Welcome to Canadian Punjabi Post
Follow us on

12

August 2020
ਅਪਰਾਧ

ਗੁਆਂਢਣ ਨੇ ਹੀ ਲੈ ਲਈ ਮਾਸੂਮ ਬੱਚੇ ਦੀ ਬਲੀ

July 15, 2020 01:43 AM

ਖਰੜ, 14 ਜੁਲਾਈ (ਪੋਸਟ ਬਿਊਰੋ)- ਘੜੂਆਂ ਪੁਲਸ ਚੌਂਕੀ ਦੇ ਪਿੰਡ ਸਕਰੁਲਾਪੁਰ ਵਿਚ ਇਕ ਔਰਤ ਨੇ ਆਪਣੀ ਕੁੱਖ ਭਰਨ ਲਈ ਗੁਆਂਢੀ ਦੇ ਬੱਚੇ ਦੀ ਬਲੀ ਦੇ ਦਿਤੀ ਹੈ, ਜਿਸ ਨਾਲ ਸਨਸਨੀ ਫੈਲ ਗਈ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਹਰਪ੍ਰੀਤ ਸਿੰਘ ਉਰਫ ਹੈਪੀ (7) ਦੀ ਲਾਸ਼ 10 ਜੁਲਾਈ ਨੂੰ ਝਾੜੀਆਂ ਵਿਚੋਂ ਮਿਲੀ ਸੀ। ਪਤਾ ਲੱਗਾ ਹੈ ਕਿ ਬੱਚੇ ਦੀ ਗੁਆਂਢਣ ਅਮਨਦੀਪ ਕੌਰ ਉਰਫ ਸ਼ਿਵਾਨੀ (20) ਦੀਆਂ ਵਿਆਹ ਪਿਛੋਂ ਪੈਦਾ ਹੋਈਆਂ 2 ਧੀਆਂ ਦੀ ਮੌਤ ਹੋ ਚੁਕੀ ਹੈ। ਉਸ ਨੂੰ ਕਿਸੇ ਨੇ ਸਲਾਹ ਦੇ ਦਿਤੀ ਕਿ ਤੇਨੂੰ ਔਲਾਦ ਦਾ ਸੁੱਖ ਤਦੇ ਮਿਲੇਗਾ, ਜੇ ਕਿਸੇ ਬੱਚੇ ਦੀ ਬਲੀ ਦੇਵੇਂਗੀ। ਪੁਲਸ ਹਾਲੇ ਖੁੱਲ੍ਹ ਕੇ ਨਹੀਂ ਦੱਸ ਰਹੀ, ਪਰ ਦੱਸਿਆ ਗਿਆ ਹੈ ਕਿ ਹੈਪੀ ਦੀ ਲਾਸ਼ ਜਦੋਂ ਝਾੜੀਆਂ ਕੋਲੋਂ ਮਿਲੀ ਤਾਂ ਉਸ ਦੇ ਮੁੰਹ ਤੋਂ ਝੱਗ ਨਿਕਲ ਰਹੀ ਸੀ। ਪੋਸਟ ਮਾਰਟਮ ਰਿਪੋਰਟ ਅਨੁਸਾਰ ਉਸ ਦੇ ਸਰੀਰ `ਤੇ ਛੋਟੇ-ਛੋਟੇ ਨਿਸ਼ਾਨ ਸਨ। ਪੁਲਸ ਅੰਦਾਜਾ ਲਾ ਰਹੀ ਹੈ ਕਿ ਅਮਨਦੀਪ ਨੇ ਪਹਿਲਾਂ ਹੈਪੀ ਨੂੰ ਅਗਵਾ ਕੀਤਾ ਅਤੇ ਫੇਰ ਕੁਟਮਾਰ ਕਰਕੇ ਉਸ ਨੂੰ ਸੱਪ ਦਾ ਡੰਗ ਮਰਵਾ ਦਿਤਾ ਹੋਵੇਗਾ ਤਾਂ ਕਿ ਉਸ ਦੀ ਮੌਤ ਕੁਦਰਤੀ ਜਾਪੇ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਅਮਨਦੀਪ ਕੌਰ ਨੇ ਆਪਣਾ ਜੁਰਮ ਪਿੰਡ ਦੇ ਸਰਪੰਚ ਕੋਲ ਮੰਨ ਲਿਆ ਹੈ, ਪਰ ਪੁਲਸ ਰਿਮਾਂਡ ਤੋਂ ਬਾਅਦ ਹੀ ਇਸ ਬਾਰੇ ਬਿਆਨ ਦੇਵੇਗੀ। ਉਂਜ ਪੁਲਸ ਚੌਕੀ ਦੇ ਇੰਚਾਰਜ ਨੇ ਦਸਿਆ ਹੈ ਕਿ ਹੈਪੀ ਦੀ ਮੌਤ ਗਲਾ ਦਬਾਉਣ ਕਾਰਨ ਹੋਈ ਲੱਗਦੀ ਹੈ ਬਾਕੀ ਵਿਸਰਾ ਰਿਪੋਰਟ ਮਿਲਣ `ਤੇ ਪਤਾ ਲੱਗੇਗਾ।

Have something to say? Post your comment