ਵਾਅਨ, 7 ਜੁਲਾਈ (ਪੋਸਟ ਬਿਊਰੋ) : ਯੌਰਕ ਰੀਜਨ ਪਬਲਿਕ ਹੈਲਥ ਦਾ ਕਹਿਣਾ ਹੈ ਕਿ ਵਾਅਨ ਇਲਾਕੇ ਦੇ ਮਸ਼ਰੂਮ ਫਾਰਮ ਵਿੱਚ 30 ਵਰਕਰਜ਼ ਦੇ ਕਰੋਨਾਵਾਇਰਸ ਸਬੰਧੀ ਟੈਸਟ ਪਾਜ਼ੀਟਿਵ ਆਏ ਹਨ।
ਹੈਲਥ ਯੂਨਿਟ ਦਾ ਕਹਿਣਾ ਹੈ ਕਿ ਇਹ ਸਾਰੇ ਵਰਕਰਜ਼, ਕਿੰਗ ਵਾਅਨ ਰੋਡ, ਜੋ ਕਿ ਵੈਸਟਨ ਰੋਡ ਤੇ ਪਾਈਨ ਵੈਲੀ ਡਰਾਈਵ ਦਰਮਿਆਨ ਮੌਜੂਦ ਹੈ, ਉੱਤੇ ਸਥਿਤ ਰੇਵੀਨ ਮਸ਼ਰੂਮ ਫਾਰਮ ਵਿੱਚ ਕੰਮ ਕਰਦੇ ਸਨ। ਉਨ੍ਹਾਂ ਦੱਸਿਆ ਕਿ ਸੱਭ ਤੋਂ ਪਹਿਲਾਂ ਉਨ੍ਹਾਂ ਨੂੰ 27 ਜੂਨ ਨੂੰ ਇਸ ਸਥਿਤੀ ਬਾਰੇ ਪਤਾ ਲੱਗਿਆ। ਪਾਜ਼ੀਟਿਵ ਪਾਏ ਗਏ ਵਿਅਕਤੀਆਂ ਵਿੱਚੋਂ 24 ਇਸ ਇਲਾਕੇ ਦੇ ਹੀ ਰਹਿਣ ਵਾਲੇ ਹਨ। ਇਹ ਜਾਣਕਾਰੀ ਹੈਲਥ ਯੂਨਿਟ ਵੱਲੋਂ ਆਪਣੀ ਵੈਬਸਾਈਟ ਉੱਤੇ ਦਿੱਤੀ ਗਈ।
ਮੈਡੀਕਲ ਆਫੀਸਰ ਆਫ ਹੈਲਥ ਡਾ. ਕਰੀਮ ਕੁਰਜ਼ੀ ਨੇ ਦੱਸਿਆ ਕਿ ਇਸ ਆਊਟਬ੍ਰੇਕ ਨੂੰ ਵੱਡਾ ਮੰਨਿਆ ਜਾ ਰਿਹਾ ਹੈ। ਉਨ੍ਹਾਂ ਆਖਿਆ ਕਿ ਇਸ ਫਾਰਮ ੳੱੁਤੇ ਇਹ ਵੱਡਾ ਆਊਟਬ੍ਰੇਕ ਹੈ ਤੇ ਯੌਰਕ ਰੀਜਨ ਵਿੱਚ ਕਈ ਫਾਰਮਾਂ ਉੱਤੇ ਕਰੋਨਾਵਾਇਰਸ ਦੇ ਕੁੱਝ ਹੋਰ ਮਾਮਲੇ ਵੀ ਹਨ। ਉਨ੍ਹਾਂ ਦੱਸਿਆ ਕਿ ਪਬਲਿਕ ਹੈਲਥ ਇੰਸਪੈਕਟਰਜ਼ ਵੱਲੋਂ ਇਨ੍ਹਾਂ ਸਾਈਟਸ ਦਾ ਦੌਰਾ ਕੀਤਾ ਜਾ ਚੱੁਕਿਆ ਹੈ।