ਨਿਰਮਾਤਾ ਬਣੇ ਵਿਵੇਕ ਓਬਰਾਏ ਲੱਗਦਾ ਹੈ ਕਿ ਪੂਰੀ ਤਰ੍ਹਾਂ ਨਾਲ ਇਸ ਖੇਤਰ ਨੂੰ ਅਜਮਾਉਣ ਨੂੰ ਤਿਆਰ ਹਨ। ਪਿੱਛੇ ਜਿਹੇ ਉਨ੍ਹਾਂ ਨੇ ਆਪਣੇ ਪ੍ਰੋਡਕਸ਼ਨ ਹੇਠ ਬਣਨ ਵਾਲੀ ਪਹਿਲੀ ਫਿਲਮ ‘ਇਤੀ’ ਦਾ ਐਲਾਨ ਕੀਤਾ ਸੀ। ਅੱਗੋਂ ਉਸ ਨੇ ਆਪਣੇ ਪ੍ਰੋਡਕਸ਼ਨ ਵਿੱਚ ਬਣਨ ਵਾਲੀ ਦੂਸਰੀ ਫਿਲਮ ‘ਰੋਜ਼ੀ : ਦ ਸੈਫਰਨ ਚੈਪਟਰ’ ਦਾ ਐਲਾਨ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਹਾਰਰ ਥ੍ਰਿਲਰ ਫਿਲਮ ਹੋਵੇਗੀ ਅਤੇ ਸੱਚੀਆਂ ਘਟਨਾਵਾਂ 'ਤੇ ਆਧਾਰਤ ਹੋਵੇਗੀ। ਉਹ ਇਸ ਫਿਲਮ ਨੂੰ ਵਿਵੇਕ ਮੰਦਿਰਾ ਇੰਟਰਟੇਨਮੈਂਟ ਦੇ ਨਾਲ ਮਿਲ ਕੇ ਬਣਾ ਰਹੇ ਹਨ। ਇਸ ਫਿਲਮ ਦੇ ਡਾਇਰੈਕਟਰ ਅਤੇ ਲੇਖਕ ਵਿਸ਼ਾਲ ਮਿਸ਼ਰਾ ਹੀ ਹਨ, ਜੋ ‘ਇਤੀ' ਦਾ ਵੀ ਨਿਰਦੇਸ਼ਨ ਕਰਨਗੇ।
ਸੱਚੀ ਘਟਨਾ 'ਤੇ ਆਧਾਰਤ ਇਸ ਫਿਲਮ ਦੀ ਫਰੈਂਚਾਈਜ਼ੀ ਬਣਾਉਣ ਦੇ ਬਾਰੇ ਵੀ ਵਿਚਾਰ ਕੀਤਾ ਜਾ ਰਿਹਾ ਹੈ। ਫਿਲਮ ਦਾ ਪਹਿਲਾ ਪਾਰਟ ਗੁੜਗਾਓਂ ਦੇ ਸੈਫਰਨ ਬੀ ਪੀ ਓ ਉੱਤੇ ਆਧਾਰਤ ਹੋਵੇਗਾ। ਕਹਾਣੀ ਬੀ ਪੀ ਓ ਵਿੱਚ ਕੰਮ ਕਰ ਰਹੀ ਰੋਜ਼ੀ ਨਾਂਅ ਦੀ ਲੜਕੀ ਬਾਰੇ ਹੈ। ਵਿਵੇਕ ਦਾ ਕਹਿਣਾ ਹੈ ਕਿ ਉਹ ਕੰਸੈਪਟ ਵਾਲੀਆਂ ਫਿਲਮਾਂ ਬਣਾਉਣਾ ਚਾਹੁੰਦੇ ਹਨ। ਨਾਲ ਉਹ ਨਵੇਂ ਕਲਾਕਾਰਾਂ ਨੂੰ ਮੌਕਾ ਦੇਣਾ ਚਾਹੁੰਦੇ ਹਨ। ‘ਰੋਜ਼ੀ’ ਫਿਲਮ ਦੀ ਫਰੈਂਚਾਈਜ਼ੀ ਵਿੱਚ ਵੀ ਨਵੇਂ ਚਿਹਰਿਆਂ ਨੂੰ ਮੌਕਾ ਮਿਲੇਗਾ। ਇਸ ਸਾਲ ਸਤੰਬਰ ਤੋਂ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਸਕਦੀ ਹੈ।