ਅਭਿਨੇਤਰੀ ਸਾਨਿਆ ਮਲਹੋਤਰਾ ਦਾ ਕਹਿਣਾ ਹੈ ਕਿ ਉਹ ਘੱਟ ਬੋਲਣ ਵਾਲੀ ਅਤੇ ਸੰਕੋਚੀ ਹੈ ਅਤੇ ਉਹ ਖੁਦ ਨੂੰ ਜ਼ਾਹਰ ਕਰਨ ਲਈ ਡਾਂਸ ਅਤੇ ਐਕਟਿੰਗ ਦਾ ਸਹਾਰਾ ਲੈਂਦੀ ਹੈ। ਉਸ ਤੋਂ ਐਕਟਿੰਗ ਦੀ ਪ੍ਰਕਿਰਿਆ ਬਾਰੇ ਪੁੱਛੇ ਜਾਣ 'ਤੇ ਉਸ ਨੇ ਕਿਹਾ, ‘‘ਮੇਰੀ ਕੋਈ ਵਿਸ਼ੇਸ਼ ਪ੍ਰਕਿਰਿਆ ਨਹੀਂ, ਇਹ ਇੱਕ ਸਿਖਿਆ ਹੈ। ਹਰ ਕਿਰਦਾਰ ਜੋ ਮੈਂ ਨਿਭਾਉਂਦੀ ਹਾਂ, ਉਹ ਹਰ ਫਿਲਮ ਨਾਲ ਬਦਲਦਾ ਹੈ। ਇਸ ਦੇ ਇਲਾਵਾ ਖਾਸ ਤੌਰ ਉੱਤੇ ਇਸ ਲਈ ਵੀ ਕਿ ਮੈਂ ‘ਦੰਗਲ' ਵਰਗੀ ਫਿਲਮ ਨਾਲ ਸ਼ੁਰੂਆਤ ਕੀਤੀ ਸੀ ਤੇ ਅਸੀਂ ਦੇਖ ਸਕਦੇ ਹਾਂ ਕਿ ਜਦ ਤੁਸੀਂ ਕੈਮਰੇ ਦੇ ਸਾਹਮਣੇ ਜਾਣ ਤੋਂ ਸਖਤ ਮਿਹਨਤ ਕਰਦੇ ਹੋ ਅਤੇ ਖੁਦ ਨੂੰ ਤਿਆਰ ਕਰਦੇ ਹੋ ਤਾਂ ਉਹ ਅਸਲ ਵਿੱਚ ਸਕਰੀਨ 'ਤੇ ਦਿਖਾਈ ਦਿੰਦਾ ਹੈ।”
ਖੁਦ ਦੇ ਬਾਰੇ ਉਸ ਨੇ ਕਿਹਾ, ‘‘ਮੈਂ ਬੋਰਿੰਗ ਹਾਂ। ਨਾਲ ਹੀ ਘੱਟ ਬੋਲਣ ਵਾਲੀ ਅਤੇ ਸੰਕੋਚੀ ਹਾਂ, ਯਾਨੀ ਇਕਦਮ ਸ਼ਾਂਤ।” ਉਹ ਖੁਦ ਨੂੰ ਕਲਾ ਦੇ ਖੇਤਰ ਵਿੱਚ ਸ਼ਾਮਲ ਕਰਨਾ ਬਹੁਤ ਪਸੰਦ ਕਰਦੀ ਹੈ।