Welcome to Canadian Punjabi Post
Follow us on

12

August 2020
ਕੈਨੇਡਾ

ਵੁਈ ਚੈਰਿਟੀ ਦੇ ਈਵੈਂਟਸ ਉੱਤੇ ਬੋਲਣ ਬਦਲੇ ਟਰੂਡੋ ਦੀ ਮਾਂ, ਭਰਾ ਤੇ ਪਤਨੀ ਨੂੰ ਮਿਲਦੇ ਰਹੇ ਹਨ ਹਜ਼ਾਰਾਂ ਡਾਲਰ

July 10, 2020 07:09 AM

ਓਟਵਾ, 9 ਜੁਲਾਈ (ਪੋਸਟ ਬਿਊਰੋ) : ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਪਰਿਵਾਰਕ ਮੈਂਬਰਾਂ ਨੂੰ ਪਿਛਲੇ ਚਾਰ ਸਾਲਾਂ ਵਿੱਚ ਵੁਈ ਚੈਰਿਟੀ (WE Charity) ਦੇ ਈਵੈਂਟਸ ਉੱਤੇ ਬੋਲਣ ਬਦਲੇ 300,000 ਡਾਲਰ ਦੇ ਲਗਭਗ ਅਦਾ ਕੀਤੇ ਗਏ।

ਪ੍ਰਧਾਨ ਮੰਤਰੀ ਟਰੂਡੋ ਨਾਲ ਇਸ ਚੈਰਿਟੀ ਦੇ ਨੇੜਲੇ ਸਬੰਧਾਂ ਦੀ ਐਥਿਕਸ ਕਮਿਸ਼ਨਰ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਟਰੂਡੋ ਦੀ ਮਾਤਾ ਮਾਰਗ੍ਰੈਟ ਟਰੂਡੋ ਨੂੰ 2016 ਤੋਂ 2020 ਦਰਮਿਆਨ 28 ਈਵੈਂਟਸ ੳੱੁਤੇ ਬੋਲਣ ਬਦਲੇ 250,000 ਡਾਲਰ ਇਸੇ ਚੈਰਿਟੀ ਵੱਲੋਂ ਦਿੱਤੇ ਗਏ। ਪ੍ਰਧਾਨ ਮੰਤਰੀ ਦੇ ਭਰਾ ਅਲੈਗਜੈ਼ਂਡਰ ਟਰੂਡੋ ਨੂੰ 2017 ਤੋਂ 2018 ਦਰਮਿਆਨ ਅੱਠ ਮੌਕਿਆਂ ਉੱਤੇ ਬੋਲਣ ਬਦਲੇ ਅੰਦਾਜ਼ਨ 32000 ਡਾਲਰ ਮਿਲੇ।

ਇਸ ਵਿੱਚੋਂ 60,000 ਡਾਲਰ ਦੀ ਰਕਮ, ਜੋ ਕਿ ਕਾਰਪੋਰੇਟ ਸਪਾਂਸਰਜ਼ ਵੱਲੋਂ ਦਿੱਤੀ ਗਈ ਸੀ, ਨੂੰ ਸਿੱਧਿਆਂ ਮਾਰਗਰੈਟ ਟਰੂਡੋ ਨੂੰ ਅਦਾ ਕੀਤਾ ਗਿਆ। ਬਾਅਦ ਵਿੱਚ ਵੁਈ ਚੈਰਿਟੀ ਨੇ ਇਸ ਨੂੰ ਬਿਲਿੰਗ ਤੇ ਅਦਾਇਗੀ ਵਿੱਚ ਗਲਤੀ ਦੱਸਿਆ। ਇਸ ਤੋਂ ਇਲਾਵਾ ਟਰੂਡੋ ਦੀ ਪਤਨੀ ਸੋਫੀ ਗ੍ਰੈਗੌਇਰ ਟਰੂਡੋ ਨੂੰ 2012 ਵਿੱਚ ਨੌਜਵਾਨਾਂ ਲਈ ਕਰਵਾਏ ਗਏ ਇੱਕ ਈਵੈਂਟ ਵਿੱਚ ਹਿੱਸਾ ਲੈਣ ਬਦਲੇ 1400 ਡਾਲਰ ਦਿੱਤੇ ਗਏ। ਇਹ ਟਰੂਡੋ ਦੇ ਲਿਬਰਲ ਪਾਰਟੀ ਦਾ ਆਗੂ ਬਣਨ ਤੋਂ ਪਹਿਲਾਂ ਦੀ ਗੱਲ ਹੈ। ਆਰਗੇਨਾਈਜ਼ੇਸ਼ਨ ਨੇ ਆਖਿਆ ਕਿ ਉਸ ਵੱਲੋਂ ਕਦੇ ਵੀ ਜਸਟਿਨ ਟਰੂਡੋ ਨੂੰ ਉਨ੍ਹਾਂ ਦੇ ਭਾਸ਼ਣਾਂ ਬਦਲੇ ਕੋਈ ਰਕਮ ਨਹੀਂ ਦਿੱਤੀ ਗਈ ਹਾਲਾਂਕਿ ਦੁਨੀਆ ਭਰ ਵਿੱਚ ਉਨ੍ਹਾਂ ਚੈਰਿਟੀ ਦੇ ਕਈ ਈਵੈਂਟਸ ਵਿੱਚ ਭਾਸ਼ਣ ਦਿੱਤੇ।

ਜਿ਼ਕਰਯੋਗ ਹੈ ਕਿ ਸੋਫੀ ਗ੍ਰੈਗੌਇਅਰ ਟਰੂਡੋ ਆਰਗੇਨਾਈਜ਼ੇਸ਼ਨ ਦੀ ਅੰਬੈਸਡਰ ਹੈ ਤੇ ਇਸ ਦੇ ਨਾਂ ਉੱਤੇ ਮੈਂਟਲ ਹੈਲਥ ਪੌਡਕਾਸਟ ਵੀ ਹੋਸਟ ਕਰਦੀ ਹੈ। ਇਨ੍ਹਾਂ ਗਰਮੀਆਂ ਵਿੱਚ ਵਿਦਿਆਰਥੀਆਂ ਤੇ ਗ੍ਰੈਜੂਏਸ਼ਨ ਮੁਕੰਮਲ ਕਰਨ ਵਾਲੇ ਵਿਦਿਆਰਥੀਆਂ ਲਈ ਕੀਤੇ ਜਾਣ ਵਾਲੇ ਵਾਲੰਟੀਅਰ ਕੰਮ ਲਈ ਟਰੂਡੋ ਸਰਕਾਰ ਨੇ 900 ਮਿਲੀਅਨ ਡਾਲਰ ਦੇ ਜਿਸ ਫੈਡਰਲ ਪ੍ਰੋਗਰਾਮ ਦਾ ਐਲਾਨ ਕੀਤਾ ਸੀ ਉਸ ਦੀ ਸਾਰੀ ਜਿ਼ੰਮੇਵਾਰੀ ਵੁਈ ਚੈਰਿਟੀ ਨੂੰ ਸੌਂਪੀ ਗਈ ਸੀ। ਪਰ ਵੁਈ ਚੈਰਿਟੀ ਨਾਲ ਪਰਿਵਾਰਕ ਸਬੰਧ ਉਜਾਗਰ ਹੋਣ ਤੋਂ ਬਾਅਦ ਰੌਲਾ ਪੈਣ ਉੱਤੇ ਇਹ ਫੈਸਲਾ ਰੱਦ ਕਰ ਦਿੱਤਾ ਗਿਆ। ਹੁਣ ਫੈਡਰਲ ਐਥਿਕਸ ਕਮਿਸ਼ਨਰ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਵਿਰੋਧੀ ਧਿਰ ਦੇ ਆਗੂ ਵਜੋਂ ਅੱਜ ਹਾਊਸ ਆਫ ਕਾਮਨਜ਼ ਵਿੱਚ ਆਖਰੀ ਵਾਰੀ ਹਾਜ਼ਰ ਹੋਣਗੇ ਸ਼ੀਅਰ
ਵੁਈ ਚੈਰਿਟੀ ਡੀਲ ਬਾਰੇ ਸਰਕਾਰ ਤੋਂ ਗਲਤੀ ਹੋਈ ਹੈ : ਕੁਆਲਤਰੋ
ਵਿੱਤ ਮੰਤਰੀ ਬਿੱਲ ਮੌਰਨਿਊ ਉੱਤੇ ਪੂਰਾ ਭਰੋਸਾ : ਟਰੂਡੋ
ਹਵਾਈ ਸਫਰ ਕਰਨ ਵਾਲਿਆਂ ਨੂੰ ਮਾਸਕ ਨਾ ਪਾਉਣ ਲਈ ਦੇਣਾ ਹੋਵੇਗਾ ਮੈਡੀਕਲ ਸਬੂਤ
ਵੁਈ ਚੈਰਿਟੀ ਵਿਵਾਦ ਬਾਰੇ ਮੰਤਰੀ ਤੇ ਉੱਘੇ ਪਬਲਿਕ ਸਰਵੈਂਟ ਅੱਜ ਰੱਖਣਗੇ ਆਪਣਾ ਪੱਖ
ਫੈਡਰਲ ਸਰਕਾਰ ਨੇ ਘੱਟ ਤੋਂ ਘੱਟ ਬੇਰੋਜ਼ਗਾਰੀ ਦਰ 13æ1 ਫੀ ਸਦੀ ਤੈਅ ਕੀਤੀ
ਲਾਪਤਾ 4 ਸਾਲਾ ਬੱਚੀ ਦੀ ਗੁਆਂਢੀ ਦੇ ਪੂਲ ਵਿੱਚੋਂ ਮਿਲੀ ਲਾਸ਼
ਲਿਬਰਲਾਂ ਨੇ ਵੁਈ ਚੈਰਿਟੀ ਨਾਲ ਸਬੰਧਤ ਦਸਤਾਵੇਜ਼ ਕਮੇਟੀ ਹਵਾਲੇ ਕੀਤੇ
ਐਲੂਮੀਨੀਅਮ ਵਿਵਾਦ : ਕੈਨੇਡਾ ਵੱਲੋਂ ਅਮਰੀਕੀ ਐਲੂਮੀਨੀਅਮ ਉੱਤੇ 3æ6 ਬਿਲੀਅਨ ਡਾਲਰ ਟੈਰਿਫ ਲਾਉਣ ਦੀ ਯੋਜਨਾ : ਫਰੀਲੈਂਡ
ਕੈਨੇਡਾ ਉੱਤੇ ਨਵੇਂ ਐਲੂਮੀਨੀਅਮ ਟੈਰਿਫ ਲਾਉਣ ਦੀ ਤਿਆਰੀ ਕਰ ਰਿਹਾ ਹੈ ਅਮਰੀਕਾ