ਬਰੈਂਪਟਨ, 9 ਜੁਲਾਈ (ਪੋਸਟ ਬਿਊਰੋ) : ਓਐਸਜੀਸੀ ਵੱਲੋਂ ਅੱਜ ਪੀਲ ਮੈਮੋਰੀਅਲ ਹੌਸਪਿਟਲ ਵਿੱਚ ਫਰੰਟਲਾਈਨ ਵਾਰੀਅਰਜ਼ ਤੇ ਵਾਲੰਟੀਅਰਜ਼ ਦਾ ਸ਼ੁਕਰੀਆ ਅਦਾ ਕਰਨ ਲਈ ਮੁਹਿੰਮ ਦੀ ਸੁ਼ਰੂਆਤ ਕੀਤੀ ਗਈ।
ਓਐਸਜੀਸੀ ਦੇ ਨੁਮਾਇੰਦਿਆਂ ਦੇ ਨਾਲ ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਊਨ ਤੇ ਕਾਉਂਸਲਰ ਹਰਕੀਰਤ ਸਿੰਘ ਵੀ ਵਾਰੀਅਰਸ ਤੇ ਵਾਲੰਟੀਅਰਜ਼ ਦਾ ਸ਼ੁਕਰੀਆ ਅਦਾ ਕਰਨ ਦੀ ਮੁਹਿੰਮ ਦੀ ਸ਼ੁਰੂਆਤ ਕਰਨ ਸਮੇਂ ਮੌਕੇ ਉੱਤੇ ਮੌਜੂਦ ਸਨ। ਆਉਣ ਵਾਲੇ ਦਿਨਾਂ ਵਿੱਚ ਇਸ ਤਰ੍ਹਾਂ ਦੇ ਸਾਈਨ ਜੀਟੀਏ ਵਿੱਚ ਹਸਪਤਾਲਾਂ, ਪਬਲਿਕ ਟਰਾਂਜਿ਼ਟ ਯਾਰਡਜ਼, ਫਰੰਟਲਾਈਨ ਐਮਰਜੰਸੀ ਸਰਵਿਸਿਜ਼, ਗਰੌਸਰੀ ਸਰਵਿਸਿਜ਼, ਟੈਕਸੀ-ਲੀਮੋ ਸਟੈਂਡਜ਼, ਸਿਟੀ ਸਰਵਿਸਿਜ਼, ਟਰੱਕਿੰਗ ਕਾਰੋਬਾਰਾਂ ਤੇ ਹੋਰਨਾਂ ਫਰੰਟ ਲਾਈਨ ਸਰਵਿਸਿਜ਼ ਵਾਲੀਆਂ ਥਾਂਵਾਂ ਉੱਤੇ ਲਾਏ ਜਾਣਗੇ।
ਜੇ ਕਿਸੇ ਨੂੰ ਅਜਿਹੇ ਸਾਈਨਜ਼ ਦੀ ਲੋੜ ਹੈ ਤੇ ਜੇ ਕਿਸੇ ਕੋਲ ਕੋਈ ਲੋਕੇਸ਼ਨ ਹੈ ਜਿੱਥੇ ਇਹ ਸਾਈਨ ਲਾਏ ਜਾ ਸਕਦੇ ਹਨ ਤਾਂ secretaryosgc@gmail.com ਉੱਤੇ ਈਮੇਲ ਕੀਤਾ ਜਾ ਸਕਦਾ ਹੈ।