ਅਕਸ਼ੈ ਕੁਮਾਰ ਆਪਣੀ ਫਿਲਮ ‘ਬੈੱਲ ਬਾਟਮ’ ਦੀ ਸ਼ੂਟਿੰਗ ਲਈ ਅਗਲੇ ਮਹੀਨੇ ਪੂਰੀ ਟੀਮ ਨਾਲ ਲੰਡਨ ਜਾਣ ਦੀ ਤਿਆਰੀ ਵਿੱਚ ਹਨ। ਫਿਲਮ ਵਿੱਚ ਉਨ੍ਹਾਂ ਦੀ ਪਤਨੀ ਦੀ ਭੂਮਿਕਾ ਵਾਣੀ ਕਪੂਰ ਨਿਭਾ ਰਹੀ ਹੈ। ਇੱਕ ਨਵੀਂ ਜਾਣਕਾਰੀ ਪਤਾ ਲੱਗੀ ਹੈ ਕਿ ਫਿਲਮ ਵਿੱਚ ਲਾਰਾ ਦੱਤਾ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਭੂਮਿਕਾ ਵਿੱਚ ਹੋਵੇਗੀ। ਫਿਲਮੀ ਗਲਿਆਰਿਆਂ ਵਿੱਚ ਖਬਰਾਂ ਮੁਤਾਬਕ ਫਿਲਮ ਦੀ ਕਹਾਣੀ ਪਿਛਲੀ ਸਦੀ ਦੇ ਸੱਤਵੇਂ ਦਹਾਕੇ ਦੀ ਹੈ। ਫਿਲਮ ਵਿੱਚ ਅਕਸ਼ੈ ਸਪੈਸ਼ਲ ਏਜੰਟ ਦੀ ਭੂਮਿਕਾ ਨਿਭਾ ਰਹੇ ਹਨ। ਉਹ ਦੇਸ਼ ਦੇ ਖਿਲਾਫ ਹੁੰਦੀ ਵੱਡੀ ਸਾਜ਼ਿਸ਼ ਦਾ ਪਰਦਾ ਫਾਸ਼ ਕਰਦੇ ਹਨ।
ਫਿਲਮ ਵਿੱਚ ਵਾਣੀ ਕਪੂਰ ਉਨ੍ਹਾਂ ਦੀ ਪਤਨੀ ਦੀ ਭੂਮਿਕਾ ਵਿੱਚ ਤੇ ਲਾਰਾ ਦੱਤਾ ਇੰਦਰਾ ਗਾਂਧੀ ਦੀ ਭੂਮਿਕਾ ਵਿੱਚ ਹੋਵੇਗੀ। ਕਹਾਣੀ ਓਦੋਂ ਦੀ ਹੈ, ਜਦ ਉਹ ਪ੍ਰਧਾਨ ਮੰਤਰੀ ਸਨ। ਅਕਸ਼ੈ ਅਤੇ ਲਾਰਾ ਦੀ ਜੋੜੀ ਪੰਜ ਸਾਲ ਬਾਅਦ ਸਕਰੀਨ 'ਤੇ ਆਏਗੀ। ਆਖਰੀ ਵਾਰ ਦੋਵੇਂ ਫਿਲਮ ‘ਸਿੰਘ ਇਜ਼ ਬਲਿੰਗ’ ਵਿੱਚ ਇਕੱਠੇ ਆਏ ਸਨ। ‘ਬੈੱਲ ਬਾਟਮ’ ਵਿੱਚ ਤੀਸਰੀ ਅਭਿਨੇਤਰੀ ਹੁਮਾ ਕੁਰੈਸ਼ੀ ਹੋਵੇਗੀ। ਰਣਜੀਤ ਤਿਵਾੜੀ ਨਿਰਦੇਸ਼ਿਤ ਇਹ ਫਿਲਮ ਅਗਲੇ ਸਾਲ ਰਿਲੀਜ਼ ਹੋ ਸਕਦੀ ਹੈ।