੈਂਬਰਾਂ ਦੇ ਜੈਕੇਟਸ ਉੱਤੇ ਚਾਕ ਨਾਲ ਕੁਝ ਲਿਖ ਦਿੰਦੀ ਸੀ। ਲੋਕਾਂ ਦੇ ਨਾਂਅ ਅਜੀਬ ਆਵਾਜ਼ ਵਿੱਚ ਬੁਲਾਉਂਦੀ ਸੀ ਅਤੇ ਜਦ ਵਿਅਕਤੀ ਲੱਭਣ ਲੱਗਦਾ ਕਿ ਉਸ ਨੂੰ ਕਿਸ ਨੇ ਆਵਾਜ਼ ਦਿੱਤੀ ਹੈ ਤਾਂ ਉਹ ਹੱਸਣ ਲੱਗਦੀ ਸੀ।
ਸੈੱਟ 'ਤੇ ਸ਼ਾਇਦ ਹੀ ਕੋਈ ਬਚਿਆ ਹੋਵੇ, ਜਿਸ ਦਾ ਮੋਬਾਈਲ ਫੋਨ ਵਿਦਿਆ ਨੇ ਨਾ ਛੁਪਾਇਆ ਹੋਵੇ। ਉਨ੍ਹਾਂ ਦੀ ਇਸ ਸ਼ਰਾਰਤ ਦਾ ਕਦੇ ਕਿਸੇ ਨੇ ਬੁਰਾ ਨਹੀਂ ਮੰਨਿਆ। ਹਿਊਮਨ ਕੰਪਿਊਟਰ ਕਹੀ ਜਾਣ ਵਾਲੀ ਮੈਥ ਦੀ ਮਾਹਰ ਸ਼ਕੁੰਤਲਾ ਦੇਵੀ ਦੀ ਬਾਇਓਪਿਕ ਵਿੱਚ ਵਿਦਿਆ ਮੇਨ ਲੀਡ ਵਿੱਚ ਹੈ। ਬੰਗਲਾ ਫਿਲਮਾਂ ਦੇ ਅਭਿਨੇਤਾ ਜੀਸ਼ੂ ਸੇਨਗੁਪਤਾ ਉਸ ਦੇ ਪਤੀ ਦੇ ਕਿਰਦਾਰ ਵਿੱਚ ਹੋਣਗੇ। ਅਨੂ ਮੇਨਨ ਦੇ ਨਿਰਦੇਸ਼ਨ ਵਾਲੀ ਇਹ ਫਿਲਮ ਅਮੇਜ਼ਨ ਪ੍ਰਾਈਮ ਵੀਡੀਓ 'ਤੇ 31 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ।