ਏਅਰ ਟਰਾਂਜ਼ੈਟ ਨੇ ਰੱਦ ਕੀਤੀਆਂ ਆਪਣੀਆਂ
ਬਹੁਤੀਆਂ ਉਡਾਨਾਂ
ਮਾਂਟਰੀਅਲ, 30 ਜੁਲਾਈ (ਪੋਸਟ ਬਿਊਰੋ) : ਏਅਰ ਟਰਾਂਜ਼ੈਟ ਨੇ ਵੈਸਟਰਨ ਕੈਨੇਡਾ ਤੋਂ ਸਨ ਡੈਸਟੀਨੇਸ਼ਨਜ਼ ਅਤੇ ਅਮਰੀਕਾ ਲਈ ਇਨ੍ਹਾਂ ਸਿਆਲਾਂ ਵਾਸਤੇ ਆਪਣੀਆਂ ਸਾਰੀਆਂ ਫਲਾਈਟਜ਼ ਰੱਦ ਕਰ ਦਿੱਤੀਆਂ ਹਨ| ਇਨ੍ਹਾਂ ਸਬੰਧੀ ਏਅਰਲਾਈਨ ਵੱਲੋਂ ਆਪਣੇ ਕਸਟਮਰਜ਼ ਨੂੰ ਰੀਫੰਡ ਵੀ ਕੀਤਾ ਜਾਵੇਗਾ| ਇਹ ਸਭ ਕੋਵਿਡ-19 ਮਹਾਂਮਾਰੀ ਕਾਰਨ ਕੀਤਾ ਜਾ ਰਿਹਾ ਹੈ|
ਏਅਰਲਾਈਨ ਵੱਲੋਂ ਵਿਨੀਪੈਗ, ਕੈਲਗਰੀ, ਐਡਮੰਟਨ, ਵੈਨਕੂਵਰ ਤੇ ਵਿਕਟੋਰੀਆ ਤੋਂ ਦੱਖਣ ਵੱਲ ਜਾਣ ਵਾਲੀਆਂ ਸਾਰੀਆਂ ਉਡਾਨਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ ਤੇ ਇਸ ਬਾਰੇ ਆਪਣੇ ਗਾਹਕਾਂ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ| ਏਅਰਲਾਈਨ ਪਹਿਲੀ ਨਵੰਬਰ ਤੇ 30 ਅਪਰੈਲ ਦਰਮਿਆਨ ਵੈਨਕੂਵਰ ਤੋਂ ਟੋਰਾਂਟੋ ਤੇ ਮਾਂਟਰੀਅਲ ਦੇ ਨਾਲ ਨਾਲ ਵਾਇਆ ਟੋਰਾਂਟੋ ਕੁੱਝ ਯੂਰਪੀ ਦੇਸ਼ਾਂ ਨੂੰ ਜਾਣ ਵਾਲੀਆਂ ਫਲਾਈਟਸ ਨੂੰ ਜਾਰੀ ਰੱਖੇਗੀ|
ਟਰਾਂਜੈæਟ ਨੇ ਆਖਿਆ ਕਿ ਰੱਦ ਹੋਈਆਂ ਉਡਾਨਾਂ ਵਿੱਚ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ ਪੂਰਾ ਰਿਫੰਡ ਮਿਲੇਗਾ| ਇਹ ਪੇਮੈਂਟਸ ਆਟੋਮੈਟਿਕਲੀ ਹੋਣਗੀਆਂ|