ਮੈਡਿ੍ਡ, 9 ਜੁਲਾਈ (ਪੋਸਟ ਬਿਊਰੋ)- ਸਪੈਨਿਸ਼ ਪੁਲਸ ਨੇ ਪਾਕਿਸਤਾਨੀ ਫੌਜੀ ਕੰਪਨੀਆਂ ਦੇ ਦੂਹਰੇ ਵਰਤੋਂ ਵਾਲੇ ਯੰਤਰਾਂ ਅਤੇ ਟੈਕਨਾਲੋਜੀ ਦੀ ਸਮੱਗਲਿੰਗ ਕਰਨ ਦੇ ਦੋਸ਼ 'ਚ ਦੋ ਵਿਅਕਤੀਆਂ ਨੂੰ ਗ਼੍ਰਿਫ਼ਤਾਰ ਕੀਤਾ ਹੈ।
ਇਸ ਬਾਰੇ ਸਪੈਨਿਸ਼ ਪੁਲਸ ਨੇ ਦੱਸਿਆ ਕਿ ਇਨ੍ਹਾਂ ਲੋਕਾਂ ਨੂੰ ਇੱਕ ਜੁਲਾਈ ਨੂੰ ਸਪੇਨ ਦੇ ਦੱਖਣ-ਪੂਰਬੀ ਐਲੀਕਾਂਟੇ 'ਚ ਫੜਿਆ ਗਿਆ ਹੈ। ਉਹ ਲਾਇਸੰਸ ਤੋਂ ਬਿਨਾਂ ਯੰਤਰਾਂ ਦੀ ਬਰਾਮਦ ਕਰ ਰਹੇ ਸਨ। ਇਹ ਵਿਅਕਤੀ ਐਲੀਕਾਂਟੇ 'ਚ ਤਿੰਨ ਉਦਯੋਗਿਕ ਗੋਦਾਮਾਂ ਤੋਂ ਇੱਕ ਕੰਪਨੀ ਚਲਾ ਰਹੇ ਹਨ, ਜਿਹੜੀ ਯੂ ਏ ਵੀ ਲਈ ਖੁਦਮੁਖਤਿਆਰੀ ਵਾਲੀ ਨੇਵੀਗੇਸ਼ਨ ਟੈਕਨਾਲੋਜੀ ਦੀ ਬਰਾਮਦ 'ਚ ਖਾਸ ਸੀ। ਉਨ੍ਹਾਂ ਦੇ ਬਹੁਤ ਸਾਰੇ ਵਪਾਰਕ ਵਿਵਹਾਰਾਂ ਦਾ ਪਤਾ ਪਾਕਿਸਤਾਨ 'ਚ ਚਲ ਸਕਦਾ ਹੈ। ਕੰਪਨੀ ਨੂੰ ਬਰਾਮਦ ਲਈ ਚਾਰ ਮਿਲੀਅਨ ਯੂਰੋ ਦੀ ਅਨੁਮਾਨਿਤ ਰਕਮ ਪ੍ਰਾਪਤ ਹੋਈ ਹੈ।